Jeksenbi, 17 Qaraşa 2019
Käsip-tübi näsip 3252 0 pikir 25 Qazan, 2016 sağat 17:39

«BOLAŞAQ ENERGIYASI» RESPUBLIKALIQ BAYQAUINDA JAÑA KÖŞBASŞI

Qarağandılıq önertapqış Äli Mehtiev osı aptada respublikalıq «Bolaşaq energiyası» bayqauında köş bastadı. Bwl turalı «radiotochka.kz» portalı habarlaydı. Onıñ «Energiya saqtaytın teris qısımdı bu elektr jılıtqışı» attı jobasına 2449 adam dauıs bergen.

Qwrılğı tütik türinde jasalğan. Onıñ işinen aua tartıp şığarılıp, ornına swyıq jılu tasımaldağış qwyıladı. Önertabıs elektr elementterimen qızdırıladı. Qısım tömen bolğan jağdayda su 40 gradusta qaynap, buğa aynaladı. Tütik sanaulı sekundtar işinde öte tez qızadı, nätijesinde elektr jılıtqışı siz onı qosqan sätten bastap birden jılu böle bastaydı.

Ötken aptada bayqauda berilgen dauıstar nätijesi boyınşa Atırau oblısınıñ ökili Erjan Nwridenovtıñ «Jasandı kün-jel ağaşı» attı jobası birinşi orında bolğanın eske sala keteyik. Osı aptada köş basındağı üştikti «Energiya tiimdiligin jäne ekologiyalıq qauipsizdikti arttıruğa arnalğan janu kamerasınıñ rezonatorları» jobasımen almatılıq Dina Nüsipbekova qorıtındıladı.

2016 jıldıñ tamız ayında «Astana EKSPO-2017» WK» AQ jäne QR Energetika ministrligi «jasıl» tehnologiyalar salasındağı qazaqstandıq önertapqıştar arasında «Bolaşaq energiyası» attı televiziyalıq bayqau jariyalağan bolatın.

Atalğan jobada arnayı qazılar alqası joq. Qazaqstandıqtar jeñimpazdı özderi anıqtaydı. Jeñiske jetken önertapqış öz jwmısın EKSPO-2017 Halıqaralıq körmesi barısında Qazaqstan Respublikasınıñ Wlttıq pavil'onında tanıstıru mümkindigine ie boladı.

Eñ qızıq dep tapqan joba üşin siz www.yourexpo.kz saytına kirip, dauıs bere alasız. Önertapqıştar osı saytta bayqauğa qatısu turalı ötiniş qaldıra aladı.

Qazirgi uaqıtta Qazaqstannıñ altı öñirinen barlığı 16 önertapqış bayqauğa qatısıp jatır.

Abai.kz

0 pikir