Áleumettik jelide tarap jýrgen әzil suret maghan qatty әser etti. Búghan deyin Dýken Mәsimxanúlyn kórgen de, bilgen de emespin. Jer betinde múnday adam balasy bar ekeninen xabarsyz edim. Óshtigim de, dostyghym da joq.

Sol aghamyz Vashingtondaghy "Azat Aziya" radiosyna súxbat beripti. Áriyne, tútas Qytay qazaghyna, Qazaqstan eline  kýie jaqqan Euraziya birinshi arnasyndaghy atyshuly súxbatynan keyin.

Qytayda bir malshy atalarymyz bolushy edi, ómiri taudan týspeytin. Ataqty qytaytanushymyzdyng qytayshasy әlgi atalarymyzdy eriksiz eske saldy. Atalarymyzdan sadagha ketsin, "Búl derekterdi qaydan aldynyz" degen Amerika tilshisine "Men múny el auyzynan estidim" dep jauap berdi.

RFA.ORG saytynda búl xaqynda eki maqala jazyldy. Qytaydyng qay qazaghy Úighyrlardyng lankestik tobyna qosylypty?! Qytaydyng qay qazaghy Ol jalalaghanday Qazaqstan arqyly Siriyagha ketipti?! Dýken Mәsimhan jauap bersin!

Eger múnday derekter qolyna týsse QHR biyligi bórkin aspangha atar edi ghoy?! Ayday әlemge pash eter edi ghoy?! Onsyz da synyqtan syltau izdep tauyp, bodanyndaghy az qazaqty atyp, sottap, abaqtylap jatqan qytay biyligi búnday faktiler bolsa jasyryp qalmas edi.

Búl Dýken aghamyz tútas Qytay biyligi aitpaghan derekti qaydan alyp otyr?! Lankestikke  "Tranzittik el" dep tútas Qazaqstangha kýie jaqty. Siriyagha ketken adasqan qazaqtar ishinde bir qytay qazaghy bolsa, QR qúzyrly organdary ony eshqashan jasyrmas ta edi....

Jә, "vo tiying rynjiya shuo" (men júrt auzynan estidim) degen myqtym, xalyqaralyq telearnalar men radiolargha súxbat bererde eng qarapayym bastauyshtyq sauat "Ayaqtan sýringen túrady, auyzdan sýringen túrmaydy" degendi bilip alghany jón bolar edi. Ol sýrindi, óldi. Qazaghyna kýie jaghyp, Qazaqstannyng әlem aldyndaghy bedelin týsirgeni ýshin Dýken aghamyzgha Qytay qojasy ne berdi eken?

Al, qazaqtan alghany qarghys bolar...

Dýken Mәsimhan ózine berilgen mýmkindikti paydalanyp, amerika tilshisine "vo tiying rynjiya shuo" (men júrt auzynan estidim) demey aq, kýlli qazaqtan keshirim súray salsa, býgin aghamyzdy tóbege kótermes pe edik?

Atalmysh radio súxbat myna siltemede:

http://www.rfa.org/mandarin/yataibaodao/shaoshuminzu/ql1-06232017113312.html?searchterm:utf8:ustring=新疆作协

Úighyr tilindegi "Azat Aziya" maqalasy:

http://www.rfa.org/uyghur/xewerler/qazaqistan-xitay-06262017162119.html

Azamat Marat

Abai.kz