Jeksenbi, 26 Qañtar 2020
1502 0 pikir 7 Tamız, 2017 sağat 09:37

Käris şirkeuiniñ pastorı ekstremizm üşin sottaldı

Hudjand qalası sotı "Sonmin Sonbogım" hristian şirkeuiniñ pastorın ekstremizm ayıbı üşin üş jılğa sottadı. Sot ükimi biıl şilde ayınıñ soñında şıqqan.

42 jastağı Bahrom Holmatov biıl 10 säuirde Hudjand qalasında käristerdiñ protestanttıq şirkeuin tekseruden soñ wstaldı. Sol kezde qwqıqqorğau mekemesi er kisini ekstremizmge qatısı bar degen küdikpen wstağanın habarlağan.

Hristian şirkeuiniñ veb-saytında keltirilgen derek boyınşa, 10 säuirde qauipsizdik organınıñ qızmetkerleri şirkeuge basa-köktep kirip kelip, keluşilerdi negizsiz wstay bastağan. Şirkeuden jäne keluşilerdiñ biri Bahrom Holmotovtıñ üyinen dini ädebiet tabılğan, sarapşılar onıñ "ekstremistik mazmwnı bar" dep tanığan.

Sot ökilderimen jäne sottaluşınıñ tuıstarımen habarlasu mümkin bolmadı. Bwnıñ aldında "Forum-18" saytı Holmatov tuıstarı sot isine qatıstı pikir bildirgisi kelmeytinin jazğan. Şirkeuge keluşiler de quğındaludan qorqıp otır.

Täjikstan biliginiñ mälimeti boyınşa, "Sonmin Sonbogım" hristian şirkeuiniñ resmi tirkeui joq, sol sebepti onıñ el aumağındağı qızmeti zañsız sanaladı. Degenmen käris şirkeuiniñ saytında "Sonmin Sonbogım" ortalığı 2009 jılı Täjikstannıñ Din isteri jönindegi komitetinde tirkeuden ötkeni turalı jazılğan.

Abai.kz

0 pikir