دۇيسەنبى, 10 تامىز 2020
COVID-19 قازاقستاندا. جۇقتىرعاندار — 99442. جازىلعاندار — 72523. قايتىس بولعاندار — 1058
ەكونوميكا 1556 0 پىكىر 15 قاراشا, 2017 ساعات 13:28

ەلوردالىق اففيناج زاۋىتى Good Delivery مارتەبەسىن الادى

زاۋىت Good Delivery الۋ ءۇشىن بيرجانىڭ بىرقاتار قاجەتتى تالاپتارىن ورىنداپ ۇلگەردى.

استاناداعى اففيناج زاۋىتى لوندون مەتالل بيرجاسىنىڭ وسى مارتەبەسىنە 2018 جىلدىڭ سوڭىنا دەيىن يە بولۋعا نيەتتى. ومىرزاق شوكەەۆتىڭ «سامۇرىق-قازىنا» كومپانيالار توبىنىڭ جاس قىزمەتكەرلەرىمەن وتكىزگەن كەزدەسۋى بارىسىندا «تاۋ-كەن التىن» كومپانياسىنىڭ باسشىسى مەيرامعالي تىلەۋجانوۆ وسىنداي اقپارات بەردى.

«وسى جىلدىڭ قازان ايىندا ءبىزدىڭ تەحنولوگتار ۇجىمى لوندون قور بيرجاسىندا ەسەپ بەردى. بيرجا ءبىزدىڭ ءوتىنىمىمىزدى قابىلداپ، زاۋىتقا ارنايى ساراپشىلار بەكىتتى. قازىر زاۋىتتا ساراپشىلار جۇمىس جۇرگىزۋدە; ءبىزدىڭ زەرتحانامىز، تەحنولوگيالىق پروتسەستەرىمىز جانە ەڭ باستىسى - ادامداردىڭ بىلىكتىلىگى تەكسەرىلۋدە. بۇل سەرتيفيكاتقا 2018 جىلدىڭ سوڭىنا دەيىن قول جەتكىزۋگە مەن دە ءۇمىتىمىن، ءبىزدىڭ ۇجىم دا بار كۇش-جىگەرىن سالۋدا»، - دەدى مەيرامعالي تىلەۋجانوۆ.

ونىڭ ايتۋىنشا، زاۋىت Good Delivery الۋ ءۇشىن بيرجانىڭ بىرقاتار قاجەتتى تالاپتارىن ورىنداپ ۇلگەردى.

«ءبىز لوندون بيرجاسىنىڭ العاشقى شارتتارىن ورىندادىق - Good Delivery الۋ ءۇشىن ءوتىنىم بەرمەس بۇرىن سوڭعى ءۇش جىل ىشىندە ءاربىر كاسىپورىن جىلىنا 10 توننا ءونىم شىعارۋى كەرەك. ءبىز بۇل تالاپتى ورىندادىق. التىن جوعارى ساپالى - ءبىز ايتاتىنداي «9999» بولۋى مىندەتتى، ءبىزدىڭ زاۋىت بۇل تاپسىرمانى دا ورىندادى. زاۋىت قاتاڭ گەومەتريالىق پارامەترلەردى ساقتاۋى ءتيىس، زاۋىتتىڭ جەتكىلىكتى جارعىلىق كاپيتالى دا بولۋى كەرەك. ءبىزدىڭ زاۋىت بۇل تالاپتاردىڭ بارلىعىن ورىندادى»، - دەپ اتاپ ءوتى م.تىلەۋجانوۆ.

ەسكە سالا كەتەيىك، «سامۇرىق-قازىنا» ۇلتتىق ءال-اۋقات قورى اق قۇرامىنا كىرەتىن «تاۋ-كەن سامۇرىق» ۇلتتىق تاۋ-كەن كومپانياسى اق 2013 جىلدىڭ جەلتوقسانىندا قۇنى 4,5 ملرد. تەڭگە تۇراتىن اففيناج زاۋىتىن ىسكە قوستى. كاسىپورىننىڭ جوبالىق قۋاتى - جىلىنا 25 توننا التىن جانە 50 توننا كۇمىس. التىن وڭدەۋ قۋاتتارىن جىلىنا 70-75 تونناعا دەيىن ارتتىرۋ جوسپارلانىپ وتىر.

اباي-اقپارات

0 پىكىر