Advokattar Andrey Petrov pen Madina Bakiyeva sot tergeuin qayta bastaudy, kuәgerlerden qaytadan jauap aludy, sot materialdarynan birneshe saraptamanyng qorytyndysyn shygharyp, olardy dәlel bola almaydy dep tanudy súrady. Advokattar alghashqy sot instansiyasynda is jan-jaqty jәne tolyq qaralmaghanyn, sot prosessualdyq túrghydan óreskel qatelikter jiberdi dep sanaytyndaryn mәlimdedi. Mataevtardyng advokattary dýniye-mýlikti tәrkileu turaly sot sheshimimen kelispeytinin, ýkimde atalghan jyljymaytyn mýlikterding keybiri Seyitqazy Mataevtyng júbayy Bayan Ramazanovanyng menshiginde ekenin aitty.

Apellyasiyalyq shaghym qaralyp jatqan sotqa qamaudaghy Mataevtar qatystyrylghan joq. Sotta olardyng mýddesin advokattary men qoghamdyq qorghaushylary qorghap jatyr.

Ayyptaushy prokuratura ókilderi býgin sottan advokattardyng talap-aryzdaryn qanaghattandyrmaudy súrady. Prokurorlar alghashqy sot instansiyasynda iske qatysty barlyq dәlel-ayghaqtardyng dúrystyghy zerttelgenin, Mataevtargha shyqqan ýkimning zandy ekenin aitty.

3 qazanda Astananyng Esil audandyq soty Últtyq baspasóz klubynyng jetekshisi Seyitqazy Mataevty "qarjy jymqyrdy" jәne salyqtan jaltardy" degen aiyptarmen 6 jylgha sottaghan. Al QazTAG agenttigining diyrektory Áset Mataev "qarjy jymqyrdy" degen aiyppen bes jylgha sottalghan. Ýkim boyynsha Mataevtar aqparat jәne kommunikasiya ministrligine - 169 million tenge, "Qazaqtelekom" kompaniyasyna 140 million tenge qaytaruy tiyis boldy. Búdan ózge, ýkimde Mataevtardyng jyljymaytyn mýlikteri (birneshe pәter men jer telimderi), onyng ishinde Últtyq baspasóz kluby men birneshe kólikteri tәrkilenetini aityldy.

Búghan deyin EQYÚ, AQSh-tyng Qazaqstandaghy elshiligi, Halyqaralyq jurnalister federasiyasy (IFJ) Mataevtardyng sottaluyn aiyptap, Qazaqstan ýkimetin barlyq azamattyng oi-pikir erkindigin bildiru qúqyghy men zandy túrghydan qorghanu qúqyghyn qúrmetteuge shaqyrghan.

Aytpaqshy, Tәuelsizdikting 25 jyldyghyna oray jasaluy mýmkin raqymshylyqqa mataevtardyng isi de ilinui yqtimal dep kýtken qogham belsendilerining ýmiti aqtalmady. Mataevtargha baylanysty sot ýkimi qayta qaralghanymen, keshirim jasalmaytyn boldy. Sonday-aq, jerding jalgha berilui men jekemenshikke satyluyna qarsy mitingtter úiymdastyrghan Maqsat Boqaev pen Talghat Ayangha da rahymshylyq jasalmaytyny anyqtaldy. Eks-premier Serik Ahmetovting de isi raqymshylyqqa ilinbey qaldy.

Abai.kz