Beysenbi, 22 Tamız 2019
Aytqış eken 3885 11 pikir 29 Jeltoqsan, 2017 sağat 10:18

Hidjab – butaforiya bolğanda...

Bizdiñ üyde TV qosılıp twra beredi. «KTK»-dan kezekti bir – tek änşilerge qatıstı birdeñe bop jatır. Ädettegidey, üylenu toylarınan üzindi körsetu, otbasılıq keremet ömirleri jaylı aytu...

«Biz – öner adamdarımız ğoy» degen sözdi aytudı qattı jaqsı köredi mwnda qatısuşılar. Bir jas sazger men «jwldızdı kelinşek» (oybay, onı men emes aytıp otırğan, jürgizuşi solay dedi, superredaktor solay jazıp bergen şığar) söylep jatır. Osınday söz tirkesi, teñeu bar ma edi özi? «Jwldızdı säti» dep jatuşı edi: jwldız da «nwrlanıp» ketti, qwrısın...

«Jwldızdı kelinşek» – xidjabtağı kelinşek eken, basımdı köterip qarasam. Tanısqandarın ayttı, ğaşıq bop qalğandarın ayttı. Söz baylasqan şaqta qızdıñ üyinde bireu dünie salsa kerek: sonıñ jılı ötpey, twrmısqa şığuğa rwqsat keşirek berilgen siyaqtı. Oğan ölip-öşken ğaşıqtar könbey, jigit qızdı alıp qaşıptı...

Hidjabtı qalıñdıq pen küyeu jaylı toydağı sät körsetilip, äñgime toy köylegi jaylı örbidi. «Ol kezde jükti bolğandıqtan, bir kün boyı kiip jüretin aq köylegimniñ ıñğaylı äri jeñil bolğanına män berdim jäne sonday köylek tabıla ketti», – de-e-ep otır.

Aytam ğoy – kiim, anığı, xidjab – butaforiya dep! Bu-ta-fo-riya! Sırtqı qabıq! Bağanadan beri aytılğan äñgime nol' boldı. Al osınday joba (jürgizuşiniñ sözi) kerek pe? Mınaday äñgime şe? «Jobanıñ» keyipkerleriniñ eñ jii aytatın sözderi – «öner adamı bolğan soñ». Köketaylar-au, jartı jwmısıñdı texnika «jasap» berip otır, bireu seniñ jeñil-jelpi äniñdi fonogrammamen aytadı. Odan qaldı inkubatordıñ jwmırtqası men balapanı siyaqtı birdey «xalaulaydı» küşikşe şwbırtıp jatqan mwnıñ «änin» jer betindegi bar qazaq şırqap jür me? «Älemge, bar qazaqqa belgili sazgersiñ», – dep kelinşektiñ aytqanı... Şämşiniñ tiri jürmegenine quandım. Mınanı estigen zamatta öletin edi!

Äy, «jobasımaqtan» köringen, körinetin «öner adamdarı»! Nağız ÖNER ADAMDARI – Nüketay Mışbaeva, Töleubek Aralbaev, Sayat Merekenovter! Bwlar künine qanşama bet söz jattap, aptasına qanşama qoyılımdı texnikanıñ kömeginsiz körermenine wsınatın tiri önerde jürgender! Al sender – jeñil jolmen tabıs tauıp jürgen meyramxana «bwlbwlısıñdar». Arzan öner, arzan äñgime. Tıñdap bitken kezde-aq wmıtılatın arzan än.

Pı.Sı. Osınday «jwldızdı kelinşektiñ» biri öziniñ ata-enesin maqtap, bilmegenin üyretip, kelgen jerine siñip ketui üşin köp eñbek siñirgenin maqtana bayandap otırıp, köpke tanımal qayın atasınıñ atın bılş etkizip ayta salğanı...

Endi birde bir änşi jeñeşemiz änşi küyeuiniñ atı men tegin xabarlap, saxnağa sonday köteriñki ırğaqpen şaqırğanı... Aldında ğana bir bağdarlamada ibalı kelin ekenin aytqanın tıñdap, jaqsı körip otırğan edim. Qwday-au, kayftı olay bwzbasañdarşı! Wlttı saqtaytın – äyel, biraq qazaqtıñ erkeginde de parasat pen sws bolsa eken. Nege jañağıday «jobasımaqqa» nağız öner adamı tüspeydi? Öytkeni olardıñ üyindegi jeñeşelerimde qazaqı iba, ağalarımda wlttıq namıs bar!

Aygül Bolathanqızı 

Abai.kz

11 pikir