Düysenbi, 16 Qırküyek 2019
«Soqır» Femida 5454 54 pikir 14 Mausım, 2017 sağat 20:16

"Meniñ atım - Qayrat-Qoja"

Qazaq şou-biznesiniñ jarıq jwldızı Qayrat Nwrtastıñ «MuzTV — 2017» jobasına şaqırtu alıp, orıs tilşileriniñ swraqtarına jauap bere almay müdirgenin keybireuler wyatqa balap jatır. Qayrattıñ orıs tilinde sürine söylegeni meni qattı quanttı. Sebebi, bwl elimizdegi orıs tilin bilmeytin häm sol bilmegenin wyat sanaytın milliondağan jastıñ eñsesin köteretin oqiğa boldı. Endi Qayrat bilmegen tildi, qazaqtıñ bilmey-aq qoyuına qwqığı bar. 

Orısşadan müdiruge, mümkindik bolsa sürinuge sebep izdeytin kez keldi.

Qwl - qojayınnıñ tilimen söyleydi.

Qazaqstanda qojayın kim? Osı swraqqa Qayrat öz äletinşe jauap berdi. Demek, endi Qayrattı resmi tilde şüldirleytinder mazalamaydı degen söz. Mazalağannıñ özinde qazaqşa tilin sındırıp keluge mäjbür boladı.

Bwl - wyalatın emes, quanatın närse. Eger de osıdan alpıs jıl bwrın Ermek Serkebaev orıs tilin bilmey jatsa, ol onıñ kemşiligi sanalatın. Qazir orıs tili - modada emes. Onıñ tiline, mädenietine degen täueldiligimiz joq. Qayrat elimiz täuelsizdik alğan jıldarı ömirge kelip, bodandıqtıñ ne ekenin bilmey ösken azamat. Onı talay jerde däleldep jür.

Osıdan bir-eki jıl bwrın Ombığa barıp: "Bwl - qazaqtıñ qalası" dep jar salğanın bükil el biledi. Osınday ülken jürekti balamızdıñ orıs tilin jetik bilmeui zañdılıq bolsa kerek.

Täuelsizdiktiñ bir jemisin Qayrat üzip berdi. Endi osınday jemister köbeye tüsse eken.

Qayrat - osı eldiñ Qojası. Onıñ atı - Qayrat-Qoja!

Bekeñ, Berdibek Soqpaqbaev povestiniñ atın "Meniñ atım Qoja" dep qoyuınıñ astarında "osı eldiñ Qojası mına sotqar bala" degen oy jatqanın aytadı zertteuşiler. Sol Qojañız - Qayrat emes pe?

Resmi tildi bilmey-aq, mıñ jasa, bauırım!

Şäriphan Qaysar

Abai.kz

54 pikir