Sýimenay apamyz shýikedey ghana kempir bolatyn. Ol kisini appaq kiymesheksiz elestetu qiyn. Qashan kórsen, tayaghyna sýienip, kiymeshegi dagharaday bop, qybyrlap bir nәrse istep jýretin.

Kýnderding kýninde Sýimenay apa ayaq astynan nasharlap, «kýzetuge» kórshi kempirler jinalady. Shýikedey kempir tósekte sandyraqtyp, esi bir kirip, bir shygha bastaghanda aghayyndar «Al, endi qamdaryndy jasay berinder...» dep, úl-qyzdary apamyzdy songhy sapargha shygharyp saludyng dayyndyghyna bilek týrip kirisip ketedi ghoy. 

Auyldyng bir jigiti aitady: «Sýimenay apa әni-mine ýziledi» degen song otyn jaryp, su tasyp degendey esikting aldynda abyr-sabyr bastalyp ketti. Otyn mol boluy ýshin ýiding artyndaghy ýlken qaraghashty qúlatatyn boldyq. Kórshi ýiden ara aldyryp, baltany qayrap, endi júmysqa kirisi bergende tu syrtymyzdan «Áy, ne istep jatsyndar?..» degen ashy aiqay estildi. Jalt qarasaq, appaq kiymeshek kiygen Sýimenay apa. Qolynda qúmghan... 

- Áy, ne istep jatsyndar?

Bәrimiz tiri әruaqty kórgendey shoshyp qaldyq. 

- Myna aghashty qúlatyp, otyn qylayyn dep jatyrmyz, apa... - dedik kýmiljip.
- Jyndysyndar ma? Sap-sau aghashta nelering bar? Qúlatsandar, anau baudyng ayaq jaghynda qúraghan alma bar... Sony otyn qylyndar, - dedi de dәrethanagha ótip ketti. 

«Jyndy ma deymin... Sap-sau aghashty qúlatyp...» dep kýbirlep bara jatyr taghy...

Ne isterimizdi bilmey sostiyp túrmyz. «Mine-mine, ketip qalady» dep, molda imanyn ýiirip, zamandastary auzyna su tamyzyp otyrghan Sýimenay apamyz keng kaloshymen tyrp-tyrp basyp, esikting aldynda jýr. «Apalaryng óle me, joq pa? Ne isteymiz? Qaraghashty qúlata bereyik pe?» dep, sol ýiding balalarynan súraghan ynghaysyz ghoy. Amal joq, biz de qybyrlap sharuamyzdy istey berdik.

Týnge qaray apamyz taghy da qinalyp qalyp, ýidegiler dýrligip ketti. Tipti qyzdar jaghy dauys salyp jiberdi. Odan qaytadan tynshyp qaldy. Bes-alty kempir qalghyp-mýlgip kýzetip otyr. 

Sóitse sonyng aldynda ghana tili sóileuge kelmey, talyqsyp ketken Sýimenay apamyz týnning bir uaghynda oyanyp ketipti de jan-jaghynda qalghyp-mýlgip otyrghan kempirlerge qarap: 
- Áy, neghyp otyrsyndar? Ýilering qaytpaysyndar ma? Ýilering joq pa, ne? – depti jaqtyrmay...
Apamyzdyng búl songhy boy jazuy eken. Jaryqtyq tangha juyq ýzilip ketti.

Oralhan Dәuit

Facebook-tegi paraqshasynan