سەنبى, 18 تامىز 2018
478 0 پىكىر 13 ءساۋىر, 2018 ساعات 08:30

تاجىكستاندا يمامدار جاستاردى اسكەرگە بارۋعا ۇگىتتەپ جاتىر

گيسسار ءوڭىرىنىڭ ونداعان مەشىت قىزمەتكەرلەرى جاستاردى اسكەرگە بارۋعا ۇگىتتەپ جاتىر. بۇل جونىندە ورتالىق مەشىتتىڭ يمام-حاتيبى شاروفيددين فوزيلوۆتىڭ ءوزى حابارلادى.

ونىڭ سوزىنشە، جەرگىلىكتى مەشىتتىڭ يمامدارى اسكەري كوميسسارياتتىڭ وكىلدەرىمەن اسكەرگە شاقىرىلعان جاستاردىڭ ۇيىنە بارىپ، وتان الدىندا بورىشىن وتەۋدىڭ ماڭىزدىلىعىن ايتىپ جاتىر. «ءبىز پاتريوتيزم جايىندا، تۋعان جەرىنە دەگەن ماحاببات جايىندا، ەلدىڭ تۇراقتىلىعى جايىندا ناسيحاتتاپ جاتىرمىز»، -دەيدى شاروفيددين فوزيلوۆ.

تاجىكستان پرەزيدەنتىنىڭ جارلىعى بويىنشا، اسكەرگە شاقىرۋ كامپانياسى 1 ساۋىردە باستالىپ، 31 مامىرعا دەيىن سوزىلادى.

تاجىكستاننىڭ قورعانىس مينيسترلىگىنىڭ مالىمەتىنشە، قارۋلى كۇشتەر قاتارى جىل سايىن 15-16 مىڭ ادامعا تولىعادى.

قورعانىس مەكەمەسىنىڭ ءباسپاسوز حاتشىسى فاريدۋن ماحماداليزودا ءدىني قىزمەتكەرلەردى كوكتەمگى اسكەرگە شاقىرۋعا بەلسەندى قاتىسۋعا تىلەك بىلدىردىك دەيدى. «ءبىز بىلتىر دا يمامداردى جاستارمەن كەزدەسۋگە شاقىرعانبىز. ول كەزدە يمامدار تەك مەشىتتە ۋاعىزدار ايتقان. ال بۇل جولى اسكەر قاتارىنا شاقىرىلعان جاستاردىڭ ۇيلەرىنە بارۋدى سۇرادىق»، - دەيدى ول.

Abai.kz

0 پىكىر