Jeksenbi, 24 Mausım 2018
462 0 pikir 13 Naurız, 2018 sağat 08:38

EO: Täjikstanda azamattardıñ bostandığı şektelip otır

Bryussel'de Europalıq Odaq pen Täjikstan arasındağı äriptestik jönindegi komitettiñ altınşı otırısı ötti. Täjikstan atınan bwl jinalısqa eldiñ sauda jäne ekonomikalıq damu ministriniñ birinşi orınbasarı Zavkizoda Zavki Amin qatıstı.

Europalıq Odaq baspasöz habarlamasında aytılğanday, taraptar demokratiyalıq reformalar men adam qwqığınıñ saqtaluı - EO men Täjikstan qarım-qatınasınıñ bastı bağıtı dep esepteydi.

Europalıq Odaq Täjikstanda azamattardıñ qwqıqtarı men bostandıqtarı şektelip otır dep esepteydi. "Söz bostandığı jäne twrğındardıñ elde sayasi, demokratiyalıq közqarastarın erkin ayta bilui - ekonomikanıñ twraqtı damuına negiz bola aladı", - delingen komitet otırısınıñ qorıtındısına arnalğan mälimdemede.

Europalıq Odaq Duşanbe qalasında biıl mamır ayında terrorizmge qarsı twru, zorlıq-zombılıqtıñ aldın alu jönindegi halıqaralıq konferenciyası ötetinin qwptadı.

Eske salayıq, ötken jılı küzde halıqaralıq Human Rights Watch (HRW) adam qwqığın qorğau wyımı Europalıq Odaqtı oppoziciya jaqtastarın qudalauın doğartu üşin Täjikstan biligine qısım jasauğa şaqırdı. HRW mälimdemesine qarağanda, biliktiñ qısımınan keyin Täjikstannan köptegen azamattar köşip ketuge mäjbür bolğan.

Abai.kz

0 pikir