Jwma, 28 Aqpan 2020
Qoğam 3657 0 pikir 27 Aqpan, 2017 sağat 08:04

QR PREZIDENTİN NOBEL' SIYLIĞINA WSINDI

Bazel' (Şveycariya) beybitşilik keñesi Beybitşilik ğılımi-zertteu institutınıñ direktorı Alin Vare Qazaqstan Prezidenti Nwrswltan Nazarbaev pen «ATOM» jobasınıñ qwrmetti elşisi, suretşi Käripbek Küyikovti Nobel' sıylığına wsındı, dep habarlaydı QazAqparat.

Bwl jayında antiyadrolıq qozğalıs belsendisi öziniñ Feysbuktegi paraqşasında jazdı.

«Ağımdağı jılı men Käripbek Küyikov pen Prezident Nwrswltan Nazarbaevtı yadrolıq qarudı joyudağı eren küş-jigerleri üşin beybitşilik salasındağı Nobel' sıylığına wsındım», – dep jazdı ol.

Alin Vare körsetken siltemedegi sıylıqqa ümitkerler şort-parağında Nazarbaev pen Küyikovti wsınu britandıq sayasatker Bill Kiddten tüsken. Ötinimde Memleket basşısı Nwrswltan Nazarbaevtıñ Qazaqstan köşbasşısı retinde 22 jıl boyı yadrolıq qarusızdanu salasında birqatar mañızdı bastamalar qabıldağandığı aytılğan.

QR Prezidenti yadrolıq qarudan azat älemge qol jetkizu procesine ıqpal etetin birqatar bastamanı qabıldaudı jalğastırıp keledi.

Al Käripbek Küyikov jetekşilik etetin «ATOM» jobası älemdi yadrolıq qarudan azat etuge bağıttalğan.

Alin Vare – «Parlamentşiler yadrolıq qarudı taratpau jäne qarusızdanu üşin» halıqaralıq forumınıñ jahandıq üylestiruişisi.

Esteriñizge sala keteyik, beyresmi derek közderi Qazaqstan ükimetiniñ Prezident Nwrswltan Nazarbaevtı Nobel' sıylığına wsınu joldarın 2000 jıldardıñ basınan qolğa alğanın aytadı dep jazadı Azattyq.org saytı.

2003 jılı bwl mäsele boyınşa Qazaqstannıñ resmi ökilderi halıqaralıq deñgeyde qoldau izdey bastağan. Al 2006 jılı Qazaqstan halqı assambleyası, päkistandıq teolog pen amerikalıq kongresmen resmi türde Prezident Nazarbaevtı Beybitşilik boyınşa Nobel' sıylığına alğaş ret wsınadı. Resmi sebep - "älemde beybitşilikti saqtauğa jäne halıqtar arasındağı dostıqtı nığaytuğa qosqan ülesi üşin" bolsa kerek.

Äytkenmen bwl jılı sıylıqtı Bangladeştegi eñ kedey toptarğa tiimdi nesie beru isin jetildirip, "kedeyler bankin" qwrğan, jüzdegen mıñ adamdı aşarşılıq pen qayırşılıqtan qwtqarıp qalğan Muhammad YUnus aldı (surette).

2008 jılı AQŞ Kongresiniñ eki müşesi Qazaqstan Prezidentin "yadrolıq qarudı taratpau isine qosqan ülesi" üşin sıylıqqa tağı wsınadı.

Degenmen bwl jolı fin diplomatı Martti Ahtisaari (surette) BWW-nıñ qızmetkeri retinde birneşe qwrlıqta basın qaterge tige jürip qarulı qaqtığıstardıñ aldın alıp, öte sätti bitimge şaqıru jwmıstarın jasağanı üşin Beybitşilik sıylığına layıq dep tanıldı.

2009 jılı şeşenstandıq balalar üyi Qazaqstan Prezidentin stalindik quğın-sürginnen japa şekkenderge jasağan qamqorlığı üşin sıylıqqa qayıra wsınadı.

Alayda onıñ jolın AQŞ-tıñ qara näsilden saylanğan twñğış Prezidenti Barak Obama kesti.

2010 jılı Düniejüzilik türki elderi assambleyası attı wyım jetekşisi men türik jurnalisi Prezident Nazarbaevtı Semey poligonın japqanı üşin jäne bir märte wsınadı.

Biraq bwl jolı Beybitşilik sıylığı älemdegi eñ repressivtik rejimderdiñ birinde wzaq jıldar boyı tınbay adam qwqıqtarı üşin küresip kele jatqan qıtaylıq qoğam qayratkeri Lyu Syaoboğa (surette zayıbımen) tapsırıldı.

2011 jılı Nwrswltan Nazarbaevtı Nobel'ge wsınuşılar sanı kürt arttı. Norvegiyalıq ükimettik emes wyım, "Aq Orda" qozğalısı, şeşen-inguş mädeni ortalığı, Qırğızstan parlamenti Prezident Nazarbaevtıñ "yadrolıq qarusızdanu men beybitşilikti nığaytuğa qosqan ülesin" atay otırıp, onı Beybitşilik sıylığına layıq twlğa retinde tanitındarın jetkizedi.

Biraq Afrika men arab äleminen şıqqan üş birdey äyel qayratker bwl jolı da Qazaqstan Prezidentine Nobel' sıylığın bwyırtpadı. Öz elderinde bolıp jatqan qoğamdıq-sayasi özgeristerge tikeley ıqpal etken Liberiyanıñ demokratiyalıq jolmen saylanğan Prezidenti Ellen Djonson-Serlif, osı eldiñ qoğamdıq belsendisi Leyma Gbovi men yemendik oppoziciya jetekşisi Tavakul (Täuekel) Karman Beybitşilik sıylığın bölip aldı.

2012 jılı tamız ayında Astanada ötken «YAdrolıq sınaqtarğa tıyım saludan - yadrolıq qarudan azat älemge» attı halıqaralıq konfe­renciyada BWW-nıñ kanadalıq ökili Duglas Roş pen AQŞ kongresiniñ müşesi Eni Faleomavaega Qazaqstan prezidentin Beybitşilik boyınşa Nobel' sıylığına altınşı märte wsındı. Bwl bastamanı Japoniya parlamentiniñ deputatı Hiroyuki Moriyama da qoldap şıqqanı turalı habar taradı.

Alayda, 2012 jılğı Beybitşilik boyınşa Nobel' sıylığı jartı ğasırdan astam uaqıt käri qwrlıqtağı integraciya men demkoratiyalıq ahualdı jaqsartuğa qosqan ülesi üşin Europa Odağına tabıs etildi.

Sonımen QR Prezidenti kezekti märte, osımen jetinşi ret, äygili Nobel' sıylığınan ümitker bolıp otır. Atalğan sıylıqtı tağayındaytın qazılar alqası Nwrswltan Nazarbaevtıñ keyingi kezderi elaralıq bitimgerşilik isine belsene qatısıp, soyıl swrap soqtığısıp qala jazdağan Türkiya men Resey arasına araağayındıq qızmet etkenin, sonday-aq Siriyadağı qantögisti toqtatu üşin Astananı kelissöz alañı etip wsınğanın eskerer degen ümittemiz.

Abai.kz

0 pikir