Almaty oblysyna alghash ret Qytaydyng Szyansu provinsiyasy partiya komiytetining hatshysy Sini Chansin bastaghan delegasiya keldi. Szyansu – kórshi eldegi ekonomikasy qarqyndy damyghan, qúrylys, bilim beru, turizm salalary boyynsha iri jobalardy jýzege asyryp, ozyq tehnologiyalardy engizu boyynsha aldynghy oryngha ie provinsiya. Oblys әkimi Marat Súltanghaziyev Qytay delegasiyasymen kezdesu ótkizip, sauda-ekonomikalyq, investisiyalyq jәne mәdeniy-gumanitarlyq baylanystardy damytu mәselelerin talqylady. Jýzdesu barysynda taraptar óniraralyq yntymaqtastyqty nyghaytugha baghyttalghan manyzdy qújatqa qol qoydy, – dep habarlaydy Almaty oblysy әkimining baspasóz qyzmeti.

Marat Eleusizúly óz sózinde Qazaqstan men Qytay arasyndaghy 34 jyldyq diplomatiyalyq qatynas ózara senimge, tatu kórshilik jәne strategiyalyq әriptestikke negizdelgenin atap ótti.

«Eki el arasynda sauda-ekonomikalyq, investisiyalyq, mәdeny jәne gumanitarlyq salalarda auqymdy birlesken bastamalar iske asyryluda. Al elding shyghysynda ornalasqan Almaty oblysy Qazaqstan men Qytay arasyndaghy baylanystyng manyzdy kópiri sanalady. Ónir men QHR arasyndaghy tauar ainalymy songhy jyldary 1 mlrd AQSh dollarynan asyp, túraqty ósim kórsetip keledi. Qazirgi uaqytta Almaty oblysy aumaghynda Qytay jәne birlesken kapitaldyng qatysuymen 287 kәsiporyn júmys isteydi. Songhy 4 jyl ishinde mening tikeley basshylyghymmen Qytay Halyq Respublikasynyng 16 ónirinde 7 júmys sapary úiymdastyrylyp, oghan ónirdegi 75-ten astam biznes ókili qatysty.

Almaty oblysy men Szyansu provinsiyasy arasyndaghy yntymaqtastyq jýieli týrde damyp, mazmúny da terendep keledi. Szyansu – Qytaydyng ekonomika jәne innovasiya salasyndaghy jetekshi ónirlerining biri. Sondyqtan biz ónerkәsip, agroónerkәsiptik keshen, logistika, investisiya, joghary tehnologiya salalary men «jasyl» ekonomika baghytynda úzaqmerzimdi, tiyimdiligi joghary jobalardy damytugha niyettimiz», – degen aimaq basshysy týrli baghyttardaghy birlesken júmystargha toqtaldy.

Aytuynsha, qazirgi tanda ónirde jalpy qarajaty 6,2 trln tenge bolatyn, 216 investisiyalyq joba monitoringte túr. Al Qytay kapitalynyng qatysuymen jalpy qúny 3,1 trln tengeni qúraytyn 45 investisiyalyq joba bar. Búl bastamalardyng nәtiyjesinde 16 myngha juyq túraqty júmys orny ashylady. Jyl basynan beri Qytaydan kelgen investorlarmen 90 kezdesu ótkizilgen. Búl jalpy investisiyalyq kezdesulerding – 46,9%-y.

Býginde Qytay tarapy oblys jastary ýshin granttar úsynyp otyr. Qytaydyng provinsiyalarynda ónirden shyqqan 56 talapker tegin oqyp jatyr. Olar bakalavriat, magistratura jәne orta kәsiptik bilim beru baghdarlamalary boyynsha bilim aluda.

Eki el azamattary ýshin engizilgen vizasyz rejim turizm salasynyng belsendi damuyna yqpal etti. 2025 jyly Almaty oblysyna 147 000-nan astam sheteldik turist keldi, búl 2024 jylmen salystyrghanda 13,19%-gha artyq. Onyng eng ýlken bóligin Qytay azamattary qúraydy. Biyl Shanhay qalasynda oblys әkimdigining Servis ortalyghy ashyldy. Búl – ónirding turistik әleuetin ilgeriletuge baghyttalghan resmy ókildik. Almaty oblysy halyqaralyq turistik alandarda, onyng ishinde ITB China jәne ITB Asia kórmelerine qatysyp, sonday-aq qytaylyq turoperatorlarmen, әue kompaniyalarymen, media ókilderimen belsendi júmys isteude.

Jiyn barysynda Sini Chansin provinsiyanyng ónerkәsip, auyl sharuashylyghy, turizm, bilim beru, tehnologiya jәne tabighy energiya kózin iygeru baghyttarynda atqarylyp jatqan júmystaryn tanystyrdy.

«Szyansu provinsiyasynda 83 millionnan astam halyq túrady. Ekonomikalyq kórsetkishi boyynsha Qytayda 2-orynda. Naqtyraq aitsaq, ónirlik ónim kólemi 2 trln AQSh dollarynan asady. Qazaqstan Qytaydyng Ortalyq Aziyadaghy eng iri seriktesterining biri әri logistikalyq әleueti halyqaralyq jýk tasymalynda manyzdy ról atqarady. Bizding maqsatymyz – óniraralyq yntymaqtastyqty odan әri nyghaytyp, ózara tiyimdi baylanys ornatu. Qol qoyylghan memorandum eki tarap arasyndaghy qarym-qatynasty terendetuge negiz bolady dep senemin», – dedi mәrtebeli meyman.

Osylaysha, Almaty oblysy men Szyansu provinsiyasy arasyndaghy yntymaqtastyq jana kezenge qadam basty. Sapar barysynda qazaq halqynyng san ghasyrlyq tarihy men mәdeniyetinen syr shertetin mazmúndy kórme úiymdastyryldy. Qonaqtar nazaryna oblys aumaghynan tabylghan Altyn adam men ózge de qúndy arheologiyalyq jәdigerler úsynylyp, olardyng tarihy qúndylyghy men ghylymy manyzy jan-jaqty bayandaldy. Ónirding aldaghy uaqytta jýzege asyrylatyn iri jobalary tanystyrylyp, birlesken bastamalardy damytu mýmkindikteri keninen talqylandy.

Abai.kz