مۇنان بولەك، جاڭارتىلعان سانكتسيا تىزىمىنە شەشەنستاننىڭ ارگۋن قالاسىنىڭ پوليتسيا باسشىسى ايۋب كاتاەۆتىڭ دا اتى-ءجونى ەنگەن. ول ەلىندەگى گەيلەردى ازاپتاعان دەگەن كۇدىككە ىلىنگەن. تىزىمگە سونىمەن بىرگە اندرەي پاۆلوۆ، الەكسەي شەشەن جانە يۋليا مايوروۆا دا كىرگەن.

"ماگنيتسك اكتىسىن" اقش كونگرەسى 2012 جىلى قابىلداعان. بۇل زاڭ ۇلىبريتانيادا دا بار. ءدال وسىنداي قۇجاتتى بيىل كانادا مەن ليتۆا قابىلدادى.

قۇجات Hermitage Capital قورىنىڭ باسشىسى سەرگەي ماگنيتسكىنىڭ قۇرمەتىنە ارنالعان. ول رەسەيلىك بيۋدجەتتەن ءىرى قارجىنىڭ قالاي ۇرلاناتىنىن اشىپ، سحەماعا سىزىپ كورسەتكەن. كەيىن رەسەيلىك زاڭگەردى سالىق تولەمەدى دەپ ايىپتاعان. 2009 جىلى ول تەرگەۋ اباقتىسىندا بەلگىسىز جاعدايدا قازا تاپقان.

"ماگنيتسك تىزىمىنە" كوررۋپتسياعا قاتىسى بار جانە ادام قۇقىقتارىن بۇزعانداردىڭ اتى-ءجونى ەنگىزىلەدى.

Abai.kz