اسەل قازاقستانداعى قالىپتان تىس جىنىستىق قالاۋى بار ادامداركەشۋگە ءماجبۇر ەكىجۇزدى تىرلىكتى كورسەتىپ، بىتەۋ جارا: لگبت وكىلدەرى مەن ءدىن اراسىنداعى قاتىناس ماسەلەسىن كوتەردى. گەي بولا تۇرا مۇسىلمان، كاتوليك، پراۆوسلاۆ بولۋعا بولا ما؟ اللا، قۇداي الدىندا ادامنىڭ ءبارى تەڭ بە، الدە تەڭنىڭ دە تەڭى بار ما؟

مۇسىلمان بيسەكسۋال كەلىنشەك

اۆراام دىندەرىنىڭ ورتودوكس وكىلدەرى بۇل سۇراققا ءۇزىلدى-كەسىلدى "جوق" دەپ جاۋاپ بەرەدى.

يسلامنىڭ ءداستۇرلى اعىمدارى گوموسەكسۋال قاتىناستى حارام دەپ، لۇت پايعامباردىڭ ەلى تۋرالى اڭىزدى تىلگە تيەك ەتەدى:  "لۇت سول ۋاقىتتا ەلىنە: "جەر-جاھاندا سەندەرگە دەيىن ەشكىمنىڭ ىستەمەگەن ارسىزدىقتى ىستەيسىڭدەر مە؟" – دەدى. "سەندەر ايەلدەردى قويىپ، ەركەكتەرگە قىزىعىپ كەلەسىڭدەر مە؟ ارينە، سەندەر شەكتەن شىققان ەلسىڭدەر" (قۇران 7:80-81)

پراۆوسلاۆ سۆياششەننيكتەرى دە ادام ەكىنىڭ ءبىرىن - نە گەي بولۋ، نە قۇدايعا جالبارىنۋدى تاڭداۋى كەرەك دەيدى: "كىم دە كىم ايەلمەن جاتقانداي ەركەكپەن جاتسا، ەكەۋى دە ارام ءىس ىستەگەنى: ولىمگە كەسىلسىن، قانى ءوز موينىنا جۇكتەلسىن", - دەلىنەدى لەۆيت كىتابىنىڭ 20-تاراۋىندا.

ايتكەنمەن، قازاقستاندىق مۇسىلماندار اراسىنداعى لگبت وكىلدەرى يمان كەلتىرۋ جانە قالاعان ادامىن ءسۇيۋ قۇقىعىن تەڭ ۇستاعىسى كەلەدى. ايگەرىم تىلەۋباەۆا - بيسەكسۋال. سويتە تۇرا، يمان كەلتىرگەن مۇسىلمان. كەلىنشەك queer-مۇسىلماندىقتى ۇستانادى. بۇل قوزعالىستىڭ بەلسەندىلەرى بۇكىل دۇنيە جۇزىندە بار. Queer تەرمينى ءداستۇرلى ۇلگىگە ساي كەلمەيتىن كەز-كەلگەن مىنەز-قۇلىق جانە وزدىك ۇلگىسىن اتاۋ ءۇشىن قولدانىلادى.

"بىرىنشىدەن، queer-مۇسىلماندىق دەگەن نە: بۇل - كۆيرگە بەيىمدەلگەن يسلام، - دەيدى ايگەرىم تىلەۋباەۆا. - يسلام ورتالىق ازياداعى (دۇنيە جۇزىندەگى دە) كوپ ادامنىڭ وزدىگىنىڭ ءبىر بولىگى، سوندىقتان، ءدىننىڭ بەيىمدەلۋى - تابيعي پروتسەسس".

ايگەرىم بالا كەزىنەن يسلامعا بەت بۇرعان، ال قىزداردى ۇناتاتىنىن ءجاسوسپىرىم كەزىندە ءتۇسىندى. "بيسەكسۋالدىعىمدى 12 جاسىمدا سەزىندىم، ال مۇسىلماندىقتى ەرتەرەك، ءبىرىنشى سىنىپ وقىپ جۇرگەنىمدە، يسلام عۇرىپتارىن كورگەندە قابىلدادىم", - دەيدى ايگەرىم.

