Endi túrghylyqty jerinen tysqary jaqqa bir aidan asatyn merzimge barghan әr qazaqstandyq memlekettik baj salyghy retinde 227 tenge tólep, әri halyqqa qyzmet kórsetu ortalyghyna baryp uaqytsha mekenjayy boyynsha tirkeuge túruy tiyis. Búl talap qonaqýide túryp, ózge qalada júmys isteytin adamdargha da, ózge qaladaghy auruhanada jatyp úzaq emdeletin adamdargha da qatysty. Alghashqylaryn qonaqýy ornalasqan mekenjay, al ekinshilerin emdeletin orny boyynsha tirkeydi. Búl talapty oryndamaghandargha jeti AEK (aylyq eseptik kórsetkish) kóleminde, yaghny 16 myng tenge aiyppúl salynady.

Biylik uaqytsha tirkeu tәrtibi azamattardyng erkin jýrip-túru qúqyghyn shektemeytinin, әri halyqaralyq tәjiriybege sәikes engizilgenin aitady. 

Biraq, Astana men Almaty sekildi qalalarda qarapayym halyq kýnkóris qamymen sabylyp jýrgen joq pa? Olardy qaytpekpiz? Olargha onday tirkeudi kim beredi? Qonaqýilerdi jaghalay ma, júmys ornyna tirkele me? Tirkeuge alghyshtar taghy da aqsha tabudyng jolyn tandap, qarapayym halyqtyng qaltasyn qaghugha kirisip ketpey me?

Múnday tirkeuding qiyndyghyn alghash bolyp qazaq kóredi. Sebebi qazir últymyz úly urbanizasiyany basynan ótkerip jatyr. Osy urbanizasiya qarqyn alghan kezde ony tirkeumen shektemek bolghandardyng isi kýlkimizdi keltiredi. 

Uaqytsha tirkeu tәrtibi talabyn oryndaugha kiriskende biylik sózsiz qarsylyqqa tap bolady. Sebebi, shiyki zang eshkimge de opa bermeydi.