Seysenbi, 31 Naurız 2020
Käsip-tübi näsip 2564 0 pikir 2 Mausım, 2016 sağat 12:05

ALMATI OBLISINIÑ QIZILŞA ÖSİRUŞİLERİNE QARAJAT BÖLİNDİ

Nesie komitetiniñ birinşi otırısında 20 ötiniş qaralıp, olarğa jalpı soması 75,8 mln teñge bölindi.


«Atameken» WKP men  Almatı oblısınıñ äkimdigi şağın biznes sub'ektilerine arnap 600 mln teñge bölgen bolatın. Endi Käsipkerler palatasında jaña şağın nesie beru bağdarlamasına qatısuşı käsipkerlerdiñ ötinişterin qarau bastaldı. Osı öñirdegi nesie beru operatorı   – «Auıl şaruaşılığın qarjılay qoldau qorı» (AŞQQQ)  AQ.

Palatanıñ mamandarı qwjattardı jinastırıp, räsimdeuge jäne süyemeldeuge kömektesse, AŞQQQ mälimetterdi taldaydı, al ÖKP janındağı Nesie komiteti ötinişterdi qarap, maqwldaydı.

 Sonday-aq, jobanıñ aşıqtığın qamtamasız etu jäne onı odan arı qaray tabıstı jüzege asıru üşin käsipkerlerdiñ ötinişterin qabıldaytın Nesie komiteti oblıstıñ biznes-qauımdastıqtarınıñ ökilderinen jasaqtalğan.

Sonımen, Komitettiñ birinşi otırısında 20 ötiniş qaralıp, barlığı maqwldandı. Qarız aluşılar qant qızılşasın ösirumen aynalısatın şarua qojalıqtarınıñ ökilderi ekenin atap ötuimiz kerek.  Komitet müşesi äri Almatı oblısı Käsipkerler palatasınıñ direktorı Läzzat Şıñğısbaevanıñ aytuınşa, eñ az nesie soması 1,2 mln teñge bolsa, eñ köbi 6 mln teñge bolıptı.

«20 ötiniş boyınşa barlığı 75 mln 800 mıñ teñge beriledi. Endi qwjattardı Auıl şaruaşılığın qarjılay qoldau qorına tapsırudı josparlap otırmız.  Olar qarajattı bölu üşin qarız aluşılarmen qarız alu jäne kepilge qoyu şartın jasasadı.  Bir aptadan keyin-aq şarualar qarajatqa qol jetkize aladı dep kütilude», – dedi L.Şıñğısbaeva.

Şağın nesie beru bağdarlamasınıñ bastı erekşeligi – kepil retinde jer telimderi, twrğın-jay qwrılıstarı  men basqa da jıljımaytın mülikter qabıldanadı.  

Retteme boyınşa sıyaqı mölşerlemesi jılına 6% bolsa, jıldıq tiimdi sıyaqı mölşerlemesi 6,7%-dan köp emes.  Nesie 4 jıl 6 ay merzimge deyin beriledi.  Qarızdı ay sayın, toqsan sayın, jartı jılda bir ret jäne jılına bir ret öteuge boladı.

Abai.kz

 

 

 

0 pikir