كەلىنشەك قۇراندى مۇقيات وقىساق، ەرلەر اراسىنداعى گوموسەكسۋال قاتىناستى تىكەلەي ايىپتاۋ تۋرالى ءسوز جوق دەيدى. ال ايەلدەر اراسىنداعى قاتىناس تۋرالى مۇلدە ەشتەڭە ايتىلمايدى - پاتريارحالدىق دىندە ايەلدەردىڭ سەكسۋالدىعى - جابىق تاقىرىپ ەكەنىنەن شىعار.

"قازاقستان مۇسىلماندارى ءدىني باسقارماسىنداعى يمامدار گوموسەكسۋالدىق كۇنا ەكەنىن العا تارتادى، - دەيدى ايگەرىم. - جالپى، قۇداي الدىندا كۇناحار ەكەنىڭدى، سويتە تۇرا گوموسەكسۋالدىق نەمەسە بيسەكسۋالدىق سەنىڭ بولمىسىڭ ەكەنىن، قۇداي ءوزى سەنى سونداي قىلىپ جاراتقانىن تۇسىنىپ ءومىر ءسۇرۋ قيىن. قمدب گوموسەكسۋالدىق - حارام دەپ رەسمي مالىمدەدى. الايدا، كۆير-مۇسىلماندار كۇراننىڭ وزىندە لۇت پايعامباردىڭ اڭگىمەسىنەن باسقا گوموسەكسۋالدىقتى ايىپتايتىن ءبىر ءسوز جوق ەكەنىن العا تارتادى. ول اڭگىمەنىڭ وزىندە ەرلەردىڭ عانا گوموسەكسۋالدىعى ايتىلادى، ال ايەلدەردىڭ گوموسەكسۋالدىعى تۋرالى ءبىر اۋىز ءسوز جوق".

ايگەرىم نامازدى ۇيىندە وقيدى، وزگە مۇسىلماندارمەن جولىقپايدى دا. "ايەل بولعان سوڭ، ماعان مەشىتكە بارۋ مىندەت ەمەس، پارىز ەمەس، نامازدى ۇيدە وقيمىن. مەنى ايىپتاۋى مۇمكىن مۇسىلماندارمەن كەزدەسپەيمىن دە. ال دوستارىم بۇل ۇستانىمىما تۇسىنىستىكپەن قارايدى، بالكىم، مەنى يسلاممەن بايلانىستىرا الماعاندىعىنان شىعار. ويتكەنى، مەن ورامال سالمايمىن، سىرتقى اتريبۋتتاردى ۇستانبايمىن", - دەيدى ايگەرىم.

"بۇل كۇنا"

قر ميتروپوليت وكرۋگىنىڭ قوعاممەن بايلانىس جونىندەگى وكىلى ەۆگەني يۆانوۆ گوموسەكسۋالدىق جانە ءدىن ۇعىمدارىن بايلانىستىرۋعا مۇلدە بولمايدى، ول كۇنا دەيدى. ونىڭ ويىنشا، ادامنىڭ سەنىمى مەن مورالدىق تۇراقتىلىعى ودان قانداي دا ءبىر قۇرباندىقتى تالاپ ەتەدى ەكەن.

تەولوگيالىق داۋ

قازاقستاندىق لگبت-بەلسەندى امير شايكەجانوۆ قۇران بىلگىرىنە سىلتەمە جاساي وتىرىپ، قاسيەتتى كىتاپتا گوموسەكسۋالدىقتان كورى، سەكسۋالدىق زورلىق-زومبىلىق ايتىلادى دەيدى.

