Almatyda jer mәselesine qatysty sheru ótedi delingen 21 mamyr qarsanynda ústalyp, "rúqsat etilmegen miting úiymdastyru" baby boyynsha 15 kýnge qamalghan azamattardyng biri Móldir Adylova bostandyqqa shyqty. Adylovany әkimshilik jazagha tartylghandardy qamau ornynyng aldynda birneshe azamattyq belsendi kýtip aldy. Bostandyqqa shyqqan Móldirdi әke-sheshesi jurnalistermen kóp tildestirmey, asyghys týrde alyp ketti.

Almatynyng audanaralyq mamandandyrylghan soty 18 mamyrda Móldir Adylovany «әleumettik jelide kópshilikti jer mәselesi boyynsha mitingige shaqyrdy» degen aiyppen 15 tәulikke qamaghan. Ol búl aiyppen kelispey, «Qazaqstannyng patrioty retinde jer mәselesine qatysty jeke pikirin bildirgenin» aitqan.

2 mausymgha qaraghan týni Almatyda 15 tәulikke qamalghan qúqyq qorghaushy Baqytjan Tóreghojina, belsendi Marat Uathan, 1 mausymda keshke Qúral Ismanov, Sýiindik Aldabergenov bostandyqqa shyqqan.

"21 mamyrda jer reformasyna qatysty býkilqazaqstandyq miting ótedi" degen aqparat taraghan song mamyrdyng 17-sinen bastap 30-gha tarta adam ústalyp, 10-15 tәulikke deyin qamalghan.

21 mamyrda Qazaqstannyng birneshe qalasynda jerdi satu jәne sheteldikterge úzaq merzimge jalgha beruge qarsy mitingini polisiya boldyrmay, oghan qatyspaq bolghan ondaghan adamdy polisiya ústaghan. Ústalghandardyng keybirine mitingige qatysty aiyp taghylyp, әkimshilik aiyppúl salynghan. Ústalghandar arasynda ondaghan jurnalist pen azamattyq belsendiler de bolghan.

Asylhan Mamashúly

Azattyq