Düysenbi, 25 Mausım 2018
Qauip etkennen aytamın 3202 31 pikir 7 Naurız, 2018 sağat 10:46

Ol üşin Kreml' - "Qağba", Putin - "Payğambar"

Bügin äkesi nemis, şeşesi orıs, özi Reseyde tuğan Oleg degen körşimmen aulada söylesip twrıp qaldım. Şamamen on-on bes minuttay-au. Oleg - orıs tildi.

"Orıs tildi" degennen şığadı. Tayauda Memleket basşısı Ükimet pen Parlament müşelerine memlekettik tilde söylep, is jürgizudi tapsırdı. Tapsırıp qana qoyğan joq, talap etti. Elbasınıñ bwnday talabı qoğam tarapınan da qoldau tauıp, iigilikti bastamağa aynalıp ketse, "bärekelde!" deymiz ğoy. Sondıqtan endi biz, memleketti qwrauşı, el men jerdiñ iesi - qazaq wltı, aynalamızda wyısqan qauımmen qazaq tilinde tildesip, jön körsetuimiz kerek. Osını oyğa alıp, özimşe Oleg körşime ana tilimde til qattım. Ol iığın qiqañ etkizdi. Demek, "meniki senikin ne ponimayet". Arada şirek ğasırdan astam uaqıt ötti, bwl ağayındiki sol bayağı qareket, sol bayağı sarın. Tüsinbeydi, tüsiniskisi kelmeydi. Sosın men oğan bilgenimişe, ukrain tilinde söyledim. Tek qazaqşa-ukrainşe. Sodan älgi körşim: "Tı çe, na hohlyackom yazıke razgovarivaeş'" dep, renjigen keyip tanıttı. Men de oğan qarap: "Ukrains'ka mova nabagato krasivşe nij rosiys'kiy. A çomu ya tobi povinen zvertatisya rosiys'koyu? Ti j adje nimec'. YA nimec'ku movu ne znayu. A ti kazahs'kiy ne znaєş" dedim. "Ukraincı je, oni faşistı. Nu te kotorıe jivut v ukraine" dedi ol kijinip. Odan men de biraz söz jarıstırıp, aqırında bir tüyinge keldim. 

Oleg 10 jıldan beri Qazaqstanda twradı. QR Azamatı. Pasportı kök. Qatını - qazaq. Üyi Qazaqstanda, jwmısı Qazaqstanda. Balaları Qazaqstanda oqidı.

Endi negizgi mäselege auısayın. Olegterdiñ bolaşağına qiyanat jasap, jolın baylağanşa Qazaqstannıñ auqımında barınşa keñ taraytın orıs teleqoqıs kanaldarın dereu jabu kerek! Kreml'diñ propagandası - öz halqın esalañ qılğanımen qoymay, bizdiñ eldegi orıs tildi auditoriyanıñ key böligin dezinformaciyalap, miların ulap, oqşau tärbielep otır. Odan da qauiptisi - Resey(tv)men ulanğandar - qazaqtıñ wlttıq qwndılıqtarına tükirgeni bar.
Resey teleefirinen öz tükirigine özderi şaşalıp, auzına kelgendi qwsıp jatqan sarjağal sayasatkersımaqtardıñ psevdopatriottıq agitaciyası orıs tildi auditoriyanıñ sanasın ulap tastağan. Jirinovskiy, Bogdasarov, Solov'ev, Satanovskiy, Baburin, Naval'nıy sekildi kileñ tösektegi teoretikter men divandağı debaterlerden keletin kesapat - Auğandağı, Süriyadağı jihadşılardan mıñ ese qauipti. 

Reseylik propogandanıñ qwldarı üşin Qazaqstan Täuelsizdiginiñ qwnı kök tiın. Olar Säbettiñ sasıq şinelin qayta kigisi keledi. 

27 jıl Täuelsizdiktiñ şeginde Qazaqstan men qazaqtıñ wlttıq, memlekettik qwndılıqtarın moyındamaytın, Kreml'diñ qaqpasına moyın sozıp otırğan opasızdar otryadı bar. Olar - Euraziya-1, Rossiya-1, Rossiya-24, NTV, REN TV, TNT t.b. sekildi Kreml'dik diktovkanıñ tärbielegen tobırı. 

Men, ärine, Olegti söz jarısta jeñdim. Biraq, onıñ ulanğan sanası meniñ aytqan faktilerimniñ bireuin de qabıldamaytınına közim jetti.
Oleg üşin Kreml' - "Qağba", Putin - "Payğambar".

Küni keşe ğana 1-naurız diasporalardıñ aqjarma alğıs jaudıratın künin atap öttik. Sol küni  qanı nemis Oleg mağan emes, osı topıraqqa, qazaq topırağına alğıs aytpaq tügili, onı moyındamaytının bildirdi. Men onı erteñ de körem. Ol mağan kelip amandasadı. Men onıñ sälemin qabıl alıp, sälem beremin. Ökiniştisi, ol äli "Sälem!" degen sözdi wğa almay keledi.

Tüyin: Prokreml'dik propogandamen sanası ulanğan putinqwldar - qarulı terroristen mıñ ese qauipti. Ekrandı aldımen osılardan tazalau kerek.

Nwrgeldi Äbdiğaniwlı

Abai.kz

31 pikir