Júma, 1 Shilde 2022
3616 2 pikir 16 Qyrkýiek, 2017 saghat 21:21

Ashhabad alanynda qazaq kýresi nasihattalady

17 Qyrkýiekte Týrkimenstannyn  astanasy Ashhabad qalasynda jabyq keshende ótetin   5-jazghy Aziya oiyndary týnligin týredi. On kýnge juyqtayyn Aziya oiyndaryna  әlemning 62 memleketinen sportshylar jinalady. Búl dodagha  Aziya qúrlyghynyng ghana emes, múhit aimaghyndaghy elder de sportshylaryn qatystyrady.  Týrkimen jerindegi aituly doda kezinde últtyq sportymyz – qazaq kýresi nasihattalmaq. Yaghny Ashhabadtaghy alamanda birneshe elding baluandary qazaq kýresinen de syngha týsedi.

Búl elimiz ýshin ýlken mәrtebe. Aqjoltay janalyqty jurnalistermen bólisken Dýniyejýzilik qazaq kýresi qauymdastyghynyng birinshi viyse-preziydenti Serik Týkeev Aziya oiyndary kezinde qazaq kýresinen 3 salmaq dәrejesinde beldesuler ótetinin jetkizdi. "Biz osydan bir mýshel uaqyt búryn yaghny 2004 jyly Germaniyanyng Berlin qalasynda ótken dýniyejýzi qazaqtarynyng qúryltayy kezinde dýniyejýzilik qazaq kýresi qauymdastyghyn qúrghanbyz. Sondaghy basty maqsatymyz – qazaq kýresin Olimpiada oiyndarynyng baghdarlamasyna engizu. Osy mejege jetu jolynda qyruar júmys atqaryldy. Qazaq kýresinen Aziya chempionaty 11 mәrte ótkizildi, Europa birinshiligin de birneshe elde ótkizdik. Álem chempionaty alty ret úiymdastyryldy. Afrika chempionaty da joghary dengeyde ótti. Jastar men jasóspirimder arasynda әlem birinshiligi ótkizildi.  Qazaq kýresinin, últtyq sportymyzdyng janashyr azamattarynyng arqasynda, solardyng iygi josparymyzdy qoldap, demeuining nәtiyjesinde osynday jarystardy úiymdastyrdyq.

Ashhabadta ótetin jabyq keshendegi Aziya oiyndarynyng baghdarlamysna qazaq kýresining engizilui elimiz ýshin de  zor jetistik" dedi Serik Adamúly.

Týrkimen jerine jýrer aldynda jurnalistermen jýzdesuge Serik Týkeevten ózge professorlar Janpeyis Qobylanov, qazaq kýresining janashyry, Áziz Tastanbekov te qatysyp, qazaq kýresin әlemge damytu jolynda ne isteu kerek, qanday sharualardy jýzege asyru qajet, nasihattaudyng qanday tәsili tiyimdi? degen saualdargha jauap berdi.

Qazaq kýresin japonnyng dzudosy sekildi olimpiada oiyndarynyng baghdarlamasyna engizu ýshin atqarar sharua qyruar, arqalar jýk óte auyr. Dýniyejýzilik qazaq kýresi qauymdastyghy 2004 jyldan beri qaray әlemning 50-qa juyq elinde qazaq kýresining federasiyalaryn ashyp, sol elderde nasihattaluyna kýsh salyp keledi. Júmys ýderisi osy qarqynynan taymasa aldaghy uaqytta qazaq kýresi de Oimpiada oiyndarynyng baghdarlamasyna engizilui әbden mýmkin. Layym solay bolghay.

Ashhabadtaghy 5-jazghy Aziya oiyndarynda qazaq kýresinen baluandar ýsh salmaqta syngha týsedi. Elimizding namysyn 70 kelide  Qasymhan, 90 kelide Ádiljan Ystybaev, 90 keliden auyr salmaq dәrejesinde Aybek Núghymarov kýreske týsedi.

Quan Úpan

Abai.kz

2 pikir

Ýzdik materialdar

Aqmyltyq

«Qiyalshyldar kluby»

Ámirjan Qosan 378
Anyq-qanyghy

Kimning kim ekenin bile jýrsin dep...

Auyt Múqiybek 306