Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 2858 0 pikir 27 Jeltoqsan, 2016 sağat 10:33

«Agrobiznes – 2020» bağdarlaması ayasında OQO-ğa 28 milliard 723,2 milliard teñge bölingen

«Agrobiznes – 2020» bağdarlaması ayasında OQO-ğa 28 milliard 723,2 milliard teñge bölingen,- dep habarlaydı Abay-aqparat.

Oñtüstik Qazaqstan oblısı — qaşannan agrarlı öñir. Oblısta 5 million 674 mıñ gektardan astam jayılım, 1 million 13 mıñ gektardan astam egis alqabı bar. Onıñ işinde 470 400 gektarı — suarmalı egistik. Osınau orasan zor baylıqtı el igiligi jolında tiimdi paydalanu — mañızdı mindet. Sondıqtan «Agrobiznes – 2020» bağdarlamasınıñ oblıstağı orındalu barısına toqtalmay ötu mümkin emes. Oblıstıq auıl şaruaşılığı basqarmasınıñ mälimetterine süyensek, biıl atalğan salanı damıtuğa 28 milliard 723,2 milliard teñge bölingen. Onıñ 3 milliard 210 million teñgesi respublikalıq byudjetten qaralğan.

Bağdarlamanıñ birinşi bağıtı agroönerkäsip keşeni sub'ektileriniñ nesiesi men lizingtik mindettemeleriniñ payızdıq üstemeaqısın subsidiyalauğa arnalğan. Bwl bağıttıñ äkimşisi osığan deyin QR Auıl şaruaşılığı ministrligi bolıp kelgen. Ağımdağı jıldıñ ekinşi jartısınan bastap bwl qwqıq jergilikti byudjetke berilude. Al, ekinşi bağıt boyınşa türli tauarlar, jwmıstar men qızmetterdiñ auıl şaruaşılığı nısandarı üşin ekonomikalıq qoljetimdiligin qamtamasız etu közdelgen. Ağımdağı jılı agroönerkäsip keşeni sub'ektileriniñ investiciyalıq salımdar kezindegi şığının öteuge 6 milliard 125,4 million teñge bölinse, esepti kezeñde sonıñ 2 milliard 227,9 million teñgesi igerilgen.

Sonday-aq, elitalı twqım men köşettiñ, janar-jağarmaydıñ, mineraldı tıñaytqıştardıñ, ağın sudıñ qoljetimdiligin arttıruğa, egiletin twqım men otandıq maqta talşığınıñ sapasın anıqtaytın saraptamalar ötkizuge, sonday-aq, auıl şaruaşılığı önimderin tereñ öñdeytin käsiporındardıñ şığındarın subsidiyalauğa qomaqtı qarjı jwmsalğan. Memleket tarapınan körsetilip jatqan osınau qoldaudıñ arqasında auıl şaruaşılığı salasındağı önim kölemi biıl qañtar-şilde aralığında ötken jılğı tiisti kezeñmen salıstırğanda 2 payızğa artıp, 160 milliard teñgeni qwradı. Mineki, osınıñ barlığı jergilikti memlekettik organdardıñ Elbası tapsırmaların orındau bağıtındağı jwmısınıñ nätijeli ekeniniñ ayğağı. Memlekettik bağdarlamalardıñ qay-qaysısınıñ da qabıldanğan kezdegi tüpki maqsatı — halıqtıñ twrmısınıñ tüzelip, tabısınıñ artuına sep bolu. Bizdiñşe, memleket tarapınan atqarılıp jatqan osınau auqımdı jwmıstar jerlesterimizdiñ kündelikti ömirine tek qana oñ äser etude.

Abay-aqparat

0 pikir