Keshe preziydent Qasym-Jomart Toqaev Týrkiyagha resmy saparmen bardy. Memleket basshysyn Ankara qalasyndaghy Etiymesgut әuejayynan Týrkiya preziydenti Rejep Tayyp Erdoghan kýtip aldy. Qazaqstan Preziydentining keluine oray Qúrmet qarauyly sap týzedi.

Onan song Ankaradaghy Preziydent sarayynda saltanatty qarsy alu rәsimi ótti.

Memleket basshysynyng keluine oray Qúrmet qarauyly sap týzedi. Saraygha kelgen sәtte Preziydent kortejin salt atty gvardiya bastap jýrdi. Qazaqstan men Týrkiyanyng memlekettik әnúrandary oryndalyp, zenbirekten 21 dýrkin oq atyldy. Eki elding kóshbasshylary Qúrmet qarauyly aldynan jýrip ótip, bir-birine resmy delegasiya mýshelerin tanystyrdy. Sodan keyin memleketter basshylary shaghyn qúramda kelissóz jýrgizdi.

Memleket basshysy qonaqjaylyq tanytqany ýshin Týrkiya preziydentine alghys aityp, әriptesi men barsha týrik halqyn últtyq mereke – Respublika kýnimen qúttyqtady. Óz kezeginde Rejep Tayyp Erdoghan eki el arasyndaghy san qyrly yntymaqtastyqty odan әri terendete týsuge niyetti ekenin rastady.

Memleketter basshylary mәngi dostyq pen keneytilgen strategiyalyq seriktestik ruhyndaghy ekijaqty qarym-qatynastyng qarqyndy damyp kele jatqanyn atap ótti. Ángimelesu barysynda sauda-ekonomikalyq, investisiyalyq jәne mәdeniy-gumanitarlyq yqpaldastyqty nyghaytu perspektivasyna airyqsha nazar audaryldy.

Sonday-aq preziydentter ónirlik jәne halyqaralyq kýn tәrtibindegi ózekti mәseleler jóninde pikir almasty.

Onan keyin Preziydentterding kelissózi eki elding resmy delegasiya mýshelerining qatysuymen odan әri jalghasty. Qasym-Jomart Toqaev bauyrlas elding Respublika kýni qarsanyndaghy jýzdesu tereng simvoldyq mәnge ie ekenine nazar audaryp, Týrkiya preziydenti men barsha týrik halqyn úlyq merekemen qúttyqtady.

– Sizding parasatty basshylyghynyzdyng әri kóregen sayasatynyzdyng arqasynda Týrkiya auqymdy reformalardy tabysty jýzege asyryp jatyr. Eliniz sayasy jәne ekonomikalyq túrghydan janghyryp, qarqyndy damyp keledi. Týrkiyanyng abyroy-bedeli jyldan jylgha arta týsude. Biz Ózinizdi әlemdegi asa yqpaldy kóshbasshylardyng biri retinde bilemiz. Sizding ashyq әri batyl ústanymynyz, beybitshilik pen әdildik jolyndaghy kýsh-jigeriniz jahandyq dengeyde moyyndalyp otyr. Týrik halqynyng mәrtebesi aldaghy uaqytta da asqaqtay beredi dep senemin. Qazaq eli Týrkiyany әrqashan qoldaydy jәne aghayyn júrttyng әrbir jetistigine shyn jýrekten quanady, – dedi Qasym-Jomart Toqaev.

Qazaqstan Preziydenti ózara baylanystardy odan әri nyghaytugha erekshe mәn beretinin atap ótti.

– Qazaq-týrik yqpaldastyghy terennen tamyr tartady. Tarihymyz – ortaq, tilimiz ben dilimiz – bir, dәstýrimiz – úqsas. Eki elding sayasy yntymaqtastyghy ózara senimge jәne myzghymas dostyqqa negizdelgen. Memleketterimizding arasynda sheshimin tappaghan eshqanday mәsele joq. Biz ekijaqty jәne halyqaralyq dengeyde bir-birimizge ýnemi qoldau kórsetip jýrmiz. Sauda-ekonomika salasyndaghy qarym-qatynasymyz da kýsheyip keledi. Týrkiya – Qazaqstannyng eng iri bes sauda seriktesining biri. Búghan qosa, Anadolydaghy aghayyn últtyq ekonomikamyzgha kólemdi qarjy salghan basty 10 investordyng qataryna kiredi. Qazaqstanda birqatar týrik kompaniyalary tabysty júmys istep jatyr. Biz týrik bauyrlarymyzgha jan-jaqty qoldau kórsetip, olardyng kәsip jýrgizui ýshin qolayly jaghday jasaugha tyrysamyz, – dedi Memleket basshysy.

Qasym-Jomart Toqaevtyng aituynsha, Rejep Tayip Erdoghannyng biyl mamyr aiynda Qazaqstangha memlekettik sapary jemisti bolyp, birqatar manyzdy uaghdalastyqqa qol jetkizildi. Sapar ayasynda eki el arasyndaghy Strategiyalyq yntymaqtastyq kenesining altynshy otyrysy úiymdastyryldy. Sauda-ekonomikalyq, investisiyalyq jәne mәdeniy-gumanitarlyq salalarda auqymdy jobalar tabysty jýzege asyryluda.

Eng bastysy, qarym-qatynas mәngilik dostyq jәne keneytilgen strategiyalyq seriktestik dengeyine kóterildi.

– Seriktestigimizdi odan әri damytu bәrimizding mýddemizge say keledi. Erteng Ózinizben birge Týrki memleketteri úiymynyng 13-sammiytine qatysamyz. Jaqyn arada Antaliyada SOR31 klimattyq forumy ótedi. Men osy bedeldi basqosugha qatysudy josparlap otyrmyn. Múnyng bәri ekijaqty jәne kópjaqty baylanysymyzdy damytugha tyng serpin beretini sózsiz, – dedi Qazaqstan Preziydenti.

Týrkiya Preziydenti Qasym-Jomart Toqaevty jәne bauyrlas qazaq halqyn Respublika kýnimen qúttyqtady. Rejep Tayyp Erdoghan jaqynda Ankarada qazaq memlekettiligining tarihyna arnalghan «Qúryltay fenomeni» kitabynyng túsaukeseri ótkenin aitty.

Búdan bólek, «Nauryz – týrki әlemining ortaq múrasy» kitaby qazaq tiline audaryldy.

– Biyl mamyr aiynda Astanagha jasaghan saparym barysynda birqatar manyzdy qújatqa, sonyng ishinde Mәngilik dostyq jәne keneytilgen strategiyalyq seriktestik turaly deklarasiyagha qol qoydyq. Strategiyalyq yntymaqtastyq kenesining kelesi otyrysynda ózara qarym-qatynasty naqty qadamdarmen bekite týsemiz. Biz tauar ainalymyn 15 milliard dollargha jetkizip, investisiyalyq baylanystardy jandandyrugha niyettimiz, – dedi Týrik elining basshysy.

Kelissóz barysynda eki el basshylary kólik-logistika, energetika, jasandy intellekt, auyl sharuashylyghy, qorghanys ónerkәsibi jәne mәdeniy-gumanitarlyq baghyttaghy yqpaldastyq mәselelerin talqylady.

Abai.kz