Ángime Últtyq ekonomika ministrligine jana taghayyndalghan Timur Sýleymenov turaly bolmaq. Su jana ministrimiz memlekettik tildi bilmeytin bolyp shyqty. Dәlirek aitsaq, búryn bilgen eken, tek úmytyp qalypty. Múny, ózi aitty.

Mәjiliske kelip, deputattarmen kezdesken Últtyq ekonomika ministri tildi úmytyp qalghandyqtan, qazaq tilinde qoyylghan súraqtargha da Reseyding memlekettik tilinde jauap bergen.

Mәjilisting dәlizinde ministrdi kýtip túrghan BAQ ókilderi  Sýleymenov myrzany «tergeuge alyp» til tónireginde súraqtar qoyghan. Sóitip, jana ministr men BAQ ókilderi arasyndaghy shaghyn dialog bylay órbiydi:

Ministr: - Men Mәskeude 5 jyl jýrdim. Ana tilimdi úmytyp qaldym. Biraq, 6 aidyng ishinde ýirenip alamyn.

Jurnalister: - Sonda 6 aidan son, siz qazaq tilinde sóileytin bolasyz ghoy?..

Ministr: - Dәl solay.

Mәskeude bes jyl júmys istep kelgen ministr ózining ana tilinen ada bolyp qaytypty. Endi ol jarty jylda qazaq tilin ýirenip alamyn dep uәde berdi. Mysaly retinde aita keteyik, Sýleymenov qazaq tilin az uaqytta ýirenip alugha uәde bergen alghashqy sheneunik emes. Mysaly, byltyr qazaq tilinen emtihan tapsyryp,  onbay sýringen Últtyq bank basshysy Daniyar Aqyshev ta til ýirenuge túp tura 1 jyl uaqyt súraghan. Uәdesinde túrdy ma? Al Erlan Ydyrysov, Vladimir Bojko sekildi key shendiler «basymdy kesip alsang da ýirenbeymin» dep ashyq aitqan. Qarap otyryp qanyng qaynaydy. Bojko bóten adam desek te, elshi bolyp ketken Ydyrysovtyng búlay aituy týrli oigha jeteleydi. Jә, Sýleymenovke oralayyq...

Bolashaqtyng týlegi Biyshimbaevtyng ornyna 2016 jyldyng sonynda ghana otyrghan Sýleymenov Euraziyalyq ekonomikaly komissiyada júmys istep keldi. Elbasynyng Peterborgha sapary barysynda taghayyndalghan Sýleymenovting bes jylda tildi birjolata úmytyp qaluy qanshalyqty qisyndy? Áytpese parodaksaldy súraq – memlekettik tilden maqúrym adamdar qalay memlekettik qyzmetke taghayyndaldy?

Anau Markstyng sózi este bolar. «Ózi túryp jatqan elding tilin tek ýsh adam bilmeuge qúqyly. Birinshisi – qonaq, sosyn – aqymaq jәne ýshinshi - basqynshy». Sonda Sýleymenov әm Sýleymenov sekildi Qazaqstannyng memlekettik tilin bilmeytin key sheneunikterdi osy ýsh kategoriyanyng qaysysyna jatqyzugha bolady? Jalpy búlargha senuge bola ma?

Núrzat Toghjan

Abai.kz