ەۋروپالىق وداق ءباسپاسوز حابارلاماسىندا ايتىلعانداي، تاراپتار دەموكراتيالىق رەفورمالار مەن ادام قۇقىعىنىڭ ساقتالۋى - ەو مەن تاجىكستان قارىم-قاتىناسىنىڭ باستى باعىتى دەپ ەسەپتەيدى.

ەۋروپالىق وداق تاجىكستاندا ازاماتتاردىڭ قۇقىقتارى مەن بوستاندىقتارى شەكتەلىپ وتىر دەپ ەسەپتەيدى. ء"سوز بوستاندىعى جانە تۇرعىنداردىڭ ەلدە ساياسي، دەموكراتيالىق كوزقاراستارىن ەركىن ايتا ءبىلۋى - ەكونوميكانىڭ تۇراقتى دامۋىنا نەگىز بولا الادى", - دەلىنگەن كوميتەت وتىرىسىنىڭ قورىتىندىسىنا ارنالعان مالىمدەمەدە.

ەۋروپالىق وداق دۋشانبە قالاسىندا بيىل مامىر ايىندا تەرروريزمگە قارسى تۇرۋ، زورلىق-زومبىلىقتىڭ الدىن الۋ جونىندەگى حالىقارالىق كونفەرەنتسياسى وتەتىنىن قۇپتادى.

ەسكە سالايىق، وتكەن جىلى كۇزدە حالىقارالىق Human Rights Watch (HRW) ادام قۇقىعىن قورعاۋ ۇيىمى ەۋروپالىق وداقتى وپپوزيتسيا جاقتاستارىن قۋدالاۋىن دوعارتۋ ءۇشىن تاجىكستان بيلىگىنە قىسىم جاساۋعا شاقىردى. HRW مالىمدەمەسىنە قاراعاندا، بيلىكتىڭ قىسىمىنان كەيىن تاجىكستاننان كوپتەگەن ازاماتتار كوشىپ كەتۋگە ءماجبۇر بولعان.

Abai.kz