Ótken aptada Armeniya Astanasynda ótken Újymdyq qauipsizdik shartty úiymynyng kezekti jiynynda úzyn-yrghasy jiyrmagha juyq qújat qabyldanghan. Jabyq esik jaghdayynda ótken Erevan sammiytinde kóterilgen negizgi mәsele – Siriyadaghy soghys pen Qarabah janjaly boldy.

«Salqyn tiyip qaluyna» baylanysty Qazaqstan preziydenti Núrsúltan Nazarbaev Erevangha Ýkimet basshysy Baqytjan Ábdirúlyn jibergen bolatyn.

Jiyrma bes jyldyq tarihy bar úiymnyng júmysynan bereke kete bastaghanyn búl joly basshylardyng ózderi anghartqanday boldy.

Sammit ótetinnen eki-ýsh kýn búryn ghana «salqyn tiyip qaluyna» baylanysty Qazaqstan Preziydenti Erevangha barmay qoyghan bolatyn. Armeniyada bas qosqan bes Preziydentting kezdesuinen birauyzdylyq bayqalmady.

Armeniyalyq «Lragir» basylymynyng jazuynsha, ashugha mingen Belorussiya basshysy әriptesterine ÚQShÚ júmysynyng mardymsyz ekenin aitqan. «Erevandaghy eng basty sózdi Lukashenko aitty» atty maqalada Armeniyalyq jurnalist Nayra Ayrumyan  Belorussiya basshysy Aleksandr Lukashenkonyng Erevandaghy ÚQK sammiytine kónili tolmaghandyghyn jazady. «Úsaq-týiek mәsele ýshin sonsha jerden shaqyrttyndar, osy jerde aitylghan mәseleler Preziydentter talqylaytyn dengeydegi problemalar emes» dep kijingen Lukashenkonyng týiin sózi odaqtastardyng kóniline tiyip ketken synayly.

«ÚQShÚ-ny әlemning eshbir memleketi moyyndamaydy. Yaghni, birlesken oqu-jattyghulardy,t.b. sharalardy ótkizip jýrgen әskery blok bar. Biraq ony әlemde eshkim bilmeydi, moyyndamaydy. Eger bizdi bireuler moyyndasyn desek, soghan túrarlyq júmys jasauymyz kerek. ÚQShÚ qúrylghanyna 25 jyl boldy. Ózgergen týk joq. Jiyrma bes jylda BÚÚ, EO sekildi úiymdar ÚQShÚ qyzmetin moyyndaghan joq. Siriya aumaghyna bitimgerlik missiyasyn oryndau ýshin bizding әskeriylerge mandat bergen joq»,-depdi Belorussiya basshysy.

Aytpaqshy, osy jolghy jiynda Armeniyanyng keneske tóraghalyq merzimi ayaqtalyp, tizgin kezegi Belorussiya Preziydentine berildi.

Rasynda, RF Preziydentining pәrmenimen, ÚQK әskeriylerin Siriya men Qarabah aumaghyna bitimgerlik missiyasyn oryndau maqsatynda engizu ýshin BÚÚ arnayy rúqsaty kerek-tin. Alayda ÚQK әskeriylerine múnday mandat berilmegen.

Núrzat Toghjan

Abai.kz