ءبىزدىڭ قوستانايدا «توبول» دەگەن فۋتبول كلۋبى بار. دۇرىسى، «توبىل» عوي، ارينە، الايدا وسىنداعى ورىسى بار، ورىستانىپ كەتكەندەرى بار «توبىل» دەپ ايتساق اۋزىمىز قيسايىپ كەتكەندەي بولادى» دەگەن قىرسىقتىقپەن ونى ءبىرجولاتا «توبول» بولسىن دەپ تاستاي بەكىتىپ قويدى. قوستانايدىڭ ورىستانىپ كەتكەن بيلىگىنىڭ بۇعان قارسى داۋ ايتۋعا دارمەنى دە، باتىلى دا جەتپەدى. ءسويتىپ قازاق ءتىلىنىڭ ايتىلۋى مەن جازىلۋ زاڭدىلىعىن بەلدەن ءبىر باسىپ، ءماز بولىپ وتىرعان جايىمىز بار،

جارايدى، وسى «توبولدىڭ» اياق دوپ سپورتىندا ەرەكشە شەبەرلىك تانىتىپ، ۇنەمى جەڭىستى قولدان بەرمەي، چەمپيوندىقپەن تالاسىپ جۇرسە، ءسال دە بولسا رەنىشىمىز باسىلار ما ەدى، ول قايتا بىزگە ەرەگىسكەندەي بىردە جەڭسە، بىردە جەڭىلىپ، «شىقپا جانىم، شىقپانىڭ» كۇيىمەن  قوڭىر تىرشىلىك ەتىپ جاتقان جايى بار. سوعان قاراماستان وزدەرى تۋرالى پىكىرى كەرەمەت، كەۋدەسىن نان پىسكەن ءتۇرى بايقالادى، قارجىلىق جاعىنان شالقىپ ءومىر ءسۇرىپ جاتقاندا كىمنەن قىسىلا قويسىن. بۇل كوماندا جىل سايىن وبلىس بيۋدجەتىنەن ميللياردتاعان تەڭگەنى قالتاعا باسىپ جۇرسە، ونىڭ ۇستىنە ولارعا قاتاڭ تالاپ قويىلا بەرمەسە، بۇلار تايراڭداماعاندا كىم تايراڭدايدى؟ قۇرىلتايشىسى بولىپ سانالاتىن وبلىس اكىمى ارحيمەد مۇقانبەتوۆتىڭ مۇنداي ۇساق-تۇيەك شارۋالارعا قولى دا تيە بەرمەيتىن بولار. قانشا دەگەنمەن وسى ءوڭىردىڭ بىلدەي ءبىر قوجاسى ەمەس پە. وسىنداي ەركىندىك پەن بەتىنە كەتۋشىلىكتى ابدەن سەزىپ، داندايىسىعانى سونشالىقتى وسى ەلىمىزدىڭ تاۋەلسىزدىگى مەرەكەسىنىڭ قارساڭىندا «توبول» كلۋبى ماۋسىم اياقتالدى دەگەن سىلتاۋمەن ادام ايتقىسىز تۇستىك اس بەردى. ولاي دەيتىنىمىز الگى تۇستىك اس دەگەنىمىزدىڭ قۇنى اناۋ-مىناۋ ەمەس، جارتى ميلليوننان استام تەڭگەگە، ناقتىرىق ايتقاندا 581 مىڭ 022 تەڭگەگە تۇسكەن. مىنە، وسىلايشا ولار ايدى اسپانعا ءبىر-اق شىعارعان. ونىڭ ۇستىنە بۇل «شاعىن توي» مەملەكەتتىك ساتىپ الۋ تۋرالى زاڭدى بەلشەسىنەن  باسا وتىرىپ، كەلىسىم-شارتتى توي وتكەن سوڭ ەكى كۇننەن كەيىن عانا جاسالعان. اتالمىش كلۋبتىڭ جانكۇيەرلەرى عانا ەمەس، وبلىستىڭ بۇكىل جۇرتشىلىعى وسىنشاما استا-توك استىڭ اسپانعان باعاسىنىڭ تىم ىسىراپشىللىق ەكەندىگىن ايتىپ شۋلاپ جاتقاندا، كلۋب باسشىلارى «مۇنى ءبىز ءوز قارجىمىزدىڭ ەسەبىنەن جاسادىق» دەپ جايباراقاتتىق تانىتاتىندىعىن قايتەرسىڭ؟ ادەتتە قانداي دا شىعىن كلۋب كەلىسىم-شارتىنىڭ بەلگىلى ءبىر بابىنا جاتقىزىلىپ، جۇمسالاتىندىعى بەلگىلى. ال بۇل مىرزالىق شارتتاعى «وكىلدىك شىعىندارى» دەگەن باپقا جاتقىزىلىپتى. بۇل دا زاڭدى جالپاعىنان باسۋ. ويتكەنى مۇنداي «وكىلدىك شىعىندار» (پرەدستاۆيتەلسكيە راسحودى) اس ءىشىپ، اياق بوساتىپ، توي تويلاۋعا ەمەس، كلۋبقا پايداسىن تيەتىن ىستەرگە عانا جۇمسالۋعا ءتيىس. ونىڭ ۇستىنە كلۋبتى مەملەكەت قارجىلاندىراتىن بولعاندىقتان  قانداي دا.شىعىن وعان وكىلدىك جاسايتىن ورگانمەن كەلىسە وتىرىپ اتقارىلۋى قاجەت. بۇل جەردە ونىڭ قۇرىلتايشىسى بولىپ سانالاتىن وبلىس اكىمىنىڭ رۇقساتى كەرەك. تۇسكى اسقا اقشانى ەسەپسىز جۇمساعان اسا مىرزا، اتىمتاي جومارتتاي كلۋب ەسەبىندە گيننەستىڭ رەكوردتتار كىتابىنا ەنگىزۋگە جاراپ قالاتىن بۇل تويعا اكىم رۇقسات بەردى مە، بەرمەدى مە ، ونى بىلمەيمىز. الايدا بۇل رەكوردتتار كىتابىنا ەنەر بولسا ەلىمىزدىڭ اتى الەمگە جايىلىپ، شالقىپ ءومىر سۇرەتىن مەملەكەت رەتىندە جاقسى تانىلىپ قالار ما ەدىك، بالكىم.

