Býgin Mәjilisting otyrysynda Azat Peruashev Últtyq bankti tabighy apattardan saqtandyrudy jetildirude esh әreketsiz otyrghany ýshin syngha aldy. Búl turaly «Aq jol» fraksiyasynyng deputaty ózining tiyisti saualynda mәlimdedi, - dep habarlaydy partiyanyng baspasóz qyzmeti.

«2017 jylghy 4 qyrkýiekte Parlamentting aghymdaghy otyrysynyng ashyluynda Memleket basshysy saqtandyru naryghyn damytu mindetin tapsyrdy. Elbasynyng sózin dәieksóz retinde keltiremin: «Bizding elimizde saqtandyrudy damytu kerek, saqtandyru qyzmetterining dengeyin jәne qoljetimdiligin arttyru qajet».

Mine, sol kezden beri jarty jyldan astam uaqyt ótti, alayda ne Ýkimet, ne Últtyq bank kýlli әlemde qarjy naryghynyng manyzdy bóligi bolyp sanalatyn saqtandyrudy ilgeriletu boyynsha qandayda bir sharalar qoldanbady», - dep aitylghan saualda.

Shyghys Qazaqstannan bastalyp Ile Alatauyna deyingi aimaqtarda oryn alghan tabighy apat - su tasqynynyng ayasynda búl taqyryptyng ózektiligin tilge tiyek etip, «aqjoldyqtargha» osynau týitkildi mәseleni qaytadan kóteruge tura keldi. Ondaghan otbasylar kómekke zәru.

«Jyl sayyn dәl osy oqigha údayy týrde qaytalanyp otyratynyn ashyq aitugha mәjbýrmiz. Ár jylda kóktem kelgen sayyn «kýtpegen jerden» әri ayaq astynan qar erip, janbyr jauady. Sosyn әr joly, sol búrynghyday, memleketten aqsha talap etemiz», - degen Peruashev múnday tәsil – sheneunikterding úqypsyzdyghy men atalmysh mәseleni sheshude kәsiby emes ekendigining aiqyn ýlgisi ekenin de atap ótti.

Osy orayda «Aq jol» partiyasy memleketke senip qol qusyryp otyra bermey, dәl osyghan úqsas tótenshe jaghdayda tuyndaghan zalaldyng ornyn óteu men onyng saldaryn jenildetu ýshin erterek jappay naryq mehanizmderin engizu qajet dep sanaydy.

«Jeme-jemge kelgende, bizding әrqaysymyz tek ózgelerden kómek súray bermey, ózimiz de jeke menshik mýligimiz ben qauipsizdigimizge degen jauapkershilikting baryn týsinuge tiyispiz. Onyng ýstine, halyqaralyq tәjiriybede saqtandyrudyng naryqtyq instituttary tiyisti qúraldardyng keng auqymdy tandau mýmkindikterin úsynyp otyr», - dedi «Aq jol» kóshbasshysy.

«Aqjoldyqtardyn» oiynsha, Últtyq bank qarjy jýiesining retteushisi retinde Preziydentting saqtandyru jýiesin damytu turaly qyrkýiektegi tapsyrmasyna tiyisti dengeyde kónil bólmey, tek qana bank sektorynyng mәselelerine nazar audarghan.

«Últtyq bank jay ghana syrttan baqylap, qarap otyrmay, qarapayym halyqtyng qarjylyq mýmkindigi men qauip-qaterdi eskere otyryp, saqtandyru kompaniyalaryn qúraldar týrlerin keneytuge iytermelep, sheteldik tәjiriybening ozyq ýlgisin zerdeleu, saqtandyru qyzmetin jetildiru salasynda belsendi ról atqaruy tiyis», - degen senimmen Peruashev osydan 2 jyl búryn Ádilet ministrligi azamattardyng tótenshe jaghdaylardan óz túrghyn ýiin mindetti saqtandyrudy qarastyratyn zang jobasyn әzirleu turaly mәlimdeme jasap, alayda, onday zang jobasy әli kýnge deyin qabyldanbaghanyn eske saldy.

«Kóptegen otbasylardyng is-jýzindegi shynayy qarjylyq jaghdayyn eskere otyryp, mәjbýrleu arqyly emes, azamattardy osy proseske sanaly týrde tartu jemisti bolar edi. Búl arada jergilikti túrghyndar men saqtandyru kompaniyalaryn yntalandyru, týsindiru sharalaryn jýrgizu, qarapayym qazaqstandyqtardyng qarjylyq jәne saqtandyru jónindegi sauattylyghyn arttyru júmystaryn iske asyruda Últtyq bankke artylar jýkting osal emesi belgili. Kezekti bir su tasqynynyng astynda qalamyz degen qauippen ómir sýrgenshe, túryp jatqan ýiindi saqtandyryp qon әldeqayda tiyimdirek bolatynday jaghday jasau qajet», - dep tolyqtyryp ótti Peruashev.

Osyghan baylanysty, «Aq jol» QDP fraksiyasy Ýkimet pen Últtyq bankten azamattardyng shynayy mýmkindikterin eskere otyryp, súrapyl apattardan saqtandyru naryghyn damytu jónindegi júmystardy úiymdastyruyn súraydy.

Sonday-aq, «Aqjoldyqtar» saqtandyru tetikterin keninen qoldanudy basqa da: kәsipkerlerding materialdyq jauapkershiligin arttyru, valutalyq tәuekeldilikti, qor operasiyalaryn saqtandyru, qoldanystaghy (nominaldy emes) medisinalyq saqtandyru siyaqty salalarda jetildiru qajet ekenine senimdi.

«Aq jol» demokratiyalyq partiyasy jәne onyng parlamenttik fraksiyasy saylaualdy baghdarlamany jýzege asyru júmystaryn jalghastyruda.

Abai.kz