Keyingi 7-8 jyl boyy Resey baspa­sózinde 75 jyl jer astynda jatyp, qaytadan qazylyp alynghan Budda dindary Hambo-Lama Dashiy-Dorjy Itigelov jayly ýzbey jazylyp keledi. Kezinde sensasiya izdegen eldi bir shu etkizgen, Buryatiyanyng Ivolga dasanynda (buddalyqtardyng diny ghibadathanasy) bolghan búl oqigha әli de auyzdan týser emes.

Hambo-Lama Itigelov jayly esti­megender ýshin qysqartyp aitar bolsaq, ol 1852 jyly Buryat jerinde dýniyege kelgen. Áke-shesheden erte aiyrylyp, dәuletti adamdardyng qoyyn baghady. Biraq sol kezde-aq "Tiybetke baryp oqimyn, Buddanyng jolyn quamyn" degennen ainymaydy eken.

Keyingi 7-8 jyl boyy Resey baspa­sózinde 75 jyl jer astynda jatyp, qaytadan qazylyp alynghan Budda dindary Hambo-Lama Dashiy-Dorjy Itigelov jayly ýzbey jazylyp keledi. Kezinde sensasiya izdegen eldi bir shu etkizgen, Buryatiyanyng Ivolga dasanynda (buddalyqtardyng diny ghibadathanasy) bolghan búl oqigha әli de auyzdan týser emes.

Hambo-Lama Itigelov jayly esti­megender ýshin qysqartyp aitar bolsaq, ol 1852 jyly Buryat jerinde dýniyege kelgen. Áke-shesheden erte aiyrylyp, dәuletti adamdardyng qoyyn baghady. Biraq sol kezde-aq "Tiybetke baryp oqimyn, Buddanyng jolyn quamyn" degennen ainymaydy eken.

Qaytse de bilim alugha qúmartqan ol jasy 15-ke kelgende óz túraghynan 300 shaqyrym jerdegi Achinsk dasanyna jayaulap qashyp baryp, Budda ilimin iygere bastaydy. Sonynan ýlken diny jәne qogham qayratkerine ainalghan ol patshalyq Resey ýkimeti tarapynan da qoldau tauyp, eki el arasynda ótetin týrli dini, qoghamdyq sharalargha atsalysyp jýredi. Sanaly ghúmyryn Budda ilimine arnaghan lamanyng sonynda buddalyq filosofiya men Tiybet medisinasyna arnalghan, kóne monghol tilinde jazylghan 50-den astam kitap qalghan eken. Qoljazbalar kenes ókimeti ornap, diny nanym-senim qudalaugha týskende, jer astyna tyghylghan kórinedi. Olar qazir ghana tabylyp, qúpiyasy ashyluda. Al 2005 jyly 30 nauryzda lamanyng túlghasyn odan әri qúpiya­landyra týsetin taghy bir qoljazbasy tabylghan. Onda Itigelov ózining 12 mәrte reinkarnasiyany (adamnyng tәni ólgenimen, jany ólmey, basqa bireuge auysady degen týsinik) bastan keshkenin jazypty. Qoljazbanyng mәtini boyynsha onyng beseui Ýndistanda, beseui Tiybette, ekeui Buryatiyada bolghan kórinedi.

Eng qyzyghy, 1927 jyly 15 mausymda 75 jastaghy Hambo-Lama meditasiya jasap otyryp, eshbir auyryp-syrqamastan (sanaly týrde) o dýniyege attanyp jýre beredi. Buddashylargha tәn lotos kýiinde otyrghan ol shәkirtterine ólim auzynda jatqan adamgha arnalghan "Huga Namshi" dúghasyn oqudy búiyrady. Biraq shәkirtteri tiri otyrghan ústazynyng aldynda ol dúghany oqugha dәtteri barmaydy. Sosyn dúghany Hambo-Lamanyng ózi bastap, ony shәkirtteri qostap, úly ústaz birjola mәngilikting әlemine attanyp jýre beredi. Lamany denesi ózining ósiyeti boyynsha mayqaraghaydan jasalghan qorapqa salynyp, oghan túz toltyrylyp, sodan song 1,5 metrlik terendikke kómiledi.

