Jeksenbi, 24 Mausım 2018
Abay.tv 2628 37 pikir 12 Naurız, 2018 sağat 08:41

ŞQO men Ayagöz... Su tasqını

Ayagöz audanında tolassız jauın-şaşın saldarınan tötenşe jağday jariyalandı, - dep habarlaydı Abay-aqparat Qazaqparatqa silteme jasap.

«Ayagöz audanı äkiminiñ ökimimen Ayagöz qalası boyınşa tötenşe jağday jariyalandı», - delingen  audandıq işki sayasat bölimi bergen mälimette. Äkimdik aqparatı boyınşa qala işinde  3 köpirdi, 5 jayau jürginşi ötkelin qarğın su basıp qalğan.   Su alğan üylerden 400 adam qauipsiz jerge köşirilgen. Onıñ 30-ı bala.

«Twrğındar Ayagöz qalasınıñ qazaq mektep-liceyine, №6 orta mektep-internatqa jäne tuıstarına ornalastırıldı. Tötenşe jağdaydıñ saldarın joyu maqsatında, jergilikti atqaruşı organ, tötenşe jağday bölimi, audandıq işki ister bölimi, temirjol mekemeleri, audannıñ kommunaldıq mekemeler qızmetkerleri  jäne twrğındar arasınan eriktiler jwmıs isteude. 200-den astam adam, 11 arnayı tehnika, 20 avtokölik, 3 motopompa jwmıldırıldı. Zardap şekkenderge audandıq medicina qızmetkerlerimen alğaşqı kömek körsetilude. Qaza tapqandar joq», - delingen

Şığıs Qazaqstan oblısınıñ birneşe audanında jauın soñı tasqınğa aynaluına baylanıstı 1000 adamdıq apattıq qwtqaru tobı qwrılğandığı da habarlandı.

ŞQO tötenşe jağdaylar departamentiniñ habarlauınşa, tolassız jauınnıñ saldarın joyu üşin apattıq qwtqaru tobı qwrılıp, 1000 adam men 300 arnayı tehnika bölingen.

«Ötken täulikte oblısta bir aydıñ mölşerindegi jauın-şaşın tüsti.  Dağdarıs ortalığınan qwrılğan arnayı topqa 1000 adam, 300 tehnika, 56 jüzu qwralı, 58 motorlı sorğı bölindi» - delingen departamenttiñ baspasöz aqparatında.

Jauın saldarı äsirese Ayagöz, Wlan, Glubokoe audandarı men Öskemen qalasında köbirek sezilude. Qazirgi tañda su alğan 22 üy men 148 aulağa kömek körsetilgen. Resmi derek 23 adamnıñ qauipsiz jerge köşirilgenin aytadı. Wlan audanınıñ Mamay batır auılındağı köpirde äli de bolsa kezekşi top jwmıs isteude. Öskemen-Almatı bağıtındağı joldıñ 130 metr böligine su jayılğan bolatın. Qazir onıñ 80 metri sudan arıldı. Bir kün işinde su alğan aulalardan 3724 tekşe metr su sorıp alınğan. Sonıñ işinde Öskemen qalasında 3484 tekşe metr, Ayagöz audanında 240 tekşe metr su sorılğan. Oblıs ortalığınan Ayagöz audanına kömek retinde  20 adam men 5 tehnika şıqtı. Osı uaqıtqa deyin twrğındardan «112» nömirine 1000-nan astam qoñırau tüsken.

Abay-aqparat

37 pikir