Särsenbi, 17 Şilde 2019
Adasqandar 4001 9 pikir 28 Naurız, 2017 sağat 16:57

Qazaqstandağı mwsılman geyler: jınıs qalauı imanğa böget emes

Qazaqstandıq rejisser Äsel Auşakimova Qazaqstandağı mwsılman geylerdiñ auır tağdırı turalı kino tüsiripti.

Qazaqtıñ jas jigiti tañ namazın oqıp alıp, kädimgi keñsedegi jwmısın istep, keşke üyine qaytadı. Qolında neke jüzigi bar, tek üyinde jwbayı emes, süyikti erkegi kütip otır. "Stalker" kino mektebiniñ tülegi I'm tired ("Şarşadım") attı qısqa metrli fil'minde mwsılman geylerdiñ tirligin osılayşa qarapayım äri ayqın bayandap bergen. Fil'm türli halıqaralıq kinofestival'derde körsetilmek. "Otkrıtaya Aziya onlayn" seriktesi - Informburo.kz mediaportalınıñ telşileri Äselmen nelikten osınday kürdeli taqırıptı tañdağanı, al dini konfessiyalar ökilderimen - künä turalı swhbattastı.

"Özim ateispin, biraq, barlıq dinge qwrmetpen qaraymın. Adam özi qalağan närsege senuge qaqı bar dep sanaymın, - dep tüsindirdi ideyasın Äsel Auşakimova. - Orientaciya da däl solay. Bir jolı mwsılman gey turalı maqala oqığannan keyin osı ideya keldi".

 

 

Äsel Qazaqstandağı qalıptan tıs jınıstıq qalauı bar adamdarkeşuge mäjbür ekijüzdi tirlikti körsetip, biteu jara: LGBT ökilderi men din arasındağı qatınas mäselesin köterdi. Gey bola twra mwsılman, katolik, pravoslav boluğa bola ma? Alla, qwday aldında adamnıñ bäri teñ be, älde teñniñ de teñi bar ma?

MWSILMAN BISEKSUAL KELİNŞEK

 

Avraam dinderiniñ ortodoks ökilderi bwl swraqqa üzildi-kesildi "Joq" dep jauap beredi.

 

Islamnıñ dästürli ağımdarı gomoseksual qatınastı haram dep, Lwt payğambardıñ eli turalı añızdı tilge tiek etedi:  "Lwt sol uaqıtta eline: "Jer-jahanda senderge deyin eşkimniñ istemegen arsızdıqtı isteysiñder me?" – dedi. "Sender äyelderdi qoyıp, erkekterge qızığıp kelesiñder me? Ärine, sender şekten şıqqan elsiñder" (Qwran 7:80-81)

 

Pravoslav svyaşennikteri de adam ekiniñ birin - ne gey bolu, ne qwdayğa jalbarınudı tañdauı kerek deydi: "Kim de kim äyelmen jatqanday erkekpen jatsa, ekeui de aram is istegeni: ölimge kesilsin, qanı öz moynına jüktelsin", - delinedi Levit kitabınıñ 20-tarauında.

 

Äytkenmen, qazaqstandıq mwsılmandar arasındağı LGBT ökilderi iman keltiru jäne qalağan adamın süyu qwqığın teñ wstağısı keledi. Äygerim Tileubaeva - biseksual. Söyte twra, iman keltirgen mwsılman. Kelinşek queer-mwsılmandıqtı wstanadı. Bwl qozğalıstıñ belsendileri bükil dünie jüzinde bar. Queer termini dästürli ülgige say kelmeytin kez-kelgen minez-qwlıq jäne özdik ülgisin atau üşin qoldanıladı.

 

"Birinşiden, queer-mwsılmandıq degen ne: bwl - kvirge beyimdelgen islam, - deydi Äygerim Tileubaeva. - Islam Ortalıq Aziyadağı (dünie jüzindegi de) köp adamnıñ özdiginiñ bir böligi, sondıqtan, dinniñ beyimdelui - tabiği process".

 

Äygerim bala kezinen islamğa bet bwrğan, al qızdardı wnatatının jasöspirim kezinde tüsindi. "Biseksualdığımdı 12 jasımda sezindim, al mwsılmandıqtı erterek, birinşi sınıp oqıp jürgenimde, islam ğwrıptarın körgende qabıldadım", - deydi Äygerim.

 

Kelinşek Qwrandı mwqiyat oqısaq, erler arasındağı gomoseksual qatınastı tikeley ayıptau turalı söz joq deydi. Al äyelder arasındağı qatınas turalı mülde eşteñe aytılmaydı - patriarhaldıq dinde äyelderdiñ seksualdığı - jabıq taqırıp ekeninen şığar.

 

"Qazaqstan mwsılmandarı dini basqarmasındağı imamdar gomoseksualdıq künä ekenin alğa tartadı, - deydi Äygerim. - Jalpı, qwday aldında künähar ekeniñdi, söyte twra gomoseksualdıq nemese biseksualdıq seniñ bolmısıñ ekenin, qwday özi seni sonday qılıp jaratqanın tüsinip ömir süru qiın. QMDB gomoseksualdıq - haram dep resmi mälimdedi. Alayda, kvir-mwsılmandar Kwrannıñ özinde Lwt payğambardıñ äñgimesinen basqa gomoseksualdıqtı ayıptaytın bir söz joq ekenin alğa tartadı. Ol äñgimeniñ özinde erlerdiñ ğana gomoseksualdığı aytıladı, al äyelderdiñ gomoseksualdığı turalı bir auız söz joq".

