AQSh Sheshenstan basshysy Ramzan Qadyrovty "Magnitsk tizimine" engizdi
AQSh qarjy ministrligi Sheshenstan basshysy Ramzan Qadyrovty "Magnitsk tizimine" engizdi. Búl jóninde mekemening arnayy saytynda habarlanady. Qarjy ministrligining mәlimeti boyynsha, Qadyrov sotsyz adam ólimi ýshin jәne basqa da adam qúqyqtaryn búzghany ýshin jauap beredi.
Múnan bólek, janartylghan sanksiya tizimine Sheshenstannyng Argun qalasynyng polisiya basshysy Aib Kataevtyng da aty-jóni engen. Ol elindegi geylerdi azaptaghan degen kýdikke ilingen. Tizimge sonymen birge Andrey Pavlov, Aleksey Sheshen jәne Yuliya Mayorova da kirgen.
"Magnitsk aktisin" AQSh kongresi 2012 jyly qabyldaghan. Búl zang Úlybritaniyada da bar. Dәl osynday qújatty biyl Kanada men Litva qabyldady.
Qújat Hermitage Capital qorynyng basshysy Sergey Magnitskining qúrmetine arnalghan. Ol reseylik budjetten iri qarjynyng qalay úrlanatynyn ashyp, shemagha syzyp kórsetken. Keyin reseylik zangerdi salyq tólemedi dep aiyptaghan. 2009 jyly ol tergeu abaqtysynda belgisiz jaghdayda qaza tapqan.
"Magnitsk tizimine" korrupsiyagha qatysy bar jәne adam qúqyqtaryn búzghandardyng aty-jóni engiziledi.
Abai.kz
