Seysenbi, 25 Aqpan 2020
Anıq 3838 1 pikir 15 Qırküyek, 2017 sağat 17:01

Türik mwğalimderiniñ qudalanuı. Prezident Nazarbaevtıñ jauabı

Qazaqstandağı türik mwğalimderdiñ Türkiya biligi tarapınan qudalanuı turalı birneşe maqala jazdı. Oğan bastı sebep sayasi jüye men Türkiya Prezidenti Rejep Tayıp Erdoğan men AQŞ-ta twratın din uağızdauşısı Fethullah Gülenniñ arasındağı ayqas edi.

Astanada BAQ ökilderimen kezdesken Prezident Nazarbaev elizdegi türik mwğalimderiniñ qılmısı joq bolsa, Türkiyağa qaytarılmaytının ayttı.

Qazaqstanda Prezident Nazarbaev pen Türkiyanıñ bwrınğı Prezidenti Twrğız Ozal mırzalar irgetasın qalağan qazaq-türik mektepteri küni büginge deyin jwmıs jasap keledi.

Al Türkiyanıñ qazirgi Prezidenti Erdoğan mırza Nwrswltan Nazarbaevpen bolğan är kezdesuinde qazaq-türik mektepterin jabudı, onda qızmet jasap jatqan türik mwğalimderin Türkiyağa qaytarudı swrap kelgen.

Erdoğan mırzanıñ  taqqan ayıbı – bwl mektepter AQŞ-ta twratın din uağızdauşısı Fethullah Gülenniñ dini ideologiyasına jwmıs jasap jatır degen jalañ söz edi.

Ayta ketu kerek, qazirgi tañda bwl bilim ordaları «BİLİM-INNOVACIYA» halıqaralıq qorına qaraydı.  Biz aytıp otırğan mektepter - 27 Bilim-innovaciya liceyleri (bwrınğı qazaq-türik liceyleri) men Jambıl ekonomika jäne aqparattıq tehnologiyalar kolledji jäne memlekettik emes Süleyman Demirel' atındağı universitet,  Almatı qalasında ornalasqan S.Demirel' atındağı kolledj.

Jalpı mektepterde 2016-2017 oqu jılında 9208 bala bilim alıp şıqtı. BIL oquşıları küni büginge deyin oblıstıq, respublikalıq jäne halıqaralıq bilim olimpiadalarınan 17 720 medal' aldı. Sonıñ işinde 3420-sı halıqaralıq bilim olimpiadalarında jetken jetistigimiz.

Bwl osı uaqıtqa deyingi licey tülekteriniñ jalpı sanına şaqqanda är 3 tülekke 2 medal'den ülesedi degen söz.

Eñ alğaş liceyler aşılğanda onda tärbieşilik jasaytın jäne ağılşın tilinde sabaq beretin mwğalimderdiñ 100 payızı türik azamattarı bolğan.  «BİLİM-INNOVACIYA» halıqaralıq qorı basşısı Darhan Öte mırzanıñ derekterine süyensek, qazirgi tañda elimiz boyınşa atalğan liceylerde jwmıs jasaytın türik mwğalimderiniñ sanı 120.  Olar Türkiya azamattarı. Bwl barlıq wstazdardıñ 8 payızın qwraydı degen söz.

Qazaq-türik liceylerinde jwmıs jasap jürgen türik azamattarınıñ barlığı derlik qazaq tilin jetik meñgergen. Soñğı sayasi jağaylarğa baylanıstı 28 türik mwğalimi Qazaqstannan ketuge tura kelgen.

Solardıñ biri Bayram Kendji mırza. Türkiya azamatı. Biz bügin Bayram Kendji turalı jazamız.

1996 jıldan beri Qazaqstanda mwğalim bolıp qızmet jasadı. 1996-1997 jıldarı Qostanayda, 1997-2002 jıldarı Qarağandıda jwmıs istegen jıldarı oquşıları ğılımi jobalar men pän olimpiadalarınan oblısta 56, respublikada 23, düniejüzilik bilim olimpiadalarında 7 medal' wtıp alğan.

2003 jıldan bastap «BİLİM-INNOVACIYA» qorında jauaptı maman bolıp qızmet jasağan. Bayram mırzanıñ jetekşiligimen älemniñ tükpir-tükpirinde ötken bilim olimpiadalarında 1000-nan astam medal' qazaqstandıq oquşılardıñ, qazaq oquşılarınıñ moynına tağıldı.

2005-2017 jıldar aralığında biologiya päni boyınşa ağılşın tilinde 13 oqu-ädistemelik jazdı.

Osı jılı QR Bilim jäne ğılım ministrliginiñ tapsırmasımen Qazaqstannıñ barlıq mektepterine arnalğan ağılşın tilindegi 8-sınıptıñ biologiya oqulığınıñ negizgi avtorı.

Ötken jılğı Türkiyadağı bolmay qalğan «töñkeristen» keyin Erdoğan men Gülen arasındağı ayqas uşığa tüsti. Nätijesinde köptegen memleketterde türik mektepteri jabılıp, ondağı oqıtuşılar (türik azamattarı) qudalandı. Türkiyağa oralğandarı jazalanıp, qalğandarı basqa elderge bas sauğalap ketti.

Bwl mäsele Qazaqstandağı qazaq-türik mektepterin de aynalıp ötken joq. Türkiyanıñ qazirgi basşısı Rejep Tayıp Erdoğan mırzanıñ qalauımen eldegi türik azamattarı Türkiyağa qaytarılıp jatır. Olardıñ keybiri özge memleketterge ketuge mäjbür boluda.

Nwrgeldi Äbdiğaniwlı

Abai.kz

1 pikir