Jeksenbi, 5 Säuir 2020
COVID-19 QAZAQSTANDA. Jwqtırğandar — 531. Jazılğandar — 36. Qaytıs bolğandar — 5
46 - söz 3475 0 pikir 18 Aqpan, 2015 sağat 14:00

KEMEÑGERLERDİÑ AYTQANI AQIQAT BOLA BERMEYDİ

Gazette jwmıs isteytin meniñ bir äriptesim bar. Älem ädebietindegi wlı aqındar men jazuşılar turalı äñgimeleskendi janı süyedi. Biraq aytatın äñgimesiniñ mazmwnı «Gete mıqtı aqın ğoy» nemese «Tolstoy wlı jazuşı ğoy» degen mağınadağı jwrttıñ bärine belgili şındıqtardı qaytalaudan ärige tereñdey alğan emes. 
Ökinişke qaray bizdiñ baspasöz betinde jürgizip jatqan «intellektualdıq» äñgime-swhbattarımız da tap osınday tayazdığımen qarnıñdı aştıradı. Ädebietti jüyeli oqımağandıqtan, wlı aqındar men jazuşılardıñ boyında bolatın qayşılıqtardı bilmegendikten, dwrısı, olardıñ şığarmalarımen at üsti tanısqandıqtan, biz köp şındıqtı tüsine almay, onıñ betinen ğana qalqıp jürmiz. 
«Tolstoy solay aytqan», «Abaydıñ oyı mınanday bolğan» dep, öziñniñ jartılay şındığıñdı ötkizu üşin, kemeñgerlerdiñ pikirin saudağa salatın däuirdiñ uaqıtı bayağıda ötken. Nüktesin basıp qalsañ, bärin de aldıña jayıp salatın internettiñ qwlağında oynağan bügingi sauattı oqırmandı siz onday arzan sözben aldarqata almaysız. Onıñ oyı da, jan älemi de, inttelektisi de kürdelengen. Ol Tolstoy men Abaydıñ solay aytqanına qanağattanbaydı, ne üşin olardıñ solay aytqanınıñ sebebin tüsingisi keledi. Jäne barlıq uaqıtta da kemeñgerlerdiñ aytqan pikirleriniñ aqiqat bola bermeytinin de oylı oqırman sizden artıq biledi. 
Mısalı, ädebiettegi suretkerliktiñ de, kemeñgerliktiñ de biik şıñına köterilgen birden-bir adam bolsa, ol - Tolstoy şığar. Biraq osı Tolstoydıñ barlıq pikiri aqiqat boldı dep ayta alamız ba? Joq. Şekspir men Bethovenderdiñ wlı öneri Tolstoydıñ köñilinen şıqpağanı üşin biz olardı küresinge laqtırıp tastay almaymız ğoy. Däl sol siyaqtı wlı Abaydıñ «Şortanbay, Dulat penen Bwhar jıraudı» sonşama sögip, jer qıluınıñ sebebin qalay tüsinemiz? Qayta orıstıñ otarşıldıq sayasatına qarsı şığıp, wltınıñ qayğısına ortaqtasqanı üşin Şortanbay, Dulat, Bwharlar közi aşıq, kökiregi oyau, jüreginde säulesi bar kemeñger Abaydıñ qwrmeti men qoşemetine bölenui kerek emes pe edi. Abaydıñ jan äleminiñ tereñine boylau üşin onı qwr maqtay bermey, osı şındıqtardıñ astarına üñile bilgen de ğanibet. Biz Abaydı maqtap-maqtap adam balasınıñ qolı jetpeytin biikke aparıp qoydıq. Biraq däl özimizden aumaytın «jüregi inedeyin taza emes» adam Abaydı qaşan aşadı ekenbiz
?

Amangeldi KEÑŞİLİKWLI.

(Jazba avtordıñ facebooktegi paraqşasınan alındı)

0 pikir