Ontýstik Qazaqstan oblysy Arys audanyndaghy «Jana Aqqala Agrofirmasy» JShS kókónis pen jemis óndeudi qayta qolgha almaq. Búl kәsiporyndy 2009 jyly Elbasy Núrsúltan Nazarbaevtyng ózi kelip iske qosqan edi. Tomat pastasyn shygharghan zauyt ýsh jyldan keyin-aq toqyraugha úshyrap, júmysyn toqtatqan bolatyn.

2014 jyly qazynadan qarjy qaralyp, zauyt qayta bir jyl júmysyn jalghastyrady. Biraq byltyr qayta shyghyngha batyp, júmysyn bayaulatady. Osylaysha, bir istep, bir toqtaghan kәsiporynnyng nauryz aiynda basshylyghy auysyp, olar zauytqa qayta jan bitiremiz dep otyr.

Biyl zauyt qyzmetkerleri 300 gektar jerge tamshylatyp suaru әdisimen qyzanaq ekken. Sonday-aq, 120 gektar jerge otyrghyzylghan alma baqtan da mol ónim alyp, alma ezbesin shygharudy josparlap otyr. 

«Biyl әr gektardan 60 tonna qyzanaq alamyz dep otyrmyz. Jalpy barlyghy 18 myng tonna ónim alu josparda bar. Tamyz aiynyng sonynda qyzanaq jinau bastalady. Zauyt arnayy italiyandyq qúral-jabdyqtarmen jabdyqtalghan. Tәuligine 600 tonna ónim óndiruge qauqarly», - deydi atqarushy diyrektory Quanysh Omarov.

Búl zauytta 120 adam túraqty júmyspen qamtylghan, al mausymdyq júmys kezinde 180 adamgha deyin tartylady. Eraly Beysenov erte kóktemnen bastap júmysqa kiriskenin aitady.

«Zauyttyng toqtap qalmay júmys istegeni jaqsy ghoy. Auyldaghy bos jýrgen qanshama jangha eki qolgha bir kýrek tabylady. Ázirge jalaqymyz túraqty», - deydi ol.

Abay-aqparat