Senbi, 18 Tamız 2018
477 0 pikir 13 Säuir, 2018 sağat 08:30

Täjikstanda imamdar jastardı äskerge baruğa ügittep jatır

Gissar öñiriniñ ondağan meşit qızmetkerleri jastardı äskerge baruğa ügittep jatır. Bwl jöninde ortalıq meşittiñ imam-hatibı Şarofiddin Fozilovtıñ özi habarladı.

Onıñ sözinşe, jergilikti meşittiñ imamdarı äskeri komissariattıñ ökilderimen äskerge şaqırılğan jastardıñ üyine barıp, otan aldında borışın öteudiñ mañızdılığın aytıp jatır. «Biz patriotizm jayında, tuğan jerine degen mahabbat jayında, eldiñ twraqtılığı jayında nasihattap jatırmız», -deydi Şarofiddin Fozilov.

Täjikstan prezidentiniñ jarlığı boyınşa, äskerge şaqıru kampaniyası 1 säuirde bastalıp, 31 mamırğa deyin sozıladı.

Täjikstannıñ qorğanıs ministrliginiñ mälimetinşe, Qarulı küşter qatarı jıl sayın 15-16 mıñ adamğa tolığadı.

Qorğanıs mekemesiniñ baspasöz hatşısı Faridun Mahmadalizoda dini qızmetkerlerdi köktemgi äskerge şaqıruğa belsendi qatısuğa tilek bildirdik deydi. «Biz bıltır da imamdardı jastarmen kezdesuge şaqırğanbız. Ol kezde imamdar tek meşitte uağızdar aytqan. Al bwl jolı äsker qatarına şaqırılğan jastardıñ üylerine barudı swradıq», - deydi ol.

Abai.kz

0 pikir