Senbi, 19 Qazan 2019
Adasqandar 17322 67 pikir 28 Säuir, 2017 sağat 10:49

Qorğanıs ministri mwsılmanşılıqqa til tigizdi

Qorğanıs ministri Säken Jaswzaqov qattı qatelesti. Ol Parlament Mäjilisiniñ deputatı Sauıtbek Äbdirahmanovtıñ "äskerler arasında radikaldı köñil küyde jürgen qanşa dini fanattar bar?" degen swrağına jauap beremin dep bükil mwsılman qauımnıñ aşuın tuğızatın söz aytqan.

Ministr bılay deydi. "Sredi nas net lyudey, kotorıe hodyat v meçet' ili eşe çto-to delayut". Ministrdiñ mwnısın qalay tüsinemiz?

Öz äletimizşe täpsirlep körelik.

1. Täuelsiz Qazaqstannıñ äsker sapında jürgenderdiñ işinde meşitke baratın bir adam bolmağanı ma? Bwl birinşiden quanıştı jağday emes. Sebebi, meşit pen radikaldıq ağımdı baylanıstıra söyleu ministrdiñ deñgeyiniñ taban astına tüskenin körsetedi.

2. Ministr aytqanday-aq bolsın! Sonda bwl mäseleniñ ekinşi jağı qılañ bermey me? Demek meşitke baratındar radikaldı közqarasta bolğanı ğoy. Qazir qazaq jastarınıñ 70-80 payızı jwma namazğa qatısatın körinedi. Ministr sol bükil qazaqtıñ jastarın qaralap otırğan joq pa? Osı 70-80 payız jastıñ äskerge barmaytınına Jaswzaqov kepildik bere ala ma?

3. Jaswzaqovtıñ "ili eşe çto-to delayut" degeniniñ astarında namaz oqu degen wğım jatqanı aytpasa da tüsinikti. Imandılıqqa bet bwrğan jastardan qorqatın ministrdiñ oyın tüsinu qiın.

4. Jalpı, memleket tizginin wstap otırğan lauazımdı twlğalar auzına abay boluı kerek. Egeräki, bwdan keyin bizdiñ elde türli lankestik äreket bola qalsa (Qwday betin äri qılsın), birinşi bolıp Qorğanıs ministrligine şabuıl jasauı äbden mümkin. Oğan Jaswzaqovtıñ mına bir sözi tolığımen sebepşi bola aladı.

5. Radikaldıq wyım men dästürli islamdı şatastıru ministrlikke opa äpermeydi. Adam balası tübi o dünielik boları anıq qoy. Mına sözdi aytqan Jaswzaqovtıñ janazası şığarılmay ma? Ärine, şığarıladı. Sonda tabıttağı ministrimiz "radikalı... çto-to delayut" dep jatpasına kim kepil?

Mwsılman bolıp tudıq, mwsılman bolıp ölemiz. Osını biliktegiler wmıtpasa eken.

Şäriphan Qaysar

Abai.kz

67 pikir