Bizding qazaq «bireu toyyp sekiredi, bireu tonyp sekiredi» degendi  qalay tauyp aitqan.   Jeksenbi kýni elorda  halqy  soghan kuә boldy.  Sheneunikter marafon úiymdastyryp,  qalanyng jartysyn  qoldan «paralizovati» etip tastady. 

Astananyng sol jaghynan ong jaghyna, ong jaghynan sol jaghyna jete almay zaryqqan júrtta esep joq. Bireu poezdan qaldym dep enireydi. Bireu auejaygha jete almay zar iyeledi.  Tirshilikting kýndelikti kýibenimen jýrgen júrt  ne anda joq, ne múnda joq «keptelistin» tútqyny boldy da qaldy. Kólikterding ishinde  shóldep jylaghan balalar... 

Sebebi, kóshe-kóshening bәri kólikke lyq tolghan. Qiylystardyng bәrinde jol polisiyasy qyzmetkerleri. Ne  bylay, ne bylay jibermeydi.  Qayta keri quyp, jayshylyqta  ózderi andyp  jýrip aiyp salatyn jol belgisin de kerek qylmay, jýruge  tyiym salynghan jerlerge búryp jiberedi.  

Rulide 4 saghattay otyryp, jeter jerime әreng jetkenshe halyqtyng әbden berekesi ketkenin kórdim. Marafondy úiymdastyrushylardyn  jap-jaqsy isti sonshalyqty sauatsyz, sonshalyqty qarabayyr, sonshalyqty bir jaqty úiymdastyrghanyna nalyghan júrttyn   renjip jandary kýiip aitqan sózderinen qúlaq túnady.  

Rasynda múnday   marafon kimge  kerek?  Jogharydaghy sheneunikter ýshin jýgiruge ynghayly jer Astananyng qaq ortasyndaghy kósheler dep sheshim qabyldaghan kim? Qala túrghyndary múnday kezde qanday jaghdayda qalady degenge olardyng basy jetpegeni me? 

Au, marafon úiymdastyrghysy kelse, qala shetindegi  joldar jetedi ghoy, solardyng bir jaghymen qúmarlary qanghansha 40-50 shaqyrymgha jýgirsin.  

Keshkisin sheneunikter  teledidardan  dýrildegen marafon ótkenin aityp mәz bolyp túr. Salamatty ómir salty nasihattaldy deydi.    

Qaydaghy salamattylyq? Keptelisite  qalghan qansha adamnyng qan qysym kóterilip, basy auyrghanyn, qansha sәbiyding shóldep shyryldaghanyn, biyleti qaltasynda, ózi ne úshaqqa, ne poezgha jete almay  jýikesi tozghan júrttyn densaulyghyna qanshalyqty ziyan keltirgenin bile me búlar? 

Bir sózben aitqanda, Astanada   sauatsyz úiymdastyrlaghan, tek «marafon ótti» degen  belgi ýshin qoldan jasalghan mәdeniyetsiz shara boldy. Búghan býkil halyq kuә! 

Internet  jelisinde Premier-ministr Kәrim Mәsimov marafonnyng úiymdastyrylu jaghyn synady degen aqparat jýr. Óte oryndy syn.  Óitkeni, múnday marafonnyng qalalyqtar ýshin kók tiyngha da keregi  joq.

Ghabdul Merqúrman

(Curetter Tengrinews.kz saytynan alyndy)

Abai.kz