Preziydent qol qoyghan Jana Konstitusiya zannamasyna sәikes aldaghy 1-shildede qazirgi Parlament tarap, jana Qúryltay saylauy nauqany bastalatyny júrtqa ayan. Elding sayasy ómirindegi aituly oqigha bolghaly túrghan Qúryltaygha qay partiyalardyng ótetini qazirding ózinde kóp nazaryn audaryp otyr.

Elde ótip kele jatqan әr kezekti parlament saylauy kezinde jana partiyalardyng payda bolyp, ózinen búrynghylardan aty ozyp shyghatyny ýirenshikti jaghdaygha ainalghan jayy bar. Biylghy bir palataly Qúryltay saylauy bastalar aldynda sol jaghday taghy qaytalandy.

Keshe 1 mausymda Ádilet ministrligi Qazaqstan Respublikasynyng zannamasyna sәikes «Ádilet» sayasy partiyasyn resmy týrde tirkegenin jariya etti.

«Ádilet» partiyasyna әrtýrli sala ókilderi engen eken. Qatardaghy enbek adamdarynan bastap, múnay servistik jәne tau-ken metallurgiyasy salasynyng qyzmetkerleri, shahterler, sport, bilim beru, densaulyq saqtau, ghylym, kәsipkerlik, IT-sektor, qúqyqtanu jәne kreativ industriya ókilderin qamtypty.

Partiya baghdarlamasynda basty basymdyqtar retinde zandylyq pen qúqyqtyq tәrtip qaghidattaryn nyghaytu, tiyimdi instituttardy damytu, ónirlerdi qoldau, sifrlandyru, adamy kapitaldy damytu jәne bәsekege qabiletti ekonomikany qalyptastyru belgilengen eken.

2023 jylghy Parlament saylauynda jana biznes ókilderinen qúralghan «Respublika» partiyasy sayasy alamanda ayaq astynan tóske órlep, әidik Oljas Sýleymenovting batasyn alghan «Baytaq» jasyldar partiyasyn yghystyryp, mandatsyz qaldyrghan edi.

Mine búl joly «Ádilet» partiyasy janarghan keyipte Qúryltay dodasyna tynnan qosylghaly otyr. Osy joly da aldynghy jolghy jaghday qaytalanuy mýmkin be? Qoghamda әrtýrli boljamdar aityluda. Bireuler «Ádilet» partiyasy aldaghy 10 mausymda partiya siyezin ótkizudi josparlap otyrghan «Amanat» partiyasynyng ornyn basuy mýmkin dese, endi bireuler ózderin qazirgi Parlamettegi oppozisiya sanaytyn «Aq jol» partiyasyn yghystyruy mýmkin deydi.

Sayasattanushy Ashat Qasenghaly Preziydentting «Jana Qazaqstan» iydeasy keng qoldau tauyp otyrghan kezende ótkeli otyrghan «búl jolghy Qúryltay saylauy «Baytaq» jasyldar partiyasyna jaqsy mýmkindik» deydi. Tәuelsiz jurnalist Núrbek Týsiphannyng pikirinshe Qúryltaygha «Amanat», «Ádilet», «Auyl», «Aq jol», «Respublika», «Qazaqstan Halyq partiyasy» ghana ótui mýmkin eken.

Qúryltaydan jogharydaghy partiyalar ghana mandat alsa, mojoritarlyq jýiemen saylanghan az bolsa da saz deputaty bar qazirgi mәjilis siyaqty júrttyng nazarynda boluy ekitalay dep aita beruge bolady. Bizding oiymyzsha búl joly ausayder bolatyn partiya basqa emes, atyn ózgertse de baghytyn ózgertpegen «Halyq» (búrynghy kommunistik partiya) boluy kerek. Olardyng ókilderi Qúryltay tórine emes, Halyq kenesinen oryn alsa da jetip jatyr.

Abai.kz