Jwma, 3 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Mäyekti 4535 0 pikir 28 Aqpan, 2017 sağat 18:12

AQIRIP ÄLİ AQPAN TWR

Aytarı joq, biılğı qıs qattı boldı. Küre joldar qayta-qayta jabılıp, jolauşılap şığıp ketken adamdar qalıñ jauğan qar astında qaldı. Tipti, adam şığını da bar. Mısalı, Jambıl oblısındağı Köksay şatqalında ötip jatqan 91678 äskeri bölimindegi äskeri qızmetşilerdiñ jauıngerlik dayındıq sabağı barısında kütpegen jerden qar köşkini bolıp, jeti jauınger köz jwmdı. Qazaq dalasına kelgen biılğı qıstıñ qaharı men aq basqın şeteldik BAQ-tardıñ da nazarın audardı. Mına tömendegi körinisti Batıs elderindegi baspasöz "aq apokolipsis" dep atağan. Prireçnoe auılınıñ twrğındarı (ŞQO) qazir osınday qalıñ qardıñ astında jatır. Olar bir-birimen üylerdiñ şatırı arqılı nemese üñgip qazıp alğan wñğıma joldar arqılı qatınıs jasaytın jağdayğa jetken. Iä, bügin küntizbe boyınşa qıstıñ soñğı küni, biraq qırda aqırıp äli aqpan twr. Mına alapat qardan  Ükimet küş şağırıp eldi-mekenderdi arşıp almasa, erteñ suğa ketui mümkin. Aq jağalı wlıqtarımızğa osını eskertemiz! Qızılağaş oqiğası qaytalanıp jürmesin, mırzalar! 


Suretter inform.kz saytınan alındı

Abai.kz

0 pikir