Seysenbi, 2 Mausım 2020
COVID-19 QAZAQSTANDA. Jwqtırğandar — 11571. Jazılğandar — 5757. Qaytıs bolğandar — 41
Ekonomika 1434 0 pikir 15 Qaraşa, 2017 sağat 13:28

Elordalıq affinaj zauıtı Good Delivery märtebesin aladı

Zauıt Good Delivery alu üşin birjanıñ birqatar qajetti talaptarın orındap ülgerdi.

Astanadağı affinaj zauıtı London metall birjasınıñ osı märtebesine 2018 jıldıñ soñına deyin ie boluğa nietti. Ömirzaq Şökeevtiñ «Samwrıq-Qazına» kompaniyalar tobınıñ jas qızmetkerlerimen ötkizgen kezdesui barısında «Tau-Ken Altın» kompaniyasınıñ basşısı Meyramğali Tileujanov osınday aqparat berdi.

«Osı jıldıñ qazan ayında bizdiñ tehnologtar wjımı London qor birjasında esep berdi. Birja bizdiñ ötinimimizdi qabıldap, zauıtqa arnayı sarapşılar bekitti. Qazir zauıtta sarapşılar jwmıs jürgizude; bizdiñ zerthanamız, tehnologiyalıq procesterimiz jäne eñ bastısı - adamdardıñ biliktiligi tekserilude. Bwl sertifikatqa 2018 jıldıñ soñına deyin qol jetkizuge men de ümitimin, bizdiñ wjım da bar küş-jigerin saluda», - dedi Meyramğali Tileujanov.

Onıñ aytuınşa, zauıt Good Delivery alu üşin birjanıñ birqatar qajetti talaptarın orındap ülgerdi.

«Biz London birjasınıñ alğaşqı şarttarın orındadıq - Good Delivery alu üşin ötinim bermes bwrın soñğı üş jıl işinde ärbir käsiporın jılına 10 tonna önim şığaruı kerek. Biz bwl talaptı orındadıq. Altın joğarı sapalı - biz aytatınday «9999» boluı mindetti, bizdiñ zauıt bwl tapsırmanı da orındadı. Zauıt qatañ geometriyalıq parametrlerdi saqtauı tiis, zauıttıñ jetkilikti jarğılıq kapitalı da boluı kerek. Bizdiñ zauıt bwl talaptardıñ barlığın orındadı», - dep atap öti M.Tileujanov.

Eske sala keteyik, «Samwrıq-Qazına» Wlttıq äl-auqat qorı AQ qwramına kiretin «Tau-Ken Samwrıq» wlttıq tau-ken kompaniyası AQ 2013 jıldıñ jeltoqsanında qwnı 4,5 mlrd. teñge twratın affinaj zauıtın iske qostı. Käsiporınnıñ jobalıq quatı - jılına 25 tonna altın jäne 50 tonna kümis. Altın öñdeu quattarın jılına 70-75 tonnağa deyin arttıru josparlanıp otır.

Abay-aqparat

0 pikir