Úly Lama kóz júmghasyn birer jyldan keyin Buryatiyada din iyelerin qudalau nau­qany bastalady da, shәkirtteri jana ókimet býldirip jýrer degen qauippen, onyng ziratyn jermen-jeksen etip tastaydy. Tek 1955 jәne 1977 jyldary Hambo-Lamanyng denesi býlinbegenine kóz jetkizu ýshin ózderi qúpiya týrde eki mәrte qazyp alyp kóripti. Kenes biyligi qúlaghasyn Itigelovting taghy bir ósiyeti tabylyp, onda ol óz mәiitin 2002 jyly birjola qazyp aludy tapsyrghan eken. Sóitip, onyng búl ósiyeti oryndalyp, Resey buddashylarynyng býgingi basshysy Pandito hambo-lama HHIV Damba Aisheevtyng rúqsatymen qazylyp alynyp, jalpy júrtshylyqtyng nazaryna úsynylady.

Tanghalarlyghy, 75 jyl jer astynda jat­qan lamanyng denesi eshbir býlinbegen kórinedi. Býlinbegeni sol, terisi tiri adamdikindey qyzghylt týsti, buyndary jenil qozghalady deydi.

Al ghibadathananyng ishinde diny rәsim jýrip jatqan uaqytta onyng denesi kәdimgidey terlep, qyzuy 36-37 gradusqa deyin kóterilip, qatty terleytini sonshalyq, jibek jelbegeyden ótip ketedi eken.

Lamanyng shashy men tyrnaghynan, terisinen ýlgiler alyp teksergen Reseyding sot-medisinalyq saraptama ortalyghy olardyng tiri adamgha tәn ekenin aitqan. (Tek bir ayaghynda bolmashy jara bar ekeni bayqalghan. Tanghalarlyghy, Mәshhýr babamyzdyng da bir ayaghynyng tyrnaghynda týireuishting basynday qarayghan bolghan desedi).

Qysqasha aitqanda, býginde Hambo-Lama Itigelov tek Resey ghana emes, әlem ghalymdaryna sheshui qiyn júmbaq bolyp otyr.

Bir ókinishtisi, Resey basylymdary búl sekildi búzylmay saqtal­ghan mәiitter Aziya aumaghynda tek Qytay men Japoniyada, Vietnamda ghana kezdesedi, biraq olar jansyz mumiyeler, ishki qúrylystary alynyp, balizamdalyp tastalghan deydi. Tipti reseylik keybir aqparat qúraldary: "Ghalymdar osyghan úqsas mysaldy dýnie jýzinen izdep, taba almady" dep jazghanyn oqyghanda, apyrmau, mynalar irgesinde túrghan qazaq jerinde dәl osynday jaghdayda ómirden ozyp, eshbir balizamdausyz 21 jyl ashyq qabirde jatqan Mәshhýr-Jýsip Kópeyúly degen adamnyng bolghanyn shynymen bilmey me dep oilaysyn.

Bir aita keterligi, Mәshhýr-Jýsip pen Hambo-Lama - zamandas adamdar. Lama 1852 tusa, Mәshhýr-Jýsip 1858 jyly dýniye­ge kelgen. Budda lamasy 1927 jyly 75 jasynda ómirden ozsa, Mәshhýr babamyz 1931 jyly kýz ailarynyng sonyna qaray 73 jasynda baqilyqqa attanady.

Býginde Mәshhýr-Jýsip Kó­pey­úlynyng әdeby múralary jan-jaqty zerttelip, tom-tom kitap bolyp shyghyp jatyr. Respublika júrtshylyghy ol kisini kóbinese aqyn, tarihshy, etnograf, foli­klorshy, audarmashy, shejireshi, din qayratkeri retinde biledi. Al onyng erekshe qasiyet iyesi bolghany jóninde osy tónirektegi aimaqtyq basylymdarda bolmasa, kóp jazyla qoyghan joq. Shyndyghynda, Mәshhýrdi kezinde halyqqa sonsha tanymal etken aqyndyq, ghúlamalyghynan basqa, osy әuliyeligi, elden erek qasiyeti ekeni dausyz.