 

Äygerim namazdı üyinde oqidı, özge mwsılmandarmen jolıqpaydı da. "Äyel bolğan soñ, mağan meşitke baru mindet emes, parız emes, namazdı üyde oqimın. Meni ayıptauı mümkin mwsılmandarmen kezdespeymin de. Al dostarım bwl wstanımıma tüsinistikpen qaraydı, bälkim, meni islammen baylanıstıra almağandığınan şığar. Öytkeni, men oramal salmaymın, sırtqı atributtardı wstanbaymın", - deydi Äygerim.

"BWL KÜNÄ"

 

QR mitropolit okrugınıñ qoğammen baylanıs jönindegi ökili Evgeniy Ivanov gomoseksualdıq jäne din wğımdarın baylanıstıruğa mülde bolmaydı, ol künä deydi. Onıñ oyınşa, adamnıñ senimi men moral'dıq twraqtılığı odan qanday da bir qwrbandıqtı talap etedi eken.

"Bibliyada otbası qatınastarına qatıstı birneşe tiım bar: oynas jasauğa bolmaydı, qan aralastıruğa bolmaydı, - deydi Evgeniy Ivanov. – Sondıqtan, tiım köp ekenin tüsinuimiz kerek jäne künä men adamdı ajıramas birlikte qarastıruğa bolmaydı. Är adam Qwdaymen tildesuge qaqılı. Adam qılmıs jasap, türmege tüsse de ol Qwdayğa senuge, Qwdaydı sezinuge qaqısı bar. Tek, qılmıs jasağanın tüsinse, sol qılmısına ökinse ğana. "Täubağa kelu" degen bar. Adam künäsin moyındamay, künäni künä deuden bas tartsa, onday adamnıñ jöni basqa. Qwdayğa senetin bolsañ, dindegi aytılğannıñ bärin wstanuıñ kerek, öziñe ıñğaylısın ğana tañdap qoya saluğa bolmaydı".

Evgeniy Ivanov

TEOLOGIYALIQ DAU

 

Qazaqstandıq LGBT-belsendi Amir Şaykejanov Qwran bilgirine silteme jasay otırıp, qasietti kitapta gomoseksualdıqtan köri, seksualdıq zorlıq-zombılıq aytıladı deydi.

Amir Şaykejanov

 

"Maadjid Navaz bir maqalasında mınanday qızıq oy aytadı: "Bedeldi Qwran bilgiri Äli äl-Qisai Lwt payğambar äñgimesinde özge erkekterdi zorlaytın geteroseksual erkekter turalı aytıladı deydi. "Än-Nwr süresinde (Qwran 24:31) "äyelderdi qajet etpeytin adamdar" ataladı. Üzindiniñ konteksine qarasaq, äyelderge qızıqpaytın adamdar turalı aytılğanın köremiz. Olardıñ arasında geyler de boluı mümkin. Osı rette, Qwranda onday adamdar jaman degen bir de bir sögisti körmeymiz. Mwhammed payğambardıñ özi mukhannath ("äyel siyaqtı") atalğan erkekterdiñ ömirine aralasıp, olardı öltiruge jol bermegen".

 

Amir din degen - äleumettik institut, ädet-ğwrıp qana emes,  ärkim özi işki düniesine say tañdaytın ruhani qwndılıqtar dep esepteydi. "Kez kelgen din eñ aldımen adam Qwdayğa  senuin talap etedi. Bwğan qarap, kez kelgen dinge adam kez kelgen ortadan kele alatının tüsinesiñ, - deydi Amir. - Isa payğambardıñ soñına ergenderdiñ biri - Mariya Magdalena - oğan deyin jeñil jüristi bolğan, alayda Isanı tanıp, täubağa kelgen. Sonday-aq, Mwhammed payğambardıñ tuğan ağası da islam koncepciyasın birden qabıldap, moyınday qoymağanın eske tüsiruge boladı. Osılayşa, boyında senimi bar är adam kez kelgen dindi wstanuı mümkin. Onıñ üstine, aytalıq, Islamda, özge de dinderdegi siyaqtı, işki ruhanilıqqa kelu üşin bwrınğı wstanımdardıñ jaña interpretaciyasın wsınıp, reforma jasauğa wmtılıp jürgen ağımdar bar".

 

Daayi Abdulla imam gey ekenin aşıq jariyalağan alğaşqı imam bolıp tanılğan. Köptegen mwsılman köşbasşıları onı aşıq sögip, tipti key jergilikti imamdar onımen amandasudan bas tartqan.

Imam Daayi Abdulla

2014 jılı Stokgol'mde irandıq eki qız, Sahar Muslih pen Mar'yam Iranfar "geylerdiñ imamı" atanıp ketken Lyudovik Mwhamed Zahidtiñ aldına barıp nekesin qidırğan.

 

Seksualdıq qalauı qalıpqa sıymaytındar Qwdayğa senu qaqın jantalasa qorğağanımen, köbinese, din qızmetkerleri olardı jamağattan tıs qaldırıp jatır.

 

Mısalı, Saud Arabiyası, Auğanstan jäne basqa da birqatar mwsılman elderinde jınıstastar qatınası ölimge layıq qılmıs sanaladı. Al Mısırda ol üşin türmege tüsuge boladı.

 

Nazgül Qojabekova

theopenasia.net

9 pikir