Seysenbi, 26 Naurız 2019
Aytqış eken 3220 2 pikir 20 Jeltoqsan, 2017 sağat 13:48

"Toboldıñ tüski ası - 581 mıñ 022 teñge...

Bizdiñ Qostanayda «Tobol» degen futbol klubı bar. Dwrısı, «Tobıl» ğoy, ärine, alayda osındağı orısı bar, orıstanıp ketkenderi bar «Tobıl» dep aytsaq auzımız qisayıp ketkendey boladı» degen qırsıqtıqpen onı birjolata «Tobol» bolsın dep tastay bekitip qoydı. Qostanaydıñ orıstanıp ketken biliginiñ bwğan qarsı dau aytuğa därmeni de, batılı da jetpedi. Söytip qazaq tiliniñ aytıluı men jazılu zañdılığın belden bir basıp, mäz bolıp otırğan jayımız bar,

Jaraydı, osı «Toboldıñ» ayaq dop sportında erekşe şeberlik tanıtıp, ünemi jeñisti qoldan bermey, çempiondıqpen talasıp jürse, säl de bolsa renişimiz basılar ma edi, Ol qayta bizge eregiskendey birde jeñse, birde jeñilip, «şıqpa janım, şıqpanıñ» küyimen  qoñır tirşilik etip jatqan jayı bar. Soğan qaramastan özderi turalı pikiri keremet, keudesin nan pisken türi bayqaladı, Qarjılıq jağınan şalqıp ömir sürip jatqanda kimnen qısıla qoysın. Bwl komanda jıl sayın oblıs byudjetinen milliardtağan teñgeni qaltağa basıp jürse, onıñ üstine olarğa qatañ talap qoyıla bermese, bwlar tayrañdamağanda kim tayrañdaydı? Qwrıltayşısı bolıp sanalatın oblıs äkimi Arhimed Mwqanbetovtıñ mwnday wsaq-tüyek şarualarğa qolı da tie bermeytin bolar. Qanşa degenmen osı öñirdiñ bildey bir qojası emes pe. Osınday erkindik pen betine ketuşilikti äbden sezip, dandayısığanı sonşalıqtı osı elimizdiñ Täuelsizdigi merekesiniñ qarsañında «Tobol» klubı mausım ayaqtaldı degen sıltaumen adam aytqısız tüstik as berdi. Olay deytinimiz älgi tüstik as degenimizdiñ qwnı anau-mınau emes, jartı millionnan astam teñgege, naqtırıq aytqanda 581 mıñ 022 teñgege tüsken. Mine, osılayşa olar aydı aspanğa bir-aq şığarğan. Onıñ üstine bwl «şağın toy» memlekettik satıp alu turalı zañdı belşesinen  basa otırıp, kelisim-şarttı toy ötken soñ eki künnen keyin ğana jasalğan. Atalmış klubtıñ janküyerleri ğana emes, oblıstıñ bükil jwrtşılığı osınşama asta-tök astıñ aspanğan bağasınıñ tım ısırapşıllıq ekendigin aytıp şulap jatqanda, klub basşıları «mwnı biz öz qarjımızdıñ esebinen jasadıq» dep jaybaraqattıq tanıtatındığın qaytersiñ? Ädette qanday da şığın klub kelisim-şartınıñ belgili bir babına jatqızılıp, jwmsalatındığı belgili. Al bwl mırzalıq şarttağı «ökildik şığındarı» degen bapqa jatqızılıptı. Bwl da zañdı jalpağınan basu. Öytkeni mwnday «ökildik şığındar» (predstavitel'skie rashodı) as işip, ayaq bosatıp, toy toylauğa emes, klubqa paydasın tietin isterge ğana jwmsaluğa tiis. Onıñ üstine klubtı memleket qarjılandıratın bolğandıqtan  qanday da.şığın oğan ökildik jasaytın organmen kelise otırıp atqarıluı qajet. Bwl jerde onıñ qwrıltayşısı bolıp sanalatın oblıs äkiminiñ rwqsatı kerek. Tüski asqa aqşanı esepsiz jwmsağan asa mırza, Atımtay jomarttay klub esebinde Ginnestiñ rekordttar kitabına engizuge jarap qalatın bwl toyğa äkim rwqsat berdi me, bermedi me , onı bilmeymiz. Alayda bwl rekordttar kitabına ener bolsa elimizdiñ atı älemge jayılıp, şalqıp ömir süretin memleket retinde jaqsı tanılıp qalar ma edik, bälkim.

Jalpı osı ortañqol klubtıñ tım esirip ketip, aqşanı oñdı-soldı şaşuına ne sebep bolıp otır degen swraqtıñ oyğa oraulı zañdı, Bizdiñşe, onıñ sebebi oğan naqtı baqılaudıñ müldem joqtığınan. Klubtıñ jıldıq byudjeti äskeri qwpiya esebinde müldem aytılmaydı, Jurnalister qanşa talaptanğanmen odan eş nätije şıqpadı. Beriletin jauap «bizdiñ byudjet özge klubtardıñ byudjetinen onşa köp emes» degen bala aytar şaldır-şatpağı. Osı jerde Mäjilis deputatı Mäulen Äşimbaevtıñ jaqında  ötken «Aşıq arna» qoğamdıq talqılau kezinde byudjetten qarjılandırılatın qanday da  mekeme, wyım nemese käsiporın bolsın ol aqşanıñ qayda jwmsalatındığın aşıq körsetilip otıruğa tiisti degen sözi eske tüsedi. Äy, bilmeymin oblıs äkiminiñ biligi jürmey otırğan «Toboldı» Mäjilis deputatınıñ wsınısı toqtata qoyar ma eken?

Aytpaqşı, bir jağınan ötirikşi bolmayıq, ekinşi jağınan oqırmandardıñ da täbetteri aşıla jürsin degen igi tilekpen osı maqalağa sol toydıñ dastarqan mäzirin wsınıp otırmız. Mümkin bwl özgelderge de ülgi bolar.

Otkrıvaem tehniçeskuyu specifikaciyu i natıkaemsya na… menyu. Pri pervom vzglyade na nego v pamyati vsplıvaet scena zastol'ya iz fil'ma «Ivan Vasil'eviç menyaet professiyu». Pravda, «ikrı zamorskoy baklajannoy» zdes' ne bılo, zato bıli 5 porciy beşbarmaka po 4,5 kg kajdaya (115 000 tenge), semga (110 000 tenge), salatı i proçaya gastronomiçeskaya meloç' na krupnıe summı. Tol'ko obslujivanie potyanulo na 62 250 tenge.

Osı mäzirdegi bizdiñ auzımızdıñ suın ağızğan bağası 115 mıñ teñge twratın ärqaysısı 4,5 kilogramm tartatın bes porciya et pen qwnı 110 mıñ teñge twratın qızıl balıqtan jasalğan salattar. Klub sonımen qatar tek qızmet körsetuşilerge ğana 62 mıñ 250 teñge tölegen. Toylasañ, osılay toyla!

Aytpaqşı qazaq atamız «Bireu toñıp sekiredi, bireu toyıp sekiredi» degen jaqsı bir naqıl bar. Şirkin-ay, deysiñ osındayda halıqtıñ aqşasınan jinalatın byudjetiñ mol aqşasınan jaqsılap twrıp toyıp sekirgenge, sosın ıqılıq atıp jaqsı kekirgenge, ne jetsin!

Jaybergen BOLATOV

Qostanay

Abai.kz

2 pikir