Mәshhýr-Jýsipting kózi tiri­sinde jasaghan talay keremetterin aitpaghanda, onyng eshqanday balizamdausyz, túzgha salynbay-aq, 21 jyl beti ashyq qabirde eshbir býlinbesten jatqanyn bireu bilse, bireu bilmeydi!

Ózining ómirden óter mezgilin aldyn ala boljaghan Mәshekeng jaryqtyq: "73-ke kelgenshe baltalasang da ólmeymin, 73-ke kelgen song maygha bóleseng de, odan әri ómir sýrmeymin!" - deydi eken.

Búl jaydan-jay aitylmaghan. Bes jasynda-aq әkesi Kópey sopy din jolyna baghyttaghan Mәsh­hýrding bar sanaly ghúmyry islamnyng iygi jolynan aumay, oqu-bilim izdeumen, shygharmashylyqpen ótken. Jas uaghynda eldegi Bayjan molla, Nәjmeddin haziret, Qamareddin ahon sekildi adamdardan diny bilimin ashqan Mәshhýr kemeline kelgen shaghynda islam ilimining ordasy Ortalyq Aziyagha baryp, Tashkent, Búhara sekildi jerlerde dәris alady.

"Mәshhýrden kele jatyr óner qaynap,

Búlbúlday qapastaghy túrghan sayrap.

Samarqan, Búqar, Tashkent bәrin kezgen,

Jasynda bir kem otyz tәnirim aidap", - deydi ózi búl sapary jóninde.

Osy Búhara shaharynda oqyp jýrgen Mәshhýr babamyz birde júma namazynan kele jatsa, ýstinde qara shapany, qolynda asa tayaghy bar aqsaqal adam aldyn kes-kestey beredi. Ýlken kisi ghoy, jolyn kespeyin dep, Mәshekeng bógelip, qol qusyryp sәlem beredi. Álgi aqsaqal sәlem alarda qolyndaghy asa tayaghyn jerge shansha salady. Basynda temiri joq janaghy tayaq jerge qadala kirip, dirildep túra qalsa kerek. Kenet tayaghyn qaytadan qolgha alghan qariya Mәshhýrdi ýsh ainalyp, o jer, bú jerinen tayaghymen týrtkilep, "jetpis eki, jetpis ýsh" dep keri ainalyp jýre beredi. An-tang bolghan Mәshekeng myna kisi maghan 72-73 saghatta ólesing dep ketti me dep airan-asyr bolady. Ýige kelip úiqygha jatqan son, týsine aruaqtar kirip, mazasyn alyp shyghady. Sóitip, shaldyng aitqan 72-73 saghatynan aman-sau ótedi. Endi 72-73 kýnde dәmim tausyla ma dep, kýn sanaugha ainalady. Búdan da sau-salamat ótkesin, ghúmyrynyng 73 jyl bolaryna senedi.

Mәshhýr-Jýsipke erekshe qasiyet qonuyna baylanysty mynaday taghy bir әngime bar. Búharada shәkirt bolyp jýrgen kezi eken. Birde monsha izdep kóshege shyqsa, aldynan bir aqsaqal adam kez bolyp:

- Jýr, balam, myna jerde monsha bar, - dep bastay jóneledi. Sәl jýrgen song shaghyndau, kózge qorash bir monshagha әkelip kirgizip, Mәshkendi sheshindirip, arqa-basyn ysyp, kәdimgidey juyndyrady.

«E, osyndaydy kәsip etip jýr­gen­ bir­ mýsәpir eken ghoy» dep oilaghan Mәshhýr atamyz qyzmeti ýshin dep shalgha aqsha úsynsa, ol almaydy. Ishinen: "Apyrmay, shayhy adam eken ghoy" dep oilaghan Mәshkeng raqmetin aityp, sәl bylay úzay bere, artyna qarasa, monsha da, janaghy shal da joq. Búnyng ne keremet ekenin týsine almaghan ol erteninde medresedegi ústazyna bayan etedi. Ol quana tyndap: "Balam, qúday jarylqaghan eken, sening barghanyng Qoja Bahaueddinning monshasynyng orny edi. Saghan nazary týsip, shomyl­dyr­ghan ózi bolar, sirә. Endi saghan qasiyet qondy, auzynnan shyqqan sózding bәri lepes, qabyl bolady!" - dep, qolyn jayyp, batasyn beripti.

