Qazaqstan Respublikasy Tәuelsizdigining 25 jyldyq mereytoyy qarsanynda Ontýstik Qazaqstan oblysy, Arys qalasynda týrli iygi sharalar úiymdastyrylyp, әleumettik nysandar el iygiligine berildi. Mәselen, jyl basynan beri 2 mektep, 1 kópir, 1 balabaqsha men 1 sporttyq nysan ashyldy. Búl turaly «Abay aqparat» portaly Ontýstik Qazaqstan oblysy әkimining baspasóz qyzmetine silteme jasay otyryp habarlaydy.

Al, Qazaqstan Respublikasy Tәuelsizdigining 25 jyldyq mereyli merekesi kýni qalada 25 әleumettik nysan ashylyp, túrghyndargha paydalanugha úsynyldy.

Atap aitqanda 1 mektep, 1 auyz su jýiesi, 2 shaghyn baq, 8 balalar oiyn alanshasy men 13 zamanauy sport alanshalary halyq iygiligine qoldanysqa berildi.

Atalghan nysandardyng saltanatty ashylu rәsimine Arys qalasynyng әkimi M.Qadyrbek, OQ oblystyq mәslihat deputaty Q.Ábdihalyq, qalalyq mәslihat hatshysy A.Baytanaevtar qatysyp, arystyqtardyng quanyshymen bólisti. Shara barysynda jiylghan júrtshylyqqa qalalyq mәdeniyet ýiining ónerpazdary konserttik baghdarlama úsynyp, merekelik kónil kýy syilady.

Osy tústa arystyqtar Egemendigimizding túghyrly boluyn tilep, shiyrek ghasyrda elimizding ósip-órkendeui jolyndaghy enbegi ýshin Memleket basshysy Núrsúltan Ábishúlyna alghystaryn jetkizdi.

Abai.kz