Jelide Mәdeniyet jәne sport ministri Arystanbek Múhamediyúlyna qatysty taghy da shuly әngime tarala bastady. Jýrgenov atyndaghy Óner akademiyasynyng studenti Enlik Sydyqova jeli paraqshasyna viydeo jariyalap, onda Múhamediyúlyn "arsyz úsynystar jasap, para súrady" dep aiyptaptaghan. Býgin sol syngha ministrding ózi jauap berdi, - dep habarlaydy NUR.KZ.

Mәdeniyet jәne sport ministri Arystanbek Múhamediyúlynyng jelidegi shugha aitar óz uәji bar eken.

"Men búl mәselege pikir bildirmesem de bolatyn edi. Alayda, elge tanymal túlgha, onyng ishinde, Mәdeniyet ministri bolghan song búl mәseleni ainalyp ótuge haqym joq. Búl viydeo habarlamanyng dәl sol uaqytta emes, birneshe jyldan keyin jaryq kórgeni kýdik úyalatady. Shamasy, bireulerge mening qyzmetimdi qaralaghan kerek siyaqty", - deydi Múhamediyúly.

Ministr Enlik Sydyqovanyng mәlimdemesin jala jabu dep tanyp, óz qúqyghyn zandy jolmen qorghaytynyn jetkizdi.

"Meninshe, viydeo habarlamany jazghan qyz advokattarmen júmys isteu kerektigin bilmeytin sekildi. Men mamandargha viydeony jaqsylap zertteudi tapsyrdym. Endi barlyghyn zang talaptaryna say zertteytin bolamyn", - deydi ministr.

Múhamediyúlynyng aituynsha, búl ózine qarsy әdeyi úiymdastyrylghan is boluy mýmkin.

"Viydeo sonynda ol Bolat Atabaevtyng tobynda oqyghanyn aityp, ózin ústap berdi. Áriyne, bәri týsinikti. Mýmkin búl qyzgha aqsha tólegen shyghar, mýmkin ol jay ghana ózin jarnamalaghysy kelgen shyghar", - deydi ministr.

Abay-aqparat