Elimizding Energetika ministrligi EXPO 2017 kórmesinde úsynylghan energetika salasynda jýzege asyrylatyn jobalardy irikteudi ayaqtaugha jaqyn, - dep habarlaydy Abai.kz aqparattyq portaly.

Búl turaly energetika viyse-ministri Maghzúm Myrzaghaliyev Qazaqstan Ýkimetining Baspasóz ortalyghynda ótken brifing barysynda jariyalady.

«EXPO kórmesinde úsynylghan sheteldik jetekshi tehnologiyalardy elimizding ekonomikasyna engizu óte manyzdy. Qazirgi uaqytta ministrlik osy saualdy pysyqtauda. Biz «Qazmúnaygaz», «Qaztransgaz», KEGOC sekildi últtyq kompaniyalardyng 40 astam jetekshi sarapshysynan, sonday-aq energetikanyng әrtýrli sektorlarynyng sarapshy-taldaushylarynan, ministrlik pen vedomstvolyq baghynyshty qúrylymdardyng ókilderinen túratyn saraptaushy júmys tobyn qúrdyq», - dedi M.Myrzaghaliyev.

Júmys tobynyng ókilderi EXPO 2017 halyqaralyq paviliondary úsynghan jana tehnologiyalardyng saraptamasyn ótkizdi. Onyng nәtiyjesinde Avstriya, Germaniya, Niyderland, Resey, Finlyandiya sekildi elderding 105 tehnologiyasy kirgen tizim jasaldy.

«Tehnologiyalar tórt baghytqa bólindi: múnay jәne gaz, kómir jәne atom ónerkәsibi, elektr energetikasy, JEK jәne energiyany ýnemdeu, ekologiya, sonyng ishinde qaldyqtardy basqaru, su tazartu, auanyng sapasyn qadaghalau», - dep kórsetti viyse-ministr.

Sarapshylardyng iriktep alghan jobalary arasynda elektr jelileri men EBJ shyghyndaryn azaytugha baghyttalghan Smart Greed nemis tehnologiyasy bar.

«Jelilerimizding arhiytekturasy men ýlken qashyqtardy eskersek, búl qazaqstandyq elektr energetikalyq jýiesi ýshin óte tiyimdi», - deydi energetika viyse-ministri.

Sarapshylar nazaryna jer asty sularynan jylu jәne elektr energiyasyn shygharu - geotermalidy kózderdi qoldanu tehnologiyasy ilikti.

«Halyqaralyq baghalau boyynsha, ýy sharuashylyqtary, fermerlik qojalyqtar, ónerkәsiptik nysandar men mekenderde qoldanugha bolatyn janghyrtylatyn energetikanyng osy týrinde Qazaqstannyng әleueti zor», - dep sanaydy Maghzúm Myrzaghaliyev.

Energiyany ýnemdeytin «Turbosfera» belarusi tehnologiyasy tabighy jәne ilespe gazdy elektr energiyasyna týrlendire otyryp, kәdege jaratugha mýmkindik beredi. Tehnologiya JES elektr energiyasyn tútynudy azaytugha kómektesetin múnay shygharatyn kompaniyalar ýshin demeu bermek.

Sarapshylar qashyrtqy sulardy auyzsu sapasyna jetkizuge mýmkindik berip, qaldyq qospalardyng kondensatyn AÓK tynaytqysh retinde qoldanugha jaghday jasaytyn fin tehnologiyasynyng nәtiyjeliligin rastady. Viyse-ministrding aituynsha, tehnologiyany qoldanu mýmkindikteri Qazaqstannyng qalalyq suarnasy mekemelerimen zerttelude.

«Kógildir kómir» polishalyq tehnologiyasy ziyandy zattardyng shygharylymyn 80 payyzgha tómendetip, kómir jaghudyng tiyimdiligin jogharylatugha múmkindik beredi. Qazaqstandaghy kómir generasiyasy 70 payyzdan astam ekendigi barshagha ayan. Sondyqtan qorshaghan ortagha ziyandy әserdi azaytu mәselesining ózektiligi joghary», - dep atap ótti energetika viyse-ministri.

Maghzúm Myrzaghaliyev habarlaghanday, «Qazgidromet» RMM mamandary ekologiyalyq baqylau jýrgizuding fin tehnologiyasyn synqtan ótkizuge kiristi. EXPO 2017 pavilionynda tanystyrylghan ekologiyalyq baqylau boyynsha innovasiyalyq stansiya Astanala ornatyldy. Stansiya elordanyng atmosferalyq auasynyng qúramyn baqylap, azot dioksiydi, kómirtek oksiydi, kýkirt dioksiydi, ozon, RM-2,5 jәne RM-10 ólshengen bólshekteri sekildi zattardyng qúramyn tirkeydi.

«Men ónerkәsiptik kәsiporyndar júmysyna, jalpy Qazaqstannyng ekonomikasyna ong әser bere alatyn EXPO-2017 kórmesinde tandalghan tehnologiyalardyng qoldanbaly ekendigin kórsetetin birneshe mysalyn keltirdim», - dep kórsetti Maghzúm Myrzaghaliyev.

105 tehnologiyanyng ishinen 45-i toghyz otandyq kompaniyanyng týbegeyli zertteuinde. 14 tehnologiyany 2 uniyversiytet, al 12 jobany eki әkimdik pysyqtauda.

Alayda viyse-ministr BAQ ókilderin artyq eyforiyagha beriluden saqtandyryp, tehnologiyany irikteuden ony jýzege asyrugha deyingi joldyng qashyq ekendigin bildirdi. Sonymen qatar kez kelgen tehnologiyany iske asyru qosymsha resurstardy qajet etedi.

«Sonymen birge, ong әser ekonomikalyq, ekologiyalyq, әleumettik túrghydan da zor boluy mýmkin», - deydi Maghzúm Myrzaghaliyev.

Ayta keteyik, Astanadaghy kórmeni 2 million turist tamashalaydy dep topshylaghan. Biyl 4 million turistti qonaq etti. Kórme paviliondaryn úzyn-yrghasy 30 million adam kirip kórgen.

Abai.kz