Júma, 29 Nauryz 2024
Qúiylsyn kóshing 6687 2 pikir 12 Shilde, 2017 saghat 09:55

Kóshi-qon polisiyasy Taldyqorghangha «qashyp ketti»

7 shilde kýni tanerteng kónilimiz bayaghyday, alyp úshyp tapqan-tayanghanymyzdy taksiyge berip, oblystyq kóshi-qon mekemesine qújat qaghazdarymyzdy súrayyq dep barghanbyz. Bara sala esikten ary óte almay, kónilimiz su sepkendey basyldy.

Denesi әljuazdau kelgen,   júqaltang shýnirek kózdi  kýzet formasyn kiygen jigit «Júmystaryng bolsa, barlyq súraqtarynyz boyynsha Taldyqorghangha baryndar, endi olar búl jerde joq. Myna habarlandyrudy oqyndar» dep zirkildedi, búlttanyp kýrkiredi.

Esikke siyrdyng tilindey, «Habarlandyru» orys tilinde jazylyp japsyruly túr. Onda ne jazylghanyn týsine almay dal boldyq. Búl sonda bizdi ghana emes, qasiyetti ana tilimizdi de kózge ilmeytin mekeme eken ghoy.  Shetten kelgen aghayyn ózge tildi qaydan bilsin...

Ontýtik astanagha jaqyn ornalasqan segiz audangha kóship kelgen qandastarymyzdyng qatpary qalyng qayghysy men tony jibimegen qújat mәselesin kim qaraydy? Qúzyrly mekeme ózderi kóship-qonyp sarsangha týsip jýr.

Ynghaylary men jaghdaylaryna  qarap,  halyqqa eskertpesten bir kýnde Almaty qalasynan kabiynetterin kóshirip, izim-ghayym bolghan kóshi-qondy qanday  týlen týrtti eken?. Oghan әzirge jauap taba almadyq.

Túspaldauymyzsha  qapyryq aptap ystyqta, tórt qabatty ghimarat pana bolmaghan sekildi. Júmystary  auyr ghoy, týsinuge bolar...

Ózderi birauzdan aqyldasyp,  ne de bolsa qalanyng shuylynan alys oblys ortalyghy Taldyqorghangha kóship ketu jón dep sheshken sekildi. Onda oblysqa qarasty segiz audangha kelgen qandastarymyzdyng baryp-qaytuyna birshama qiyndyqtar tughyzbay qalmasy anyq. Jolaqy, jatyn-oryn, iship-jemnen  qinaluy degendey. Sebebi arghy betten әzer at arytyp jetkende, bir japyraq qaghazdyng kók móri ýshin, alashapqyn bolyp arly-berli jýruge kimning jaghdayy jar bere qoysyn.

Tannan keshke deyin Almaty oblysy kóshi-qon polisiyasynyng kóshken júrtyn sipaghan júrt, kenezeleri keuip, dyghdyry qúryghanda tarqasty. Bәrining ansaghany  sol siyrqúimyshaqtanghan qújattyng mәselesining tez sheshim tabuy ghoy.

Mekeme qyzmetkerlerining bir kýnde astylarynan su shyqqanday, Almaty oblysynan tayyp túruy «Ash qúlaqtan, tysh qúlaq, Aydaghanym eshki laq» dep, danghazasy kóp, shuyly basym ortadan birjola ketip, shalghay jatqan Taldyqorghangha taban tirep arqalaryn kenge salu ma, eshkimning aty jetip kýnde baryp  mazalamaytyny anyq.

Atajúrtyna at artyp әzer jetken qandastarymyzdyng bir japyraq qaghaz ýshin tentirep, tabanynan tausylyp jýrse,  azamattyq aludy olargha úly arman etip, kýrmeui kóp mәsele jasap zәurenin sarghaytyp, qanyryghyn týtetip qon qúzyrly mekemening orden taqqan azamattarynyng «Hobbiy» sekildi.

Olar ne dúrystap jauap bermeydi, ne qúlaqasyp sózindi tyndamaydy. Sonda búlargha etika, mәdeniyet turaly aitpaghan kýnning ózine, Elbasy Núrsúltan Nazarbaevtyng joldaghan joldauy, jýrgizip otyrghan salihaly sayasaty, kýnige aityp jatqan  sózi әser etpey me.

Dýnie  jýzi qazaqtaryynyng besinshi qúryltayynda kóshi-qondaghy qordalanghan týitkildi mәselelerding seni búzylyp, kedergi qamaldardyng alynatyny turaly aqjoltay habar aitylyp bir quantqan edi. Ile -shala aragha kýn salmay jatyp, quanysh úzaqqa barmay qyzuynyng sap basylyp jatqany  bizdi qatty alandatady.

Qaly Orynbay

Abai.kz

 

 

2 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1574
Alashorda

Qojanov mejeleu nauqanynda (Jalghasy)

Beybit Qoyshybaev 2268
Ghibyrat

Qaysar ruhty ghaziz jan

Múhtar Qúl-Múhammed 3576