Jeksenbi, 22 Şilde 2018
607 1 pikir 16 Säuir, 2018 sağat 08:56

Äleumettik jelilerde qırğız prezidentiniñ jolauşılar wşağımen wşqanı talqılanıp jatır

Äleumettik jelilerde Qırğızstan prezidenti Sooronbay Jeenbekovtiñ 14 säuirde Oşqa jolauşılar wşağımen wşıp barğanı keñinen talqılanıp jatır.

Memleket basşısınıñ baspasöz hatşısı Tolğanay Stamalieva Sooronbay Jeenbekovtiñ Oşqa "jeke otbasılıq jağdaymen" wşqanın rastadı. «Ol ağasınıñ qaza bolğanına bir jıl toluına oray ötkizilgen asqa bardı», - dep tüsindirdi baspasöz hatşısı.

"Qırğızstan prezidenti nege özine arnalğan jeke wşaqpen wşpay, jolauşılar wşağımen wştı?" degen swraqqa Tolğanay Stamalieva "onıñ saparı jeke otbasılıq jağdayğa baylanıstı boldı" dep jauap berdi.

Äleumettik jeli qoldanuşılar prezidenttiñ bwl qadamın qwptap jatır. Olar basqa şeneunikterdi prezidentten ülgi aluğa şaqırdı.

Al keybir qoldanuşılar bolsa, Sooronbay Jeenbekov prem'er-ministr bolıp twrğan kezde de jolauşılar wşağımen birneşe ret wşqanın aytadı.

Abai.kz

1 pikir