Senbi, 21 Qırküyek 2019
Bizdiñ şeneunik 2998 9 pikir 6 Qazan, 2017 sağat 12:44

Qostanayda Qızıl alañ boladı

 

Qostanay jwrtı keyingi kezde «qalamız Mäskeuge wqsaytın boladı» dep quanıp, qalpaqtarın aspanğa atıp jür. Mäskeu degeni, ärine, artıqtau yağni tım äsireleu bolar, alayda kelesi jılı şahardıñ qaq ortasında körşimizdikinen eşbir kem emes Qızıl alañ boy kötermek. Bwl habardı jaqında ğana oblıs äkimi Arhimed Mwqambetovtıñ öz auzınan estip, töbemiz kökke eki eli jetpey qaldı. «Qala ortalığındağı brusçatkalar äbden eskergen, onıñ ornına qızılın salıp, nağız Qızıl alañğa aynaldıramız» dep  saltanattı türde uädesin berdi äkim. Bizdiñ äkimniñ qaşanda öz sözine berik ekendigin eskersek, kelesi jılı, anau-mınau emes, qwnı 430 million teñge twratın  sol Qızıl alañda armansız bir qıdıratın bolamız. Al eger sonıñ bir bwrışına Kreml'diñ şağındau türi men «kün kösem» jatqan keseneni ornatsaq, tipti qatıp keter edi. Sonda bir Qızıl alañnıñ jay ğana köşirmesin emes, nağız özinde jürgendey sezinip, mereyimiz bir ösip qalar ma edi... Sosın keleşek jastarımız da körşimizdiñ tarihına süysinip, nağız internacionalist bolıp össe, keybireulerdiñ asıl armanı orındalıp ta qalar  bälkim...

Jalpı körşimizge közsiz eliktep, solardağı jaqsı men jamandı talğamsız qabılday berude tek qostanaylıqtardı ğana kinälau şındıqqa qiyanat bolar. Özgesin bılay qoyğanda, Almatıda Jibek jolın sol jerde qıdırıp jürgen jastar ğana emes, bılayğı jwrttıñ da «bizdiñ Arbat» degenin talay estigenimiz bar. Demek, elikteu men solıqtau köpşiligimizdiñ boyımızğa siñip ketken sırqat bolsa kerek.

Jaybergen Bolatov

Qostanay

Abai.kz

9 pikir