Särsenbi, 17 Şilde 2019
1397 0 pikir 16 Qañtar, 2017 sağat 15:57

HQKO-DAĞI ADAM ÖLİMİNE DEPUTATTAR KİNÄLİ EMES EKEN

2017 jılğı 16 qañtarda Almatı qalasınıñ Alatau audandıq HQKO-sında qayğılı jağday orın alıp, 53 jastağı azamat qaza boldı. Azamattardı uaqıtşa tirkeu dauı bastalğan alğaşqı eki aptanıñ özinde HQKO-dan eki azamattıñ mäyiti şığıp otır. Osığan deyin Almatı oblısındağı İle audandıq halıqqa qızmet körsetu ortalığına qwjat räsimdeuge kelgen aqsaqaldıñ oqıstan qaytıs bolğanı habarlanğan edi.

Ärine, dağdarıs qısıp, EKSPO jaqındap, terrorizm qaupi wlğayğan kezde azamattardı tirkeuge alu memleket üşin asa mañızdı mindet şığar. Biraq, osı Zañdı şığaruşılar eldiñ jağdayımen tolıq sanaspağanı anıq bayqaladı. Tipti, deputattar zañnıñ adam ölimine sebepker bola bastağanın bile sala kinäniñ bärin qara halıqqa audara bastadı.

Mäselen Parlament mäjilisiniñ deputatı Amanjan Jamalov Almatı qalasındağı Alatau audandıq HQKO-da qaza bolğan azamatqa qatıstı oyın bildirip, özderiniñ "kinäsiz" ekendikterin mälimdegen.

IA «NewTimes.kz» basılımınıñ jazuınşa atalğan deputat bılay degen.

Amanjan Jamalov, QR Parlament Mäjilisiniñ deputatı

- «Qazaqstanda uaqıtşa tirkeu jürgizilip jatqandıqtan, HQKO-da adam ölimi bolıp jatır dep oylaysızdar ma?!. E, adam qaytıs bolıptı, däl osınday densaulığınıñ sır beru saldardan ol öz üyinde de, basqa jerde de köz jwmuı mümkin edi. Bwl swraq boyınşa jedel-järdemniñ därigerlerine habarlasıñızdar. «Men bwl mäselede kinämizdi sezinip otırğan joqpın. Biz köptegen zañ qabıldaymız, jäne atalmış zañdı öndiriske jiberemiz. "Bügingi küni eşkim uaqıtşa tirkeludiñ dwrıs jürgizilmey jatqanına kümän keltirip jatqan joq" dep aytuğa boladı. 

Deputattıñ sözine sensek, soñğı eki aptadağı eki azamat ta öz kinäsinen qaytıs bolğan. Sondıqtan, osıdan keyin uaqıtşa tirkeudiñ dauına qatıstı mäselede halıq deputattardı emes, "jedel järdemdi" kömek swrağanı dwrıs siyaqtı. 

Şäriphan Qaysar

Abai.kz

0 pikir