"ماادجيد ناۆاز ءبىر ماقالاسىندا مىنانداي قىزىق وي ايتادى: "بەدەلدى قۇران بىلگىرى ءالي ءال-قيساي لۇت پايعامبار اڭگىمەسىندە وزگە ەركەكتەردى زورلايتىن گەتەروسەكسۋال ەركەكتەر تۋرالى ايتىلادى دەيدى. ء"ان-نۇر سۇرەسىندە (قۇران 24:31) "ايەلدەردى قاجەت ەتپەيتىن ادامدار" اتالادى. ءۇزىندىنىڭ كونتەكسىنە قاراساق، ايەلدەرگە قىزىقپايتىن ادامدار تۋرالى ايتىلعانىن كورەمىز. ولاردىڭ اراسىندا گەيلەر دە بولۋى مۇمكىن. وسى رەتتە، قۇراندا ونداي ادامدار جامان دەگەن ءبىر دە ءبىر سوگىستى كورمەيمىز. مۇحاممەد پايعامباردىڭ ءوزى mukhannath ("ايەل سياقتى") اتالعان ەركەكتەردىڭ ومىرىنە ارالاسىپ، ولاردى ولتىرۋگە جول بەرمەگەن".

امير ءدىن دەگەن - الەۋمەتتىك ينستيتۋت، ادەت-عۇرىپ قانا ەمەس،  اركىم ءوزى ىشكى دۇنيەسىنە ساي تاڭدايتىن رۋحاني قۇندىلىقتار دەپ ەسەپتەيدى. "كەز كەلگەن ءدىن ەڭ الدىمەن ادام قۇدايعا  سەنۋىن تالاپ ەتەدى. بۇعان قاراپ، كەز كەلگەن دىنگە ادام كەز كەلگەن ورتادان كەلە الاتىنىن تۇسىنەسىڭ، - دەيدى امير. - يسا پايعامباردىڭ سوڭىنا ەرگەندەردىڭ ءبىرى - ماريا ماگدالەنا - وعان دەيىن جەڭىل ءجۇرىستى بولعان، الايدا يسانى تانىپ، تاۋباعا كەلگەن. سونداي-اق، مۇحاممەد پايعامباردىڭ تۋعان اعاسى دا يسلام كونتسەپتسياسىن بىردەن قابىلداپ، مويىنداي قويماعانىن ەسكە تۇسىرۋگە بولادى. وسىلايشا، بويىندا سەنىمى بار ءار ادام كەز كەلگەن ءدىندى ۇستانۋى مۇمكىن. ونىڭ ۇستىنە، ايتالىق، يسلامدا، وزگە دە دىندەردەگى سياقتى، ىشكى رۋحانيلىققا كەلۋ ءۇشىن بۇرىنعى ۇستانىمداردىڭ جاڭا ينتەرپرەتاتسياسىن ۇسىنىپ، رەفورما جاساۋعا ۇمتىلىپ جۇرگەن اعىمدار بار".

دااي ابدۋللا يمام گەي ەكەنىن اشىق جاريالاعان العاشقى يمام بولىپ تانىلعان. كوپتەگەن مۇسىلمان كوشباسشىلارى ونى اشىق سوگىپ، ءتىپتى كەي جەرگىلىكتى يمامدار ونىمەن امانداسۋدان باس تارتقان.

2014 جىلى ستوكگولمدە يراندىق ەكى قىز، ساحار مۋسليح پەن ماريام يرانفار "گەيلەردىڭ يمامى" اتانىپ كەتكەن ليۋدوۆيك مۇحامەد ءزاحيدتىڭ الدىنا بارىپ نەكەسىن قيدىرعان.

سەكسۋالدىق قالاۋى قالىپقا سىيمايتىندار قۇدايعا سەنۋ قاقىن جانتالاسا قورعاعانىمەن، كوبىنەسە، ءدىن قىزمەتكەرلەرى ولاردى جاماعاتتان تىس قالدىرىپ جاتىر.

مىسالى، ساۋد ارابياسى، اۋعانستان جانە باسقا دا بىرقاتار مۇسىلمان ەلدەرىندە جىنىستاستار قاتىناسى ولىمگە لايىق قىلمىس سانالادى. ال مىسىردا ول ءۇشىن تۇرمەگە تۇسۋگە بولادى.

نازگۇل قوجابەكوۆا

theopenasia.net