جالپى وسى ورتاڭقول كلۋبتىڭ تىم ەسىرىپ كەتىپ، اقشانى وڭدى-سولدى شاشۋىنا نە سەبەپ بولىپ وتىر دەگەن سۇراقتىڭ ويعا وراۋلى زاڭدى، بىزدىڭشە، ونىڭ سەبەبى وعان ناقتى باقىلاۋدىڭ مۇلدەم جوقتىعىنان. كلۋبتىڭ جىلدىق بيۋدجەتى اسكەري قۇپيا ەسەبىندە مۇلدەم ايتىلمايدى، جۋرناليستەر قانشا تالاپتانعانمەن ودان ەش ناتيجە شىقپادى. بەرىلەتىن جاۋاپ «ءبىزدىڭ بيۋدجەت وزگە كلۋبتاردىڭ بيۋدجەتىنەن ونشا كوپ ەمەس» دەگەن بالا ايتار شالدىر-شاتپاعى. وسى جەردە ءماجىلىس دەپۋتاتى ماۋلەن اشىمباەۆتىڭ جاقىندا  وتكەن «اشىق ارنا» قوعامدىق تالقىلاۋ كەزىندە بيۋدجەتتەن قارجىلاندىرىلاتىن قانداي دا  مەكەمە، ۇيىم نەمەسە كاسىپورىن بولسىن ول اقشانىڭ قايدا جۇمسالاتىندىعىن اشىق كورسەتىلىپ وتىرۋعا ءتيىستى دەگەن ءسوزى ەسكە تۇسەدى. ءاي، بىلمەيمىن وبلىس اكىمىنىڭ بيلىگى جۇرمەي وتىرعان «توبولدى» ءماجىلىس دەپۋتاتىنىڭ ۇسىنىسى توقتاتا قويار ما ەكەن؟

ايتپاقشى، ءبىر جاعىنان وتىرىكشى بولمايىق، ەكىنشى جاعىنان وقىرمانداردىڭ دا تابەتتەرى اشىلا ءجۇرسىن دەگەن يگى تىلەكپەن وسى ماقالاعا سول تويدىڭ داستارقان ءمازىرىن ۇسىنىپ وتىرمىز. مۇمكىن بۇل وزگەلدەرگە دە ۇلگى بولار.

وتكرىۆاەم تەحنيچەسكۋيۋ سپەتسيفيكاتسيۋ ي ناتىكاەمسيا نا… مەنيۋ. پري پەرۆوم ۆزگليادە نا نەگو ۆ پامياتي ۆسپلىۆاەت ستسەنا زاستوليا يز فيلما «يۆان ۆاسيلەۆيچ مەنياەت پروفەسسيۋ». پراۆدا، «يكرى زامورسكوي باكلاجاننوي» زدەس نە بىلو، زاتو بىلي 5 پورتسي بەشبارماكا پو 4,5 كگ كاجدايا (115 000 تەنگە), سەمگا (110 000 تەنگە), سالاتى ي پروچايا گاسترونوميچەسكايا مەلوچ نا كرۋپنىە سۋممى. تولكو وبسلۋجيۆانيە پوتيانۋلو نا 62 250 تەنگە.

وسى مازىردەگى ءبىزدىڭ اۋزىمىزدىڭ سۋىن اعىزعان باعاسى 115 مىڭ تەڭگە تۇراتىن ارقايسىسى 4,5 كيلوگرامم تارتاتىن بەس پورتسيا ەت پەن قۇنى 110 مىڭ تەڭگە تۇراتىن قىزىل بالىقتان جاسالعان سالاتتار. كلۋب سونىمەن قاتار تەك قىزمەت كورسەتۋشىلەرگە عانا 62 مىڭ 250 تەڭگە تولەگەن. تويلاساڭ، وسىلاي تويلا!

ايتپاقشى قازاق اتامىز «بىرەۋ توڭىپ سەكىرەدى، بىرەۋ تويىپ سەكىرەدى» دەگەن جاقسى ءبىر ناقىل بار. شىركىن-اي، دەيسىڭ وسىندايدا حالىقتىڭ اقشاسىنان جينالاتىن بيۋدجەتىڭ مول اقشاسىنان جاقسىلاپ تۇرىپ تويىپ سەكىرگەنگە، سوسىن ىقىلىق اتىپ جاقسى كەكىرگەنگە، نە جەتسىن!

جايبەرگەن بولاتوۆ

قوستاناي

Abai.kz