Düysenbi, 25 Mausım 2018
Din men tin 5542 51 pikir 11 Qañtar, 2018 sağat 10:23

Mekteptiñ aulasında "qara jamılğan" qızdar namaz oqıdı

Aqtöbe qalası 56 mekteptiñ aulasında qara jamılğan qızdar namaz oqıdı, - dep habarlaydı Abay-aqparat belgili qoğam belsendisi Aygül Orınbektiñ Facebook-tegi paraqşasına silteme jasap.

Aygül Orınbek bılay dep jazadı.

"Elimniñ bolaşağı üşin alañdaymın! Mınau ne endi? Osınday közboyauşılıq kimge kerek? Mekteptiñ aldında namaz oqıp, kimge ne dəleldemekşi? Elimizdi Siriyağa aynaldırmaqşı ma? Nege tınış jürmeydi? Qay ata-babañ qara jamılğan?

Ministr Ermekbaev mırza elimizdiñ batıs jağın şwğıl qolğa alu kerek! Mınalar jaqsılıqqa alıp barmaydı!

Deputattar mınalarğa qarsı zañ qayda?

Aqtöbe qalası, 56 mekteptiñ janında tüsirilgen suret!".

Tüyin

Bwl surettegi jastar bizge neni aytqısı keledi. Bwl sayasi narazılıq emes pe? Elimizde rwqsat etilmegen sayasi akciyalarğa şekteu qoyılmauşı ma edi. Keşe ğana Dini basqarma mekteptegi qızdardıñ oramal tağuına qatıstı öz wstanımın mälimdegen edi. Qazaqstan mwsılmandarı dini basqarması elimizdegi mwsılman qız-kelinşekter men äyelderdi kiim kiyu ülgisinde qazaq halqınıñ salt-dästürlerin saqtay otırıp, jinaqı kiinuge keñes berip, paranja (niqab) kiyudiñ saltımızda bolmağanın aytqan. Mına suret sol mälimdemeniñ jauabı emes pe?

Şäriphan Qaysar

Abai,kz

 

51 pikir