Kezinde qazaq dalasyn barynsha aralap, Ortalyq Aziya elderine birneshe mәrte saparlap barghan Mәshhýr-Jýsip babamyzdyng bar ghúmyry shygharmashylyqqa baghyshtalghan dedik. Sonday-aq, tirisinde әulie atanyp, halyq pir tútyp, jalghyz auyz sózin jerge tas­tamaghan erekshe qasiyet iyesi bol­ghan. Onyng osynday әuliyeligi men kóripkeldigi, basqaday erekshe qasiyetteri jóninde adam nanghysyz talay-talay әngimeler bar. Olardyng barlyghyn búl jerde keltiruge maqalanyng kólemi kótermeydi. Eger qyzyghushylyq tanytqan oqyrmandar bolsa, aldaghy uaqytta jalpy júrtshylyqtyng nazaryna úsynugha bolar edi.

Bayanauyl-Qyzyltau tóniregin­degi Qúlboldy-Kýlik­terden shyqqan, Abylay zamanynda jasaghan Janaq әulie Janabatyrúly jayly biz ótkende jazghan bolatynbyz. Zamanynda "Qaharly Janaq", "Doghal oq Janaq" atanyp, qasiyet­ daryghan búl kisining "Attym!" degeni adam bolsyn, mal bolsyn múrttay úshyp, óledi eken. 1914 jyly Mәshhýr-Jýsip Sileti bo­yynda jerlengen Janaq әuliyening ziratyn әdeyi izdep baryp, basyna týnep, osy "doghal oghyn" alyp qaytady. Keyin búnday qasiyet Mәshekene de qonyp, el ishinde basbúzarlyq jasaghan birer adamgha ony qoldanghan da eken.

Endi jogharyda aitylghan jaghdaygha oralsaq, Mәshekeng jasy 73-ke jetken son, Eskeldi degen qystaudaghy qazir ózining kesenesi túrghan tóbening basyn tandap, sol jerden qabirin qazdyryp, ýstinen qos bólmeli ýy saldyrady. Áuliye­ning nemeresi, marqúm Sýiindik Sharapiydenúlynyng ertede jazylghan bir esteliginde búl jóninde bylay delinipti: "Jatar ornyn (qabirin) ýlken kelini Zeynepting inisi Dúsjangha qazdyryp, ózi ýnemi qasynda otyryp, dúgha jasap, enin, úzyndyghyn, biyiktigin eki jarym kez qylyp aldyrady. Ol bitkesin әli de kónili tolmaghanday, taghy biraz terendetu keregin aitady. Biraz qazghan son, kýrek-qayla bir aq kýlgin týsti jalpaq tasqa tireledi. Dúsjan:

- Molleke, myna jalpaq tasty bólektep uaqtayyn ba? - dep súraydy.

- Joq, Dúsjan, mening de kýt­kenim sol edi, qiratpay tútas al, - dep, taghy bir dúgha oqidy. Keyin biyiktigi bir jarym, eni bir kezge juyq, qalyndyghy 20-30 sm. osy tasqa aty-jónin jazdyryp, basyna belgi etip qoyghyzady.

Salynghan zirat ýiding tórgi bólmesindegi qabirge ózin ashyq qongdy ósiyet etedi.

Auyzghy bólmege ózining kýn­delikti paydalanatyn kitap-qúrandaryn, ydys-ayaq, er-túrman, nasybay ýkkish, t.b. zattaryn qoyghyzady. Jәne nasybay shaqshasynda әrdayym nasybay boluyn da tapsyrady.

- Qysy bar, jazy bar, әri-beri ótken jolaushylar týner bolsa, barlyq mýlkimdi paydalansyn, biraq, juyp, tazalap, qaytadan ornyna qoyyp ketetin bolsyn. Qoryqpasyn, men kórden túryp, eshkimge bas salmaymyn.

Men ólgen son, 40 jylgha deyin denem búzylmaydy, tiri adam kózi kóredi. Tek jazdyng ystyq ailarynda aqyretimdi aiyrbastap otyryndar, qysta qajeti joq. Sonda kózdering jetedi", - dep ósiyet aitypty.

