Keshe Industrializasiya kýnine oray ótken jiynda Elbasy qarjysyn shetelde ústaytyn kompaniyalardy synap, 18 otandyq kompaniyanyng 12,5 milliard dollardy shetelde ústap otyrghanyn, ol aqshany dereu elge qaytaru kerektigin aitty, - dep habarlaydy Abai.kz aqparattyq portaly.

Qazaqstan Preziydenti Núrsúltan Nazarbaev ýkimetke otandyq kompaniyalardyng qarjysyn shetelden qaytaru turaly tapsyrma bere otyryp:  "18 otandyq kompaniya 12,5 milliard dollardy shetelde ústap otyr. "Tenizshevroyl" - 4,5 milliard dollar. "QazMúnayGaz" - ýsh milliard dollar. "RD "QazMúnayGaz" - eki milliard dollar. "Aziyalyq gaz qúbyry" - milliard dollardan asa. "Beyneu - Shymkent" gaz qúbyry - 100 million. Osylay kete beredi", - dedi.

"Qazirgi kýni zandar qúbylyp túrghan kezde arghy jaqta ústaytyn aqshalarynyzdan aiyrylyp qalasyzdar. Sanksiya kezinde sizderge eshkim kómektespeytinin kórip otyrghan joqsyzdar ma. Aqshalarynyzdy qaytaryp, Qazaqstanda ústanyzdar. Qanday kepildik kerek - zanmen, jarlyqpen ba? Ony jasaymyn. Eger osyny oryndamasanyzdar, onda biz ózimiz kirisemiz, sosyn ókinip jýrmenizder" dedi Nazarbaev.

Nazarbaevtyng sózinshe, memleket qaramaghyndaghy kompaniyalar sheteldegi qarjy kólemin jarty jylda eki jýz millionnan alty milliard dollargha deyin arttyrghan.  "Ýkimetke aksioner retinde tapsyramyn. Sheshinizder, maghan bayandanyzdar. Árqaysymen sóilesemiz", - dedi preziydent premier-ministr Baqytjan Saghyntaevqa.

"Biz qarjylarynyzdy tartyp alamyz nemese birdene istep qoyamyz dedik pe? Eger qaytarmasanyzdar, eskerteyin, ózimiz ainalysamyz. Biraq ol kezde sizder bolmaysyzdar. Memleket osy qarjyny tabugha jaghday jasap otyr ghoy, al sizder Qazaqstan aqshasyn ýkimetten jasyryp otyrsyzdar ma? Jeter", - dep týiindedi Nazarbaev.

Abai.kz