Senbi, 23 Aqpan 2019
Sayasat 5712 0 pikir 12 Naurız, 2018 sağat 04:07

Nazarbaev: Putin – sözdiñ adamı

Prezident Nazarbaev reseylik telearna tilşisimen äñgimelesu kezinde Euraziyalıq ekonomikalıq odaq ayasında Qazaqstan men Resey arasındağı ıntımaqtastıqtı damıtudıñ negizgi aspektileri jöninde ayttı.

Sonımen qatar, Nwrswltan Nazarbaev «Bir beldeu, bir jol» bağdarlamasınıñ iske asırılu nätijelerine jäne perspektivalarına toqtalıp, Qazaqstannıñ sırtqı sayasi qızmetiniñ negizgi mäselelerine qatıstı saualdarğa jauap berdi.

«Bes äleumettik bastamanı iske asıru barısında mwğalimderdiñ jalaqıları da ösetin boladı. Qazir biz mektepterde bilim berudiñ jaña mazmwnına köştik, bwl mwğalimderdiñ jalaqısın 30 payızğa arttıruğa mümkindik beredi. Sonday-aq, orta bilim beru jüyesinde biliktilik sanattarı közdelgen. Sanatı köterilgen mwğalimderdiñ jalaqısı qosımşa 50 payızğa köbeyetin boladı», – dedi Qazaqstan Prezidenti.

Aytpaqşı, Prezident Nazarbaev älgi jerde Resey Prezidenti Vladimir Putin jaylı pikirin aytıp, onı «sözdiñ adamı» dep bağalaptı.

«Prezidentter arasındağı qarım-qatınas öte mañızdı. Liderlerdiñ arasındağı baylanıs Memleketter arasındağı senimdi tudıradı. Vladimir Putin 2000-jılı prezident bolıp saylandı. Biz birinşi künnen bastap-aq, jaqın aralasa bastadıq. Jasıratını joq, sol baylanısımız nağız dostıqqa wlastı. Men onıñ adamgerşilik qasietteri jaylı aytayın. Onı basqalardan göri jaqsıraq tanitınım ras. Ol – sözdiñ adamı», - depti Prezident Nazarbaev.

Sonday-aq, biıl qayta saylauğa tüskeli jatqan Resey Prezidenti Vladimir Putinniñ qiın kezeñde Resey tizginin wstağanın aytıptı.

«Biz Reseymen körşiles ornalasqan elmiz. Onıñ işki jağdayların bayqap otıramız. Aymaqtar öz biligi özinde, ortalıqqa salıq töleudi qoyıp, bas-basına bilik jürgizip jattı. Bir jağınan Qapqazda soğıs jürip jattı. Halıqaralıq ahual men işki ekonomika astañ-kesteñ bolıp jattı. Sol twsta Putin tizgindi wstap, eldi qalıptı jağdayğa keltirdi», - deydi Qazaqstan Prezidenti.

Prezident Nazarbaev jahandıq sayasattağı Reseydiñ şettetu körip, sıyı ketkeni jaylı da söz etipti.

«Reseydi şettetip, älemdik mañızdı mäselelerdi şeşu processine jaqındatpadı. Reseydi jaydan-jay ığıstırıp jiberu mümkin emes. Ol iri yadrolıq qaruı bar memleket. Ol da älemdik sayasattağı bastı faktorlardıñ biri. Sondıqtan Reseydi ığıstırıp jiberu aqıldı şeşim emes. Putin qazir Reseydi öz ornına qoydı. Ol Siriya biliginiñ swrauı boyınşa kikiljiñge aralastı. Bılay qarasañız, Resey älemdik deñgeydegi ekstremizm, terrorzim degen pälekettiñ betin qayytardı», - depti swhbatta.

Prezident Nazarbaevtıñ Reseylik arnağa bergen swhbatın orıs basılımdarı jarısa jazıp jatır. «Jaña dosımnan eski dosım artıq». Bwl Resey qparatınıñ auzındağı söz.

Al biz endi altı künnen keyin Reseyde kezekti Prezident saylauı ötetinin esteriñizge sala ketkendi jön kördik. Iä, Reseydegi saylauda sonday bir intriga joq. Putinniñ bwl jolğı saylauda jeñip şığatını ekibstan belgili. Ol jañalıq emes. Post-keñestik elderdiñ barlığında demesek te, basım köpşiliginde saylau sayasi qoyılım ğana. Resmi aqparatqa qarasaq, Putinniñ bwl jolğı statisteri – Vladimir Jirinovskiy men Pavel Grudinin eken.

Nwrzat Toğjan

Abai.kz

0 pikir