Shynynda da, ózi aitqanday, sonynan keybir adamdar әuliyening qabirine týskende, әrdayym bir hosh iyis anqyp túrady eken.

Sýiindik marqúm bylay depti:

- 1946 jyly Sәbit Múqanov kelip, qabirding ishine týsken edi. 1950 jyly ózim de týsip, denesin sipaghan edim, sonda jadaghay jerde jatsa da, birtýrli hosh iyis shyghyp túrdy. Eshbir qúrt-qúmyrs­qa, kórdi jaylap alatyn sasyq kýzen, tyshqannyng izi bilinbedi.

Áulie Mәshhýr tirisinde ózining janaza dúghasyn da oqytady.

- Qúday alam dep otyr, Shәrәpiyden men Zeynep bermeymin dep otyr. Kópeyúly Jýsipke qúday raqmet ailasyn! - dep saq-saq kýledi eken jaryqtyq.

- Men ólgen song kelip, bata jasamaq týgili, әrkim óz bas qayghysymen ketetin "túrymtay túsyna" degen zaman bolady. Ony men kórmeymin, sender kóresinder, kóresinder de, kónesinder, - deydi eken.

Sonynan Mәshekenning aitqanynday, 31-32-ning asharshylyghy, 35-37-ning qughyn-sýrgini kelip, arty Ekinshi dýniyejýzilik soghysqa úlasqanyn bilemiz.

Sóitip, Mәshhýr әulie 1931 jyly kýzde mýritterin bir apta búryn shaqyrtyp alyp, әngime-dýken qúryp otyryp, auyrmay-syrqamay dýniyeden ótedi.

Ol kez eki adam birin-biri jau sanaghan, kenes biyligining naghyz qaharyna minip túrghan shaghy. Ólgen adamnyng ashyq qabirde jatuy, onyng talay jyl boyyna eshbir býlinbeui, halyqtyng Mәsh­hýr ruhyna degen erekshe yqylas-qúrmeti qyzyl belsen­dilerding mazasyn almay qoymasy belgili. Aqyry 1952 jyly Bayanauyl audandyq partiya komiytetining birinshi hatshysy Makiyn degen adamnyng núsqauymen Mәshhýr-Jýsipting ziraty qúlatylyp, jermen-jeksen etiledi. (El adamdarynyng aituynsha, ziratty búzdyrghan hatshy da, ony búzghan adamdar da sonynan qarghysqa úshyrap, onbay ketse kerek).

Býginde Mәshekeng esimi qaytadan әspettelip, әdeby múrasy zerttelip, zerdelenip jatqanymen, ol barlyq júmbaghyn ózimen birge ala ketti. Tirligindegi әuliyelik, kóripkeldik qasiyetterin aitpaghanda, qalaysha eshbir býlinbesten 21 jyl beti ashyq qabirde jatty? Eger ziraty búzylyp, qiratylmaghanda, әli de neshe jyl jatar edi? Jәne qabirin qazdyru ýshin basqa jer emes, Eskeldidegi atalmysh tóbening basyn tandauyna ne sebep?

Eger әli kýnge deyin qabirining beti ashyq jatqanda, Mәshhýr-Jýsip júmbaghy sheshiler me edi?

Tipti keyde qabirin qazyp kórse, qanday kýide eken degen pendelik oigha da berilesin.

Biraq barlyghy da Jaratushynyng biyligindegi sharua. Degenmen, qazirgi aqparattyq tehnologiyanyng dәuirlep túrghan shaghynda, Aziya qúrlyghynda dәl osynday qasiyetke ie bolghan jalghyz Hambo-Lama Itigelov qana emes, dәl sol uaqytta qazaq jerinde Mәshhýr-Jýsip Kópeyúly degen әulie bolghan dep Resey BAQ-taryna eki auyz sóz jariyalau oiymyzgha kelmey jýr.

«JasAlash» gazeti. Týpnúsqadaghy taqyryp: «Hambo-Lamanyng qúpiyasyna tanday qaqqandar Mәshhýr-Jýsipting júmbaghyn